* * *
ناداها لا تبچين يا بت حيدر
حزنچ يطول وعگبي نوحچ يكثر
اليجري علينه من الباري امگدر
هودي يبت حامي الجار
للحرم لتروعيها
* * *
(تمت)
المنظورات الحسينية ـ 1
178
(14)
هلال المحرم
« ميمر مذيل»
شلك ويـا حسين
يالفجعت الدين
عارضته بسهام الخطر
يالفجعت الدين
* * *
يهلال شهر النايبات الصابن
تعلم اشصابن
گلب الرساله وبالرمي ما يخطن
بالهدف يمضن
انوارك ابگلبي مشاعل شعلن
وإعضاي وجّن
جفن عيني جاد
بالدموع او راد
يطفي لهيبك ما گدر
يالفجعت الدين
* * *
يهلال يلبرجك چمين الأخطار
والخطـر لوعم
نور انت لاچن ليش تتجادح نار
تحرج العالم
چالگوس وإسهامك تصيب الأحرار
وإتفجر الدم
مِنّ البرج هليت
يا شهر واطفيت
بالغاضريه اشچم گمر
يالفجعت الدين
* * *
المنظورات الحسينية ـ 3
179
يهلال شهر الروَّع اگلوب الناس
وأمست إبريبه
يهلال شهر الگص يمين العباس
صارم حريبه
لا باس لو صاحت الوادم لا باس
والله اشمصيبه
هل علينا اهلال
بالرمي كتال
وستر الله من هذا الشهر
يالفجعت الدين
* * *
يهلال بسهامك رشگت الإسلام
واگطعت گلبه
لاچن اسهامك قسمتهن أقسام
كلمن ابدريه
وبالرمي أمضه وأشد ثلث اسهام
باشطه الحربـه
ياهـلال اوشوف
سهمك إبيا شوف
وسهمك الثاني ابيا نحر
يالفجعت الدين
* * *
اول سهم يهلال تدري اشأثر
واشعمل سهمه
گلب الرضيع إلمن ضماه اتفطر
طشره ولمه
حز رگبته وگطع ابنود المنحر
وغسله ابدمه
ودم رضيـع حسين
صار بالكونين
كل گطرة يتفايض بحر
يالفجعت الدين
* * *
يهلال وبثاني سهم صبت العين
وانطفت منه
الچانت مسهره او تنظر اعيـال حسين
وانشدني عنه
تدري شعمل هذا السهم بالكونين
وشگطع ظنه
تدري شأجره دموع
تدري شحنه ضلوع
ويا ظهـر بالرميه انكسر
يالفجعت الدين
* * *
وثالث سهم سمه ايتجادح جمره
يسعر وجدها
ابگلب ابوالسجاد او طلع من ظهره
وروحه مردها
ابهذا السهم گطعت گلب الزهره
بمصرع ولدها
هالسهم يهـلال
ثبت بالدلال
والثبته اصواب الحجر
يالفجعت الدين
* * *
المنظورات الحسينية ـ 3
180
يهـلال إلك طبره إعله راس الاكبر
طبرة منيه
جمرتها ظلت بالضمائر تسعر
لاچن خفيه
وبدر المحاسن من سماه اتكور
فوگ الوطيه
وهـرش الملاحه
اگطعت سباحه
واگطفت قداح الثمر
يالفجعت الدين
* * *
يهلال والرمله اكسرت خاطرها
واگطعت ظنها
طرهـا الفلك من عگب جاسم طرها
نصبت حزنها
وشلون حيره ابكربلا حيرها
ثكله إعله ابنها
حرم مفجوعه
وروس مگطوعه
للشام مشيت ابسفر
يالفجعت الدين
* * *
يهلال واعظم نايبه البيها تهون
عندك خبـرها
كل نايبه الروعت گلب المسكون
يسهل أمرها
وزينب الچان الخدر من عدها ودون
والفلك طرها
وج خدرها ابنار
هالله هالله اشصار
تتحمل اسياط الدهر
يالفجعت الدين
* * *
(تمت)
المنظورات الحسينية ـ 3
181
(15)
شهر ألأحزان
« العجز هجري + حسيناوي»
شهر الأحزان احـزان
بين اهلاله
صاب الحسين ابسهم
وصاحت الإنس اوجـان
بيّن اهلاله
* * *
بيّن اهلال الكدر والحزن وياه
ناشر أعلامه
وافه العيون الكدر والجفن دماه
من رمى اسهامه
چم ضلع بالطف كسر چم صدر واطاه
او كسّر اعظامه
صابت اعيال حسين
شدة اهواله
هـلال اثر عالحرم
ابكربله اوخله الخيم
تشب بيها النيران
بيّن اهلاله
* * *
إهلال لاچن من يهل يهل دمع العين
اوتثگل الحسره
عالگضو بالطف چتل لإنتصار الدين
والحيوا أمره
اهلال بمصاب الطفل يرجن الكونين
يفجع الزهره
والرضيع اعله الماي
عينه هماله
إوبالدهر ما لاحظت
اهلال مثله اوما شفت
ما يراعي العطشان
بيّن اهلاله
* * *
هلال بيه الفاجعه شحنت الدارين
علل مخفيه
واشكسر عالمشرعه كسر ظهر حسين
من مراميه
المنظورات الحسينية ـ 3
182
اوچم عقيله امودعـه ابگطعة الچفين
مشت مسبيه
عيَّن اوصاب اوصاب
اسهام چتاله
هلال لاچن رميته
ابگلب زينب نابته
فصل اونبـل اوزان
بيّن اهلاله
* * *
هل الهلال اوفجع رمله ابجسام
وثگل اهمومه
ابصـارم الازدي انصرع وإنشرگ منه الهام
او فاضت ادمومه
وچم گلب بالطف گطع من گبل بسهام
غدر مسمومه
اوچم گلب من ولياه
گطع آماله
آ يذبحـة كربلا
آ يسبي العايله
والگطع بالوليـان
بين اهلاله
* * *
هل الهلال اومرد گلب ليله اوخلاه
معلن ابنوحه
والده اتشوف الولد من نزيف ادماه
يجهد ابروحه
راح الاكبر وانچبد گلب البرجواه
تنزف اجروحه
والعطش للمصيوب
فطر دلاله
اوگلب ليله گطعه
مثل الاكبر وزّعه
شهر صاب النيشان
بيّن اهلاله
* * *
صبر الحسين اشصبر مو صبر إيمان
للگلب جُنه
ايشاهد ابطعن اوطبر طاح بالميدان
چم ولد منه
ورع صابر عالأمر او مصرع الشبان
ثگل الونّه
او فگد الاكبر وافـاه
اوما دهش حاله
المنظورات الحسينية ـ 3
183
اوشهر عـاشور اعتـده
شمل بالطف بدده
والهـدم چم صيوان
بيّن اهلاله
* * *
ما تگلي يا شهر شلك ضايع چان
عند ابـو اليمه
اتحالفت ويه الدهر اولا من الديان
لزمتك ذمه
إوضيعت سيد البشر اوعاضدت مروان
اوحللت دمه
اومن محمد يكفيك
ضيعة اعيـاله
ليش بحسين اغدرت
اوصيحه للوادم صرت
هذا شهر الخوان
بيّن اهلاله
* * *
(تمت)
المنظورات الحسينية ـ 3
184
(16)
يوم عاشوراء من عالم الذر
« هجري»
عرض عالأرواح رب العرش عملة كربلا
اتجنبت عنها اوقبلها حسين من قال اوبله
* * *
أنشأ ارواح البريه ألباري من عالم الذر
او عالمك چاس السعاده اعرضه اوعالجن والبشر
شربت الارواح منه لاچن ابحسب الگدر
اوعرض چاس امن الشقاوه او روت من عنده هله
* * *
روت من چاس الشقاوه أهل الشقاوه الجاحدين
او روت من چاس السعاده اهل السعاده الصالحين
اومن وصل چاس الشهاده الوالد اليمه الحسين
گال هذا الچاس حگي اولعد غيري ميحله
* * *
لن نده المعبود معلن يا حبيب يا شهيد
اشروط هذا الچاس صعبه العرش من عدها يميد
لاچن اليجرع اشروطه يشفع ابيوم الوعيد
للخلگ وايصير رحمه اوعالبريه شامله
* * *
گبل كل هاي الشروط حسين واثبت عالعهد
اوشره ارگاب المسلمين ابرگبته وأده الجهد
المنظورات الحسينية ـ 3
185
مثل ما رب السمه رافع سماه ابلاعمد
حسين للمله رفع خيمه او عليها امظلله
* * *
والروت چاس الشقاوه آل أميه الذبحته
نوت تطفي نوره والقرآن نكرو آيته
يتم نوره الباري رغماً على اخشوم الكرهته
من أنواره الباري لاشك نور ابن عقد الوله
* * *
آل أميه اثلاثه واثمانين عام اتخلفت
او لمّن ابطف كربلا الدم ابو السجاد اسفكت
عنهم انزالت النعمه اوبيهم الدنيا انچفت
واصبحت رايتها عالذل عگب عزها مايله
* * *
هالخطاب اللي سمعته انچان يرويه الخبر
بعد حين الناس كلها اتشاهده ابعين البصر
حسين لو طب القيامه يبدي صوته امن النحر
يجري من اوداجه الدمه
واينـادي يا رب السمه
آنه الفطر چبدي الظمه
وآنه بين ايدي رضيعي ابسهم صابه حرمله
* * *
آنه ابن فاطمه حسين الرضت اضلوعي الخيل
آنه البسهم المثلث گطعوا مني الدليل
اوطحت من ظهر المطهم إلك ساجد يالجليل
المنظورات الحسينية ـ 3
186
وآنه الذي صكني الحجر
وابجبهتي بعده الأثـر
والشمر حز مني النحر
هذا راسي بين اديه يا إلهي شايله
* * *
يا إلهي والفرضته گمت بيه ابمهجتي
اومنك اشريت الشفاعه ابرگبتى اودم اخوتي
هذا يوم الوعد إنجز يا إلهي رادتي
شيعتي بالحياة امهظومه
وامن الدنيا اوحسنها محرومه
يا إلهي الوعد هذا يومه
گصدي بالجنه اليودني جاري وآنه جارإله
* * *
ينزل امن الله جوابه يا حبيبي يا حسين
ابساگ عرشي اكتبت اسمك ( فلك منجه المذنبين )
النار متمس اليودك عالخصوص الزائرين
هـاي النعيم او حواريها
شيدت إلكم مبانيها
والنرضه عنه سكن بيها
او للسعير الجحد فضلك يسحبونه ابسلسله
* * *