ديوان السلاميات الحسينية ـ الجزء ألأول 56 من عگب عينه إبعترته إو فعل آل أميه السوته إلما ينجره إبريحانته * * * چان گلبه تگطع إو ذاب وعلى جثته وگع إو شمه إو جسمه المطشر دور إعليه إو جمع إو لم بناته الفرت إمن الخيم من جاها الفزع فرت إتنادي إمذعره يا جدنا يا يسد الوره ما تدري إعلينه إشجره العده حرگت خيمنا إو لعد عزنا سلبته * * * (شبل فارس مضر) إن شاعرنا جعل من شعره هيكلا قائما في وادي الطف ودليلا للتائهين ، بقصائده الرنانة يسلط ألأضواء على الحنادس والزوايا الحالكة. فتراه يحسن صياغة قلائده. وها هو مشمرا عن شاعديه ليسرد لك الوقائع وألأهوال التي حلت بجيش الكفر عندمت داهمه شبل فارس مضر أبي الفضل العباس . جرد صارمه العباس والحومه نزل بيها صكها إبكربله إو صارت ضجه إبكل نواحيها ديوان السلاميات الحسينية ـ الجزء ألأول 57 جاس الوسط بالصمصام والطارف تچناله ذبه إعله الگلب عباس وإبطرف الرمح شاله عذاب الخيل خله الخيل تمشي إبغير خياله ثلث تنعام من عنده ما فارس وصل حده على إحدود العده إتعده صارت من نسفها الليث عاليها إعله واطيها * * * بطن إو ظهر گلبها إو صار إنهارها چالليل بالسيف إبن داحي الباب وإظلمت إبعج الخيل إبوادي كربله غدران من دمها إو تكت چالليل شعل نار الوغه إبزوده الشجاعه ورث من عوده سيفه إو رمحه إشهوده إشما تثگل عليه الگوم بالبتار يفنيها * * * ثلث تنعام من عنده هز رايته إو لاگاها مشتهيه الحرب ملگاه إو بيه أدركت منواها خبطها الرمح بالحومه والصمصام صفاها راعي الشرف والعفه يچل المادح إبوصفه ثناها إبساعده إو چفه صرعها إبكربله إو كل عين شافت ذل مخازيها * * * ديوان السلاميات الحسينية ـ الجزء ألأول 58 منه إكتفت الفرسان حين الجرد البتار ما واحد گدر يدناه ظنوة حيدر الكرار لملمها إو فرثها الليث إو سالت من دماها إعبار منه ماجت الفرسان فرت من گمر عدنان ظل إيجول بالميدان عباس إو نعم منه جندل كل مساميها * * * سيفه والرمح گامن يتجادلن بالميدان كلمن يدعي بالزود والهمه إو علوّ الشان يگل للرمح گام السيف دوني ما يگف حران آنه الچف گمر عدنان حليف إبخطة الميدان أفصل روس عن أبدان ألوگ إلساعد العباس الضربته ما يثنيها * * * الرمح چنه زعل عالسيف ناداه إو صرخ بيه حيل تعيرني وأنه البلكون أشلع أبطالها إمن الخيل إليفر ما ينجه من سطواي واليثبت أنشبه الويل إگبالي ماثبت فراس بالميدان أشيل الراس أنشد عني چف عباس من غواص بحر الموت غيري إو خبط صافيها * * * ديوان السلاميات الحسينية ـ الجزء ألأول 59 إبزودي إو فخرت إعليك يالسيف إو طلگت الباع أنه إمشلع طواغيها ومن خطفتي إتروط إسباع إشچم منعوت وإمصيت ربطته إبطلگتي للگاع وأطرب من يصير الكون وأغير من إعداي اللون بفعالي العده إيشهدون طعنتي لا تظن يرجه منها إيگوم راعيها * * * ناده السيف يالعسال لا تفخر عليه اليوم هذي كربله مشحون واديها إبروايه الگوم اليخلي الحومها ياهو مرتع للوحش والحوم أنه إبيوم الحرب موصوف الحملني ما يعرف الخوف عباس ألأسد معروف وأفعاله تشيل الراس وأتفاخر إبطاريها * * * جسم ما بينهم عباس من شاف المجادل طال إليثبت گال حگ السيف واللي يفر للعسال إصطفو كلمن رضه إبحگه إو صار إبكربله زلزال إبهمة زود إبن حيدر فاج إبدمه العسكر لونها سدة إسكندر إبوادي كربله ما چان نحرت زود جاريها * * * ديوان السلاميات الحسينية ـ الجزء ألأول 60 أدّه إبكربله حگهن عباس الرمح والسيف منه ظلت الفرسان تتراجف وهي بالصيف لاچن من عگب عيناه صارن وين ألف ياحيف تاهن من عگب عباس راعي الفخر والنوماس إينادن يا شديد الباس العزه البيك شفناها بعد هيهات نلجيها * * * الرمح والسيف ينعنّك بگن يمگطع الچفين إو بالخيم زينب إتناديك ما تگعد ينور العين خويه من عگب عينك دار العسكر إعله حسين إو صاحو بالخيم فرهود من عگبك يراعي الزود لون ما يجسم العامود راسك چان ثايتكم ما واحد يدانيها * * * ديوان السلاميات الحسينية ـ الجزء ألأول 61 (صولة العباس) صولة ، وأي صولة !! هجوم الحق على الباطل ، والنور على الظلام ، غارة ضيغم جسور على جبناء مغرورين . حصد الرؤوس ، فلق ألأجسم . وأشبع الطيور بلحوم ألأعداء. صال عباس إو ردم صمصومها إو صار ذاك اليوم أگشر يومها * * * صال أبو فاضل إو هز بيده اللوه والعجد بيده تفصم وإلتوه إيطشر الكزبور رمحه لو هوه يشبع الطير إبچثير إلحومها * * * والوحش ريع إبساحات الفله حين جرد سيف إبن عقد الوله ولو عطش يشرب إدموم السايله وما الذ إيشوف من إدمومها * * * إتوسط الميدان والحومه هوت الملگه ابو فاضل إو بيه إتفرست صفّگتله إسيوفها وإتراگصت إرماحها إو خضعت له كل إگرومها * * * نادته الحومه يبو فاضل هله إلك سني ضحك من دون المله حيث بوجودك أظل إمدلله أطرب أو ظل ينظر إعله إرسومها * * * ديوان السلاميات الحسينية ـ الجزء ألأول 62 ونادته أترجاك وأحسب لك أيام وساهرت ليلي برباك ولا أنام خلفك من عندي نكاس ألأعلام حيدر إو منه چسبت إعلومها * * * ناده أبو فاض إهنا يم الفخر اليوم أجرب آجالها گبل الگدر أنه غبن ذاك الذي إلمرحب شطر اليوم أأدي إلكربله مرسومها * * * والنعم يدّب صناديد العده حين جرد بالطفوف إمهنده سوه بيهم يوم ما مثله سده بالعصور الماضيه جيدومها * * * رفس گلب الجيش والجيش إنفرث خيولها گامت تعثر بالجثث باس البحيدر العباس إنورث من تعشگه أم العله منلومها * * * وگف دون حسين وگفه بالطفوف ماسمعنه أحد وگفها إولا نشوف مثل ملچ الموت سيفه بالصفوف لو نزل ما ينحسب معدومها * * * إو كسر إعيون الذي ما تنچسر وخله بحر إدمومها ما ينعبر وزينب إتشوف إبن أبوها إمن الخدر إيجول بالفرسان عز مخزومها * * * ديوان السلاميات الحسينية ـ الجزء ألأول 63 ومن إجت زينب يگلها إدللي أمّني إبخدرچ يريحانة علي حيّته گالت له أنه إختك يالولي ما أهم وأعداك محرم نومها * * * ويه زينب يالعلي خان الدهر سعد عزها طاح مرمي إعله النهر من إعيون أعداها صار إلها السهر تنظر أخوتها رهينه إجسومها ــــــــــــــــــــــــــــــ (تهنئة بمصاب) عجبا لأمرك أيها الشاعر الفذ، مسلك غريب، وأمر عجيب، لم يطرقه أي شاعر عداك. تهنئة تنتهي بمصاب يمتري الدموع !! إن ذلك لمن أشد العجب !! فطوبى لك ولشاعريتك المتوقدة ولخيالك السامي سلكت هذا الطريق الوعر وإستطعت أن تمهده لمن يريد الللحوك بك، إنك وضعت ألأساس لهذا الخيال الخصب وأنت أول من إفتض هذا المعنى البكر. إشبولك يكرار يا حامي الجار إنهنيك بيهم جرو فعل الگبل ما صار إشبولك يكرار * * * إينفجد له إشبول بالكون يعزونه ألأحباب ديوان السلاميات الحسينية ـ الجزء ألأول 64 هذي العاده إو يسلوه على عظم المصاب لچن بس آنه أرد أهنيك وأسرّك بألأطياب بالغاضريه أهل الحميه بجيوش أميه بالمواضي وجرو نار إشبولك يكرار * * * يبو الحمله إشبول عندك بالخلگ ملهم مثيل إيأمن الخايف إبحدهم وإتغمض عين الدخيل إو بالمصادم ما يخيف إگلوبهم حمل الثجيل لاچن يطربون لو وجر الكون أرواح الگروم إمسلبيها إبحد ألأشفار إشبولك يكرار * * * للأبه سنّو مچارم يچل من عدها القلم وبالمواضي إبساحة الكون إرفعو للعز علم ضچر ظل محمود بالكون إو درس لهل الشيم ظل بيه يدرسون للعز يريدون إينومس فعلهم والفعلهم ظلت آثار إشبولك يكرار * * * خاضت العالم بحرهم لچن چلت وإتعبت طافح إو غامض قراره وبألأمواج إتوهلت صعب معباره إو لحده لا تظنها إتوصلت ديوان السلاميات الحسينية ـ الجزء ألأول 65 تاهت بألأمواج يتعب الفواج يكلف بحرهم ما إله مسلك إو معبار إشبولك يكرار * * * بيهم إتشرف التاريخ إو صحفه إتنورت إو ظل ضچرهم المحافل وبضوه نوره أزهرت لوله نهضتهم فلا چان الشعوب إتحررت أهل المچارم إبحد الصوارم شيدو راية دين إبن عمك المختار إشبولك يكرار * * * چان هذا الدين ما بين الخلايگ يستجير ما حصل واحد ينجده إبين عدوانه يسير الخل چن ما يسمعونه إيحشم إو يطلب نصير وين المسلمين ينخاهم الدين عيناك هاشم نادته يالتطلب أنصار إشبولك يكرار * * * إتچنو إبوجهه إو تناخو للسواعد شمرو گرّت إعيونه إبفعلهم للمواضي جردو كل فرد منهم تچنه إو للمنايا إتسابگو نجوه من إعداه إو ظل يرفل إلواه إو خلو الجيش اليسره إميسر إو محتار إشبولك يكرار * * * ديوان السلاميات الحسينية ـ الجزء ألأول 66 ما سمعنه صار بالكون ولا بعد أو نشوف غير سادات البرايا العانگو بيض السيوف دون عز الدين بالدم فيضو وادي الطفوف ثوب الفراسه لايج لباسه إعليهم إمگدر ما يلوگ الغير ألأحرار إشبولك يكرار * * * عادة الفرسان لمن تنولي إبيوم الحرب تخضع إو للخصم تذعن تقبل الذلمن غصب بس أباة الضيم كلهم صفو بالعز عالترب ما خضعو الجيد إو سالمو ليزيد ما ذلو إو ذلو خصمهم لبسوه عار إشبولك يكرار * * * الخصم خاف إيگول تچذب يالذي أتهني ألأمير بالحياده إو دوم دمعك يجري إعليهم چثير حتى أگله مو عليهم دمعي اليسچب غزير نبچي على أطفال إو حرم من حرگو إعليها الخيم عگب النشامه أهل الشيم الزلم عاده الچتل إلها لاچن إشذنب الحرم * * * ديوان السلاميات الحسينية ـ الجزء ألأول 67 (ندبه) حلق فكر الشاعر في ألأجواء العليا يفتش عن برزخ يقطنه لحظات ليخرج عن هذا العالم وليتقمص روحه الخيالية السامية، ولينقل لك هذه الصورة الحية. فحط رحاله في جانب مهم من وادي الطفوف وراح يرومق عن كثب السيدة الجليلة عقيلة الهاشميين التي تجلببت ألأسى وراحت تندب أخوتها بقلب مفجوع، فدوّن كل كلمة قالتها بهذا القالب الشعري. أصبحت زينب إبوادي الطف تصيح بأسم أخوها حسين وإتگوم إو تطيح * * * إتنادي يبن أمي يمخدوم الملك عن خواتك والعيال إشعطلك ماني زينب يا حسين إو جيت إلك گوم نشف دمعتي من الرشيح * * * العجب كل العجب يبن المصطفه ماأسمعلك صوت شو حسك خفه أدري إعليك العده متحالفه چتلك إتريده إو لعد دمك تبيح * * * لاچن ادري بك شهم يوم الحرب أبد ما تختل إو يرجف لك گلب ديوان السلاميات الحسينية ـ الجزء ألأول 68 إتخلي خيل الفرّس إبدمها تخب إومنك الشجعان يبن أمي تميح * * * ما أظن إتحول فرّسها عليك وإنت ملچ الموت يمصيت بديك إشحد الگروم إتجسر تصل ليك يمن خصمك ما ينام إو يستريح * * * حسين يبن أمي يحد المرجله ليك تتربه يخويه العايله إگلوبها ظلت عليك إموجله وين تتوجه إو هذا البر فسيح * * * خويه أسوم إعليك جاه أمي البتول إبيا كتر طايح يريحان الرسول چنت مستره إمن أشوفنك تصول غبت عن عيني إو بگت بس دم تسيح * * * هجمت إعله إمخدراتك تره الگوم إخيولها إعله مخيمك گامت تحوم خويه حي إنچانّك يحسين گوم أخبرني لو طايح يبو اليمه جريح * * * سمع صوت إخته چبد حامي الحمه إتحشم إو تنخه عزيزة فاطمه ناده بأضعف صوت من حر الظمه إهنا يزينب من المثلث طريح * * * ديوان السلاميات الحسينية ـ الجزء ألأول 69 إگصدت ليه زينب لچن فوگه إنحنت شمته إو شمها إو مدامعها جرت إبن والدها جرح بيه إحسبت إتشده وإيلوح إعله المطهم صحيح * * * شافته إمواصل طبر راعي الفخر غير المثلث إلبيه صابه الگدر مرد گلبه إو فگح من عنده الظهر إو گام بصواب الولي يلعب الريح * * * وشافته لنشاب شابچ عالصدر ومن چثير الطبر ما سالم كتر سال مدمعها حمر مثل الجمر حيث ما ظل بالگلب غير الجديح * * * خويه حاچيني إو وصي إبحاجتك إتگله يبن أمي إو شنهي رادتك أدري إتنازع إبعلة مهجتك غايتي إتحاچيني والگلبي تريح * * * ردي ناداها شبل حامي الدخيل للخيم وإتوطّني الحكم الجليل عالحرم عينچ إو باري للعليل خايف إمن العده إلما بيهم نصيح * * * حافظي يختي على شبلي علي من عگب عيني على المله ولي ردت إو منها مدامعها إتهلي إو روحها يم الذي إيحگله المديح * * * إجت للسجاد يم راسه إگعدت إشلونك إتگله إو على حاله إنشدت ديوان السلاميات الحسينية ـ الجزء ألأول 70 الشمس يالسجاد أشوفنها إكسفت إو ناعي ينعه حسين بلسان الفصيح * * * رفعت الخيمه إو نظر چبد الطهر ناده يا عمه إستعدي لليسر من أبويه حسين إجه خالي المهر إو عالرمح راسه الذي إمنجي المسيح * * * (شخص عجز الصبر وما جزع) إن الحسين (ع) لقن الصبر درسا لن ينساه مهما كر الجديدان ، نفر الصبر منه لعظم ما لاقاه، لكن هو ذلك ألأبي ، صمد صمود ألأسود، كالطود الشامخ أمام الباطل، وسجل أروع الصفحات البيض في تاريخ البشرية بدمه الزاكي. عجّب أملاك السمه صبرك يبن فاطمه * * * إبصبرك ملايكة السمه عجبت إو لأهل اللبابه والفكر حيرت من بعد صحبك وإخوتك جدمت طفلك بإيديك الموتته إمجدمه صبرك يبن فاطمه * * * من بعد ما كلهم گضو بالطبر فتيان هاشم بالمچارم ضخر إبدرع الشهاده إتجلدت والصبر لو صار همك عالجبل هدمه صبرك يبن فاطمه * * * وگفتك بيها سيدي شيدت للدين وأهل الدين رايه إرفعت (وإبواحد إوستين) عز سجلت ظلت أنواره للحشر دايمه صبرك يبن فاطمه * * * يحسين منأوعظت جيش العده محد صغه الصوتك إمن أهل الرده وإجيوشها إبطف كربله إمعدده كلها عليك إبغيها متحزمه صبرك يبن فاطمه * * * لمن شفت ما نفع بيها الوعظ يبن الذي أحيا السنن والفرض ضيت بيها الواسعه إمن ألأرض إو كل فرد منهم سيفك إموسمه صبرك يبن فاطمه * * * لاچني إشبيدي إعله سهم الگدر يالعلي إبشخصك يا وسافه غدر صابك إبغرتك سيدي إو بالنحر إو لاح إبجبينك سيدي إو خذمه صبرك يبن فاطمه * * * ديوان السلاميات الحسينية ـ الجزء ألأول 72 والموت حين إللي لفاك أخبرك إتريد الشهاده لو تظل خيرك يا سيدي يحسين يا مكرمك إو جودك فديته دون هالغانمه صبرك يبن فاطمه * * * سر يبو السجاد إبگطع رگبتك بيه من جهنم خلصت شيعتك هالفخر يكفينه علم گبتك وإعله الموالي ذروته إمخيمه صبرك يبن فاطمه ــــــــــــــــــــــــ (وا مصيبتاه !!) الحسين عليه السلام صريعا ملقا على الثرى ، معفرا بدمه وروحه الزاكية حائمة على جسده الطاهر ترفرف بأجنحة ألإيمان ، وعقيلة بني هاشم تندبه وتنادبه لينتصر لها من القوم الطالمين ، فقدم لنا الشاعر هذه المحاولة المشجية وعبر عنها بما يدور في خلده من المشاعر الفياضة. ألله الله ألله يا مصيبتنه زينب إتصيح أصبحت إو تصفج الراح إبراح يا مصيبتنه * * * ديوان السلاميات الحسينية ـ الجزء ألأول 73 زينب إتنادي الولي وين أخويه حسين إو تهل دمعتها تقبل إختك تنولي إمشابچه إلإيدين فوگ هامتها تندب الخيل الخيل گوم دهمتنه خويه والعسكر لفت عالمخيم وإهجمت ما شهم بيهم صاح يا مصيبتنه * * * إتنادي إومنهاالگلب مشتعل نيران تعدو بالوادي يبن چشاف الكرب شوف يا ريسان إعليه إشسادي حرم ما بين الغرب بگت يا عطشان والهضم بادي دنهض إبعينك شوف خويه ذلتنه الگوم كلها إصياح روّعو اطفال إو حرم كبرت كلها إصياح يا مصيبتنه * * * واجفه إبحد الخيم إتحشم إخوتها من گلب ملهوف حسين وي راعي العلم علت صرختها والوجه مخطوف وينكم يهل الشيم هاي ساعتها زيلو عنا الخوف هاهاها يهل الخيل ردو لهفتنه والعيال إتسلبت وألأطفال إتشتت إو شفگد المنهم راح يا مصيبتنه * * * السابق الفهرس التالي