ابمسجد المعمور كل يوم الملك تدخل اصفوف تعبد وللكعبه تنزل تحج بيت الله او تطوف اوترد هالسبعين ألف من الملك لرض الطفوف
ابمسجد المعمور سبعين ألف قصرٍ ينور اوبيه سبعين ألف مقصوره اوسرير انتشأ نور اوكربلا قصرين بيها نورت كل هالقصور
مسجد المعمور معبد مبعد وماهو جريب اوكربلا معبد اومگصد والگصدها ما يخيب حدر گبة حسين إدعي تسمع الصوتك تجيب
سيرت بالفكر روحي او لاجت الست الجهات عقل ناداني اشتدور بالسهل والراسيات ؟ رايد امن الأرض تربه او بيها تحسين الصلاة
استكشفت برج المغارب بالدجه والمشرفات شاهدت برجين الهن بالسمه متباعدات
ابكربلا برجين للشمس اوگمر متقاربات
من تصورت الشريعه استكشفت برج الگمر واعرفت حني الضلوع اوشاهدت كسر الظهر اوشفت نور الگمر مخفي ابظل سحابه امن الكدر
دونه برج الگمر شفته اموذر ابحد السيوف اوشاهدت فضخة العامود اوشفت گطع الچفوف ربت فكري تاه مني اوعمت عيني اولا تشوف
من فجعني امصاب مصرع گمر هاشم عالنهر لعد برج الشمس فكري اندار واشبحت النظر والجبين الشمس شفته انفلع بصواب الحجر
من شفت شمس المعالي اتكورت فوق الصعيد صحت ياربي ابسبيلك راح محبوبك شهيد ريت عيني العمه اولاچان شفت حز الوريد
من تصورت المصيبه الحلّت ابشمس الهده للمخيم دار فكري اوشاهدت بيه اشسده ناس تنهب ناس تحرگ والفواطم شارده
والمصاب الگطع گلبي اوهيج ابچبدي الحنين شاهدت عالتل مصيبه ايشيب من عدها الجنين واسمعت صوت الغريبه زينب اتنادي ابونين
(تمت)
« ميمر» دمع اليـّكت اعله حسين لجهنم ايطفيها* * *
وجده محمد للناس رحمه انرسل يهديها * * *
وبقلم قدره مكتوب سطر الشفاعه اعليها * * *
لحسين ودّوها وذاك ينطي اجر راعيها * * *
وننطي عوضها لو راد كل المله اينجّيها * * *
إيجلبها بيها اعله الراس لو عالوجه يچفيها * * *
يوم الحشر ذيچ العين رب السمه يعميها * * *
العروه الولايه وما فاز غير التمسك بيها * * *
الوجهك وگصد السايات من شيعتي نمحيها * * *
ياربي وضلوعي الگوم بالحافر امهشميها * * *
تطلبني وآنه ابها اليوم من رحمتك اوفيها * * *
اخذ التحبه واعداك لجهنم انوديها * * * (تمت)
« ميمر مذيل»
(تمت)
« ميمر مذيل»
(تمت)
« ميمر مذيل»
(تمت)
|
