(تمت)
الفصل الثامن
ويشتمل على القصائد التالية:
«شيعتي»
بزغ من برج المخيم جاسم ونوره إيتشعشع ناشر إجعوده إعله متنه إو مثل طير الجنه يلمع هلهلت رمله وتگله هاك إخذ گلبي إلمگطع
هالله هالله إشلون فزعه من فزع جاسم العمه
ضاگت إبعينه الوسيعه والوفه إيطشه ويلمه إتنومست رمله إبولده حنت ضلع الصبر يمه
إهنا يهل غذيت روحك من ثمر روحي وحليبي من نصيبك هالشهاده واليسر يبني نصيبي بالجهد بيضلي وجهي يا ضوه إعيوني وحبيبي
ضمته إبصدر المحنه وإنطبع رسمه إبصدرها تشم ريحانة جماله إو تكف دمعتها إبصبرها
إو ذكرت أيام الرضاعه إو لوجت الروح وسهرها
يمه حاسبني ضميري إوشفت مگصود اليريده والضمير إيريد مني أتخضب إبدم العقيده واليريد الغانمات إعله الطعن يعرض وريده
لزمت الدلال بيد إو إيد بيها إلزمت ريعه نادته ودّعك عندي الحسن يمدلل وديعه اليوم چنك ضيعتني وضعت مني إشلون ضيعه
(تمت)
«شيعتي»
* * * رمله يا جاسم إتنادي إو يهل دمع العين منها يبني هذا اليوم يومك لا تخيب أمك مضنها بيك والروح إبعزمها إتعيش وياك إو حزنها
* * * يبني هذا اليوم منك رادتي وغاية العندي تنتهب تبرز وجودك دون أبو السجاد تفدي الروح يا روح وعلينه الواجب إتحتم وگصدي
* * * يبني أبوك الحسن وصّه إبعمك وهاي الوصيه عندي محفوظه وأمانه إو راح أ أدي إللي عليّه مثل ما راد إبوصيته من نزلنه الغاضريه
* * * والولد لو چان مثلك طيب ويبذل الهمه يندفع للطيب نفسه والمواقف ما تهمه إو تشهد أرض الغاضريه إبوگفتك ويّه أبو اليمه
* * *
عاش گلبي إبحلم عرسك والعرس محروم منه لاچن إنته إلما حرمته وإبفضل جهدك تهنه إبنصرتك لحسين يبني واجبك وافيت عنه
* * * من قديم الزمن چانت هاي للعريس عاده إبحنـّه إيحنون إديـه إو يشعر إبراحه إو سعاده گلي يا عريس مثلك حنته إبدم الشهاده
* * * (تمت)
(3)
«شيعتي»
إتوجهت لحسين رمله والگلب من عدها هايم إتگله يعيوني أرد أنشدك وين نجل الحسن جاسم نصبت الصيوان عمته وفرحت إبعرسه الفواطم
(تمت)
(4)
«شيعتي»
إتگلطت رمله إلولدها إو شبگته إو گامت تودعه إو جدمت لامات حربه إو زرت إعله الموت درعه حزمته إبسيفه إو تهلهل وإبهلاهلها تشجعه
من بزغ من المخيم گمر وإبليلة كماله طالعه كوكب الدري يزهر إبنور الجلاله والصفات الهاشميه نابته إبروضة جماله
من معاني الشرف خمسه إنغرزت إبمعناة جاسم من رسول ألله الملاحه إو من علي إعلوم المچارم من الحسن حلو الشمايل ومن الحسين المغانم
إمرشح إبماي املاحه والملاحه من إجدوده من ورد وجنة محمد فتشت وردة إخدوده گبل معرس عله الحومه إسم ألله ومنشر إجعوده
غصن من شجرة محمد فرع من روضة الجنه لو زعل چالجبل يرسخ لو فرع گام إيتثنه ما يميد إمن الوراسي والرواسي إتميد منه
لوح إمتون المعالي وإبحر إبسرج المسفسر مقتبس نور الفراسه الزهرت إبمصباح حيدر گصوره إو يرتج رعيده إو من يصيح أللهُ أكبر
بنه إبحد السيف جاسم سدة إسكندر منيعه والرمح ثعبان موسى إو آيته يطوي الوسيعه إجنود فرعون إسجدتله تايبه ولأمره مطيعه
ثبت بموسط الحومه إو ثابت إبگلبه يقينه إمتوج إبفتحٍ قريب إو نصر إمن ألله إبجبينه
وآية ألإنذار سيفه إمسجله إبراحة يمينه
بين ما يخطف أرواح إو يدز لجهنم هديه نفذ گوس الگدر سهمه إو للثره ذب الثريه إو عين إبو السجاد شافت گمر جاسم خسف ضيه
ما تگلي إشلون شال حسين عريس الهواشم ضامه إلصدره إو تخط إعله الوطيه إجدام جاسم ليش ظهر حسين محني إوما يعيننه الگوايم
عاده عند حسين چانت كل چتيل إلمن المصرع
|
