(1) القصيدة في ج 2 بعض المقاصير غير موجودة وأكملناه نحن.
المنظورات الحسينية ـ 3
127
انتم سلاطين الخلگ حي وميت
يهل الزعامه
وانتم وجود الكون وانتو التثبيت
يهل الامامه
عالمستطاعين الفـرض حج البيت
شاءت احكامه
زواركم فضلها عن حجاجه
حي هالكرامه
* * *
وارد خبر قدسي ابصفاكم مذكور
وامترجمينه
اربوطعش كوكب ابعرش الله اينور
اوللعرش زينه
نورٍ على نوراستخرج من نور
والنور عينه
من نور رب العالم استخراجه
حي هالكرامه
* * *
يابن الـذي قنديل درى يزهر
من عـالم الذر
المعمور بيت الله ابجماله اتنور
والعالم أزهر
حتى الملك بي تهتدي اوتتفاخر
والنور حيدر
زاره محمد بالسمه إبمعراجه
حي هالكرامه
* * *
طول الصراط « بألف عام » اتقدر
واضح بيانه
او الف الصعود او الف نزله مصور
اوراعي الديانه
يجزي ابلمحه اوبيده صك من حيدر
اوثابت جنانه
اوحبه ابولايتكم يصير ادراجه
حي هالكرامه
* * *
المنظورات الحسينية ـ 3
128
او دين الحنيف اتجله وترفـع شان
بيكم صعوده
او شرفه الباري اوختم بيه الأديان
وانتم سعوده
ابمعناكم اختص وبصريح القرآن
وانتم وجوده
اومن المله بيه ادخلت افواجه
حي هالكرامه
* * *
افواج افواج ادخلت بيه الناس
وانتم قياسه
اوظل القيام الساعه ثابت له اساس
وانتم اساسه
بيكم على اديان المضت رافع راس
يهل الرياسه
للدين بيكم تنگضي كل حاجه
حي هالكرامه
* * *
وانت يبو اليمه حملت الهالدين
جور او مصايب
ابسهم العده دلالك انظر نصين
ومن النوايب
وانفجع بيك اوظل يهل دمع العين
يندب الغايب
مولحت عينه اودمعته ثجاجه
حي هالكرامه
* * *
اتحگ له البواچي إلكم اوثگل النـوح
والدمع عبره
والله ما عزّيتوا عالدين الروح
يابنى الزهره
حتى الطفل اضحى ابسبيله مذبوح
حي هالكرامه
* * *
صرتوا هدف سهم الضلاله الجـراح
يشبول غالب
دون الديانه بالمهج والأرواح
يهل المناقب
من ادمومكم بحر الشفاعه طفاح
واهل المراتب
من هالبحر گطره صفت محتاجه
حي هالكرامه
* * *
المنظورات الحسينية ـ 3
129
من هالبحر مايغتنم بالگطره
ولابيها يفلح
العاداكم اوهيهات يسهل امره
وبقصده يمدح
واللي يحبكم يابنين الزهره
ابميعاده ينجح
وايفوج ببحور الشفاعه افواجه
حي هالكرامه
* * *
(تمت)
المنظورات الحسينية ـ 3
130
(30)
خدمة المآتم الحسينية
« ميمر مذيل»
هادينه هادينه
ياثمر هادينه
نحيه وانموت ابخدمتك
ياثمر هادينه
* * *
وجدان الإسلام احتيه بوجودك
واشتد عزمها
وسلطنه دين المصطفه ابمجهودك
رفرف علمها
واحنه اغتنمنه الغانمات ابزودك
وحگ نغتنمها
يچسينه يچسينه
والشرف يچسينه
من ينسبونه الشيعتك
ياثمر هادينه
* * *
اشرف خِدامه وساميه بالكونين
هاي الخدامه
مقبوله عند الباري بسمك يحسين
خدمه ابكرامه
خدامك احنه ونخدم ابجيش الدين
نحمل وسامه
منطينه منطينه
وارشـاد منطينه
ومرشدنه حـامل رايتك
ياثمر هادينه
* * *
يحسين خدمة مأتمك تعليمات
للصـافي فكره
هالعمل يتقدر ابسر النيات
عند الله قدره
واليگضي عمره ابمأتمك حي مامات
ما يبله ذچره
تكفينه تكفينه
هالخدمه تكفينه
اونشرت علينه خيمتك
ياثمر هادينه
* * *
المنظورات الحسينية ـ 3
131
يحسين دم اللي جـره امن جروحك
بالغاضريه
وروح الديانه اتمتعت من روحك
عصمه وزهيه
روضة سعادتنه روت من موحك
واضحت زهيه
خلينه خلينه
خـدام خلينه
نگضي الحياة ابروضتك
ياثمر هادينه
* * *
اول خدامه الفازبيها جبريل
هز بيها مهدك
او ناغاك بلسان الملك ميكائيل
وانچسه ابسعدك
للخدمه طاعه ولليناغي تهليل
عند الله مجدك
صد لينه صد لينه
يحسين صـد لينه
شوفة محمد شوفتك
ياثمر هادينه
* * *
وجنحـان فطرس ردت ابأسرارك
شائت الحكمه
گام ابخدمتك واهتده ابأنوارك
اونجّته الخدمه
خدام إحنه اولاجئين ابدارك
نطلب الرحمه
تنطينه تنطينه
يحسين تنطينه
رحمة الباري ابخزنتك
ياثمر هادينه
* * *
والأمل بالله من تصد واتراعي
هاي المآتم
تچسي الخدم ثوب الشرف واتوافي
كل أجر خادم
هالخدمه لو مقبوله عندك كافي
راعيها غانم
راعينه راعينه
من نزل راعينه
يحسين والعف شيمتك
ياثمر هادينه
* * *
(تمت)
المنظورات الحسينية ـ 3
132
(31)
إستغاثة الشاعر بالحسين عليه السلام
« بحر الطويل»( 1)
علة الچامنه بحشاي
لگيت اللي يداويها
دواهه ابتربتك يحسين
روحي او بيك أسليها
* * *
يبو اليمه إلك شكواي
وانت التعلم ابحالي
دوه علتي اوطبيب الداي
ابغيرك كل أمل مـالي
أنا الملتزم حبل اهواك
چى تنگطع آمالي
منك والأمـل بالله
التلزمك تلتزم بيها
* * *
التلزمك تلتزم بيها
اوتحيي نخـوة الينخاك
سرإسم العظيم احماك
وآنه المستچن بحماك
مايخفه عليك الحال
يالكل حال ما يخفاك
واسرار الخفيه بيك
تتوضح معانيها
* * *
ابمعاني الغامضه تعلم
اوبيه امن الرسل اشصار
جمر علتي اوجحمر دنياي
خلت بالگلب آثار
بيه انطبگت النارين
ماتنطفي النار ابنار
(1) بحر الطويل : وزن من أوزان الشعر الشعبي العراقي المعروفة . سمي بهذا الإسم لأنه أطول من كافة ألأوزان الشعرية الشعبية الرباعية من حيث تفعيلته للشطرالواحد . ينحدر أصله من بحر (الهزج) الذي هو أحد ألأبحر الستة عشر وتفعيلته :
لأن تهزج بعشاق
فهم في عشقهم تاهوا
مفاعيلن مفاعيلن
(وقالوا حسبنا ألله)
المنظورات الحسينية ـ 3
133
لاچن لوتفايض ماي
بحر جودك يطفيها
* * *
بحر جودك يطفي النار
اويسكن روع دلالي
يبو اليمه واريد اتريح
من جور الدهر بالي
وأظل أخدم مآتمكم
ابو جودي اوجهدي وابمالي
اوحياتي اوحسن توفيقي
ابخدامتكم لگضيها
* * *
(تمت)
المنظورات الحسينية ـ 3
134
(32)
دولة الحسين عليه السلام
« سريع»
من الأزل باللوح خط القلم
لحسين عرش السطلنه اوتاج الملوكيه
* * *
خط القلم باللوح من ساعته
سلطنة دين المصطفى اوهيبته
ابهيبـة حسين ونهضته ابنهضته
ابهالسلطنه الباري اقتضت رادته
ايعيّن القائد واليزم رايته
عباس واتنظمت بي فرقته
اوتنظيم هالفرقه ابوجود العلم
والعلم متسجل بسم عباس راعيه
* * *
ملك العروبه حين رايـه انطوه
من المدينه يقصد النينوه
ناده يمن لحسين أخيك ضوه
اوياسيف عزمي اولعد حيلي گوه
عباس ماغيرك يزم هاللوه
واعله المسير الجيش لمن نوه
أهل الديانه اتطوعت بالهمم
تدريب ديني امدربه اولبست الجنديه
* * *
ملك العروبـه ابفرقة الرابحه
نظم نظام السلطنه الناجحه
اومن جده عرش الدين متمنحه
اوهيبة البـاري اعلى العرش لايحه
التاج اعلى راسه اتگول شمس الضحه
اوآية الدين ابجبهته واضحه
والجيش يهتف وابلواه اعتصم
يحيى العلم يحيى الملك واحنه الفدائيه
* * *
المنظورات الحسينية ـ 3
135
شيدو عرش السلطنه ابكربله
اوعالعرش ريحانة الهـادي اعتله
التاج يحله اوبيه التاج ايحله
اوشكّل وزاره ساميه اوعادله
واعيان من اشبول عقد الوله
اونواب نال الدين بيه العله
اوهاتف الدين ايصيح بين الأمم
ياحي رجال النهضت ابنهظة الدينيه
* * *