إو تتدخل إعليه الفواطم تنحب إو تسچب المدمع
ما يظل بالخيمه يم المنصرع چان أبو اليمه ما تگلي ليش جاسم للخيم من جابه عمه مدده إبصف جسم ألأكبر وإنخبط دمه إويه دمه
هذا حال حسين خله لاچن إنشدني إعله زينب وصلتين إنطر گلبها إوبيه نار العطش تلهب گلب بالخيمه إويا أخوها إو گلب وي الحرم ينحب
إتگلطت للخيمه زينب فاجده إو سمعت حنينه طبت إو شافت وليها حسين متوسط بنينه حاط عالقاسم يساره إو حاط عالأكبر يمينه
هوت ملهوفه إعله أخيها إو واسته إبنار المصايب نادته يحسين اشوفك أثرت بيك النوايب ناده للعريس يختي خضبي إبدمه الذوايب
(تمت)
(5)
«شيعتي»
* * * طلعت إمن الخدر رمله إبگلب يتطاير محنه عالشباب إلما تهنه إبعرس وإبجهده تهنه إو فرت المعصب إو صاحت لا هي صيحه إولاهي ونه
* * * أتدير بعيون الموده الطامعه إبشوفة ولدها إو لن تشوف إهلال وجه القاسم إتشعشع إبحدها إو ضمته إبگلب الوداع إو بالوداع إنطر چبدها
* * * صد عليها إبعين همه إو گلب متجلد إبصبره إو صاح عد عيناچ يمي إيهون يوم الكون أمره كون أسجلچ كرامه إبقائمة أُمي الزهره
* * * جدمت مهره إوتخيل چنه حيدر من تخيل إو رمله تتمثل ثمرها والحسن إلها إيتمثل إو سيف من إسيوف هاشم لإنتصار الدين منسل
* * *
شرعبت بيه الفراسه إو شد عله الميدان وحده إو صاح بالرايات گومي سار بيها الموت وحده إو بشط السيف إبصليل الطوس والهامات وحده
* * * إيجول بالميدان وحده إو يسحگ إجسوم إو جماجم إو لا صبر لا ضرب خله إو لا طليعه إو لا ملازم يقتبس من المخيم عزم من صوت التحشم
* * * هاي حاله إو بعد حاله مرت إعله الولد وأُمه إو طبت الصيوان عرسه إو شافته إمخضب إبدمه هوت مرعوبه إعله جسمه إو گامت إبنحره تشمه
* * * (تمت)
«شيعتي» إلمن هالشمع وإلمن الحنهجاسم من دمه نحره تحنه
طالعت صحف النوايب بالنوايب گلطتها إو فتشت روحي المصايب بالمصايب لوعتها إومثل كسرة گلب رمله بألأرامل ما شفتها
هاك إخذ يالمحب مني خبر عن جاسم يفجعك إو مثل حنية ضلع رمله إيكون تحني إعليه ضلعك إو مثل دمعة حزن زينب تصب للعريس دمعك
چني إبجاسم وأشوفه منفجع مندهش نوعه إو مثل حني القوس ظهره منحني إو تهمل إدموعه يحن وإتنابي حنينه ونـّته إو حنيت إضلوعه
إو چني بمخيم حسين إو أنظر إشبول الهواشم هذا المغطرس إبدرعه إو ذاك المجرد الصارم إو ما شفت مهظوم بيهم بس يتيم الحسن جاسم
وإطلعت زينب تنادي حسين يا مهجة الزهره إدرك إبن الحسن جاسم ضاگ من الصبر صدره جاعد إبكاسر الخيمه أعزل إمسلَّح إبصبره
إتشابگ حسين إو يتيم الحسن وإتغيرت الحاله وإنغشه إعليهم إوصار النوح ببيوت الرساله وإنتبه جاسم إو عمه حزّمه إبسيف العداله
سدر الخيل إو نحرها بالفراسه الحيدريه رمله تتنطر ولدها إو عينها الجيّته إربيه ساعه لن شافت ولدها نايم إبحجر المنيه
(تمت)
«شيعتي»
* * * لوّح إمتون الفراسه بالفراسه الحيدريه فرع من أصل الهواشم والشمايل هاشميه نار عزمه إو نور وجهه إتخالطن بالغاضريه
* * * إنحدر محدار الزلازل من سماء الغضب حازم مثل حيدر بالحرايب نوب مغضب نوب باسم حيدر إبمرحب تنومس إوجاسم إبنوماسه غانم
* * * جاسم إجتاز الفراسه مثل حيدر وإجتيازه إشما حرز حيدر مغانم حرز جاسم بإنحرازه إو من يهز الرمح بيده ياخذ الكون إهتزازه
* * * إمبسل إو هيف إو رهيف إو يزهر إبشمعة دلاله وإيتمايس وإيتغطرس مرح والبشره إتحلاله إو لو زعل عالحرب كبّر للحرب ينسف إجباله
* * *
للسمر ساعة إمسامر بالوغه وللبيض لمعه ما تناشدني إعله جاسم شنهو ذاك الحين وضعه الخيل خلاها جنايب والزلم عألأرض صرعه
* * * لو غدت بيض الصوارم حمر من دم المشاطر إو شبچت الميد إو گصلها يا فته بعد إيتسدر يالتناشد بيد جاسم سيف من إسيوف حيدر
* * * شابچ الكوفه إو لواها وما لوه إعله الضيم جيده لا تگول الگوم صرعت جاسم إو حزّت وريده إنصرع بحجور الشهاده وباع دمه إعله العقيده
* * * (تمت)
«شيعتي» إلمن الصيوان منصوب يبني
* * * طلع من برج المخيم جاسم إو يزهر إهلاله بيده سيف الشطر مرحب إو نور إيمانه إيتلاله هلهلت رمله إو تگله سيفك إلچفك حلاله
* * * فجت إضلوع الوداع إو ضمته إلصدر المحنه إو صاحت إبصوت المصيبه لا هي صيحه إو هي ونه وأعرضت لله الثدايه إو تقسم إو تلتمس منه
* * * صد عله أمه إو وجهه مسفر بالشهاده إو ثغر باسم إو سيف أبوه الحسن بيده إو مدرع إبعزم الهواشم زردت بالدمع درعه إو صاحت إمبارك يجاسم
* * * شافته إعله الموت مسرع نادته يبني إعله كيفك خلي إودعنك وشمك وخذ گلبي إلما يعيفك للوفه درعك لبسته وإبيمين إرباك سيفك
* * *
جدمت مهره إوتگله شد يمينك عله الصارم إو طوف يبني إعله المخيم وإنعم إعيون الفواطم إو عين زينب خل تشوفك من تكد إعله الملازم
* * * نزل للميدان جاسم والمخاطر رد عله أمه تطش بالحسبه إبگلبها إو ترد بالحسره إو تلمه ساعه لن إتشوف جاسم جابه للصيوان عمه
* * * إتجلدت بالصبر يبني إو صبّرت روحي إعله فگدك إو چني ما لوليت يبني إو چني ما هزيت مهدك إو چني ما سهرت إعيوني إو چني ما شميت خدك
* * * (تمت)
«شيعتي»
إطيور الشهاده زفتـك والعرس بالجنه * * * إمن الحسن جاسم وديعه إو عد عمامه إيدللونه ومن وصيته الحسن جاسم بالطفوف إيعرسونه أرد أبشر الحسن بإبنه وبالعرس گرت إعيونه
من هالعرس گلبي لسبني وإنگطع ظنه * * * بالخدر هلهلت رمله وگامت إتحشم ولدها وجدت لامات حربه ولزمت المعصب بيدها وهلهل إبوجه التحشم نور من چوچب سعدها
|
