* * * بشر وإستبشر دليله وإنتخه المدلول لأمه وأزهت إبوجهه الفراسه وفتشت وردة الهمه وهاجت إبجسمه الحماسه وفورت عالكون دمه
وتنزف عله الميدان يبني إبليلة الحنه * * * چني بحسين إيتمثل موقف الحره إويا إبنها وتشد عزمه إعله الفراسه وتقسم إعليه إبلبنها وكثرت حنة شبابه وحنته إبدمعة حزنها
عريسنه إبيوم العرس للموت يتعنه * * * تهيأت رمله الولدها رادت العرسه تشوفه بالدمع عجنت الحنه وبالنحب فرشت الحوفه بعد ما تدري إبولدها إشصار وإشعملت الكوفه
والحور صيوان إلك يالمدلول نصبنه * * * إشما تجلد گلب رمله سهم المفارگ فجعها ضمته إبحجر الموده وأحنت الجاسم ضلعها وحزمته إبسيف الوداع وزردت درعه إبدمعها
وچني أشوف الحور ثوب العرس نسجنه * * * جابو القاسم عمامه إو مددوه إبصف ألأكبر وإنخبط دمه ويا دمه ونورهم گام إيتبادر وطاحت الحره إعله إبنها وإصرخت أللهُ أكبر
والحور عجنت حنتك والشمع علگنه * * * فجت الحره گلبها وضمته إبحجر الموده
وبالچبد مشت إدموم العفرت وجنات خده ونادته إجروحك چثيره إتحيرت يا جرح أشده
أُمك الزهره إخضاب عرسك تنحرم منه * * * چني إبرمله إتمثل جاسم إو شمعة شبابه وأهجس إبگلبي وگلبها إصواب أمضه من إصوابه گمر چنه وفيض دمه عالگمر مثل السحابه
وخيطت جرح الگلب بالحسرات والونه * * * (تمت)
«هجري»
فتشت وردة صفاتك بالصفات الطيبه لو طفت شمعة شبابك بالطفوف النايبه يربح إبتجرة رباتك يولدي حجر الربه
لفت والمعصب إبيدها والولدها إمهلهله وشبگته وشمته إبنحره والمدامع هامله هاك إخذ سيفك وسيفك ورث من عقد الوله
صد عله أمه الولد ناده لا تفجعيني إبچاچ كون أگر بالسيف عينچ يالتحلفيني إبرباچ
وبرضه المعبود تچسب روحي لو تچسب رضاچ
حشمت رمله إبولدها ما تنشدوني إشتريد إيد بيها إلزمت جاسم والثدي لزمته إبإيد أوفي حگ در الشربته يولدي وإنظر بعيد
إنتشع وإتشعشع جماله وشرعبت بيه الشيم وأدرع إبعزم الهواشم وإبفراستها إحتزم وصاح حگ إرباچ يمّي ينوفي إبعقد الذمم
يولدي والنوب أريدك گبل متلاگي الصفوف وگبل متخوض المنايه وتغرگ إبحر الطفوف إتلوح ظهر المهر وإتگوم عالمخيم تطوف
لاح مهره وصاحت أمه إگطعت گلبي إبرچبتك رحت يبني وبگت حسره بگلبي ليلة زفتك يولدي ودعتك ألله إرشد إرشد نيتك
خل أودعنك وفچلك گلب صبري للوداع وبضمير الشوگ أضمك گبل متضمك الگاع يولدي ومن بعد ساعه تنصرع مصرع إسباع
(تمت)
(11)
«ميمر»
طلعت الحره إمن الخدر ملهوفه صاحت يجاسم شوف گوم الكوفه إو صد للخيم حال الفواطم شوفه
هلهلت رمله وأهملت دمه العين الدين يهل الدين بوجود حسين ها ها يجاسم لا تنام إعله الدين
مانه إبنچ إوأوفي العهد تدريني وإشلون يمي إبعمي إتوصيني لو دنت ساعات الوفه شوفيني
شبگت ولدها إو رايها إعليه مذهول إو صاحت يسباح الچبد يا مدلول
شيگول گلب أُمك يجاسم شيگول
مانه إبنچ إوعزمي اليأمن خوفچ ما ضاع در ثديچ ولا معروفچ وبدم وريدي كون أحني إچفوفچ
عمك غريب إو شرد أگول إبعمك ضحيله دمك لا تعز إبدمك خل تظل جمرة عرسك إبگلب أمك
صد إعله جاسم وبرباه إتبصر شوف الربه إو صافي الحليب إشأثر شالته الهمه وللحرايب سدر
ما فتر عزمه إو لا تگاصر باعه وما ضيّع إرباه إو ثدي الرضاعه والولد من طبع الحليب أطباعه
جاسم رضع من در ثدي المحجوبه وأغرس إبجسمه الطيبه المحبوبه إو صافي الحليب إمن الولد مطلوبه
(تمت)
(12)
«دارمي»
(تمت)
«مجرشه مذيله»
(تمت)
«ميمر مذيل»
(تمت)
|
