ديوان السلاميات الحسينية ـ الجزء ألأول 38 دور إبجهنم والحكم صدقته بمضاك يحسين حياك * * * سيدي وإعداك تضحك يوم نلطم عالصدر إبحبك إو إلنه ينسبون سوادين إو هجر ننحشر يوم القيامه إوياهم إو شنهو العذر ياسيدي إهناك تاخذنه وياك للجنه يامن جنته سواها لجلاك يحسين حياك * * * سوه إبو اليمه إسوايه إبكربله ما تنصنع ثبت إبسيف العداله حصن للدين إو منع إموشح إبهيبة الباري وفضله عالعالم يشع يحسين بحماك شيعتك برجاك إتخلصها من حر القيامه إو تخسر إعداك يحسين حياك * * * إنطيت صك مختوم بمضاك لعد باري السمه إنطيت كلما راد منك يالحزت كل غانمه طفلك إو صحبك وأخوتك فاجو إبّحر الدمه ناديت وإنداك عجب ألأملاك ضحيت نفيس وإخوتي يالباري برضاك يحسين حياك * * * ديوان السلاميات الحسينية ـ الجزء ألأول 39 والعجب صبرك إهتزت سيدي منه الجبال من شفت كل الهواشم نايمه فوگ الرمال كل فرد منهم إمصيت يطرب اليوم النزال ما نبي الساواك إبصبره إو تعداك الصبرك بچت عين الصبر والصبر ناداك يحسين حياك * * * شفت كل گومك إو صحبك فارگت شف الحياة إو شفت راعي العلم مطروح على شاطي الفرات إو شفت ألأكبر وإبن عمه گمت تتمنه الممات يبني بلياك يظهدني فرگاك ما شفت عرسك يولدي وأتسله وأنساك يحسين حياك * * * إرشدت حزب الضلاله وما توفقو للهدايه كل فرد منهم تمرد وإشتمر عن الولايه سيدي لوما إمگيد يبو اليمه بالوصايه ما واحد إتدنه إو جسر ويضرب جبهتك بالحجر وينخضب شيبك دم حمر * * * نفذت رادة الباري إبوگفتك بالغاضريه سجل التاريخ إسمك يبن فاطمة الزچيه ديوان السلاميات الحسينية ـ الجزء ألأول 40 إبچتلك إو رضّت إضلوعك بينت كفر آل أميه وثوب المخازي لبسته وإنت يبن سر (هل أته) الباري چساك إبهيبته * * * سيدي جثتك إبوادي كربله ظلت رميه وصدرك إترضرض إبخيل الطاغيه من آل أميه كله لجل الدين هذا وبرضه رب البريه سعيك يبو اليمه إنشكر وفضلك على العالم زهر ما يندرس طول الدهر وشيعتك ما تنسى يومك يبن حماي الحميه * * * (شبل الحسين) لقد ولج الشاعر في خضم معركة الطف وهو محتزم بألإيمان والعقيدة فجادت قريحته بهذه ألأحرف الناطقة التي سطرناها على الورق إستطاع التعبير بها عن ملاحم البطولة الهاشمية التي سطرها علي بن الحسين (ع) . شد علي ألأكبر على مهره إو لكد والنصر حالفه وما عنه إنفرد * * * صال عالجيمان وإنشبها الرعب وإبطرف سيفه تولاها گصب ديوان السلاميات الحسينية ـ الجزء ألأول 41 يشبه الكرار چشاف الكرب راس كل طاغي بالمذهب حصد * * * گام يتمايل وسيفه إبيمنته إو باسم أبوه حسين صارت ننخوته أخذ وجه الحرب والكل هابته إو گرب إبرمحه لعدوانه الوعد * * * حوم إعله الجيش مهره وصارمه وخله كل الشوس تسبح بالدمه كلها نادت للحرب حامي الحمه اليوم طب وكل فرد منهم شهد * * * شهدت اتلفرسان طب حامي الدخيل يوم شافو شال هالحمل الثجيل خله دم أبطالها بالطف يسيل شبه صعصع يوم بالعسكر رعد * * * إيميح عنه الجيش من إعليه يكر ما يخلص لو لكد منه اليفر حوّم إعله إگرومها مثل الصگر ولا يظن سالم يظل منه الشرد * * * إعليها ضيگ والروايه دوبحن آمر إعليهن إبسيفه إو نكسن باللشاش إخيولها يتعثرن گامت وبخيولها إيتيه العدد * * * «بكر إبن غانم» برز ينعد بألف حربه ما ينشال معلوم وكلف ثبت شبل حسين جدام الصلف وأخذ راسه وطاح من عدها العمد * * * ديوان السلاميات الحسينية ـ الجزء ألأول 42 وليله تتفكر لعد وجه الحسين إتشوف وجهه إنخطف سر علة الدين يگلها واحد برز من المشرچين إعله إبني خايف منه البيه الضمد * * * الخيمتچ ردي يگلها وإندعي عند باري الكون أطلبي إو فرّعي هلي إدموعچ وگومي إتضرعي دعه ألأم يتقبله إبحگ الولد * * * جاب راسه وسدر تزهر غرته والعطش فاخر مهجته إو چبدته راد شربة ماي يطفي غلته إمن الحرب والعطش دلاله إنمرد * * * ناده يا سلواي يبني يا علي شوفتك تنعش دليلي إو ريع إلي إگصد أمك بگت دمعتها إتهلي إعتنه الوالدته إو لخيمتها گصد * * * طب عليها وگامت إو شبگت عليه شافته إمشچل وسافر عن إديه إسترت ومنها الدمع بطل هليه وشكرت الباري الماغيره إنعبد * * * رجع للمظلوم من عنده طلب وگله شربة ماي دلالي إنعطب وأرد للعدوان اراويها العجب وأشعل الميدان وبجيتي ركد * * * ديوان السلاميات الحسينية ـ الجزء ألأول 43 إيگله يبني إمودع ألله يالنفل يبني گلبي مثل گلبك مشتعل إبچاس جدك هسه يسجيك النهل رد علي ألأكبر إمظهظب چالأسد * * * شعل نيران الحرايب بالجمع ولمعة الصارم مثل وجهه تشع الضربته ما يرد طاس ولا درع إو ما تصيت غير ألأكبر وإنحمد * * * مثل جده إو عوده إو عمه الشهم إشما تصك إجيوشها إعليه ما يهم لاچن إشبيدي گرب ليه الحتم طاح عطشان ومن الكوثر ورد * * * ناده يا عودي سلامي عالبعد إلك جدي إسگاني من حوض الورد گصد عوده وشاف شبله منفجد ناده عالدنيا العفه إو ميه گعد * * * شمه إو لم جسمه الموزع طبر إو سدر بيه للخيم ريحان الطهر إجت زينب والنسه وأمه تجر حسره وإتنادي علي إوليدي إنفگد * * * ديوان السلاميات الحسينية ـ الجزء ألأول 44 (وثبة الحسين وإنتصاره الباهر) ما إن بقيت من الهوان على الثرى ملقى ثلاثا في ربى ووهاد إلا لكي تقضي عليك صلاتها زمر الملائك فوق سبع شداد لقد أخذ شاعرنا هذا المعنى البليغ وصهره في قريحته وصبه في قالب من الشعر الشعبي ليتذوقه العامة والخاصة وأدرجه بين حنايا هذه المنظومة، فستجد كل حرف ينطق عن مهنى ويمزق حجبه سرا كامنا. يحسين إنهضت نهضه حيرت الخلگ بيها لون جن إو أنس تبحث ما تدرك معانيها * * * يبو اليمه نهضتك هاي بيها أسرار مخزونه بس إنت وأهل بيتك إلهذا السر تعرفونه إو من كل البشر سبعين وإثنين اليصحونه بس اصحابك الطيبين عرفو نهضتك يحسين لن بيها حياة الدين لبت دعوتك يحسين وإنشكرت مساعيها * * * هذي نهضتك يحسين بيها حارت ألأفكار ديوان السلاميات الحسينية ـ الجزء ألأول 45 مثلها ما نهض ماجد ولا يصير إو گبل ما صار هذا الثوب إلك مخصوص وإمگدر عليك إگدار غيرك ما يلبسونه إو سره ما يعرفونه بيه أحكام مكنونه لبسته إبكربله ونوره تنور بيه واديها * * * يوم العاشر إبعاشور لبسته إو لاگ إلك يحسين لاچن يا عزيز الله نزعته إو بيه چسيت الدين وأمنته بعد ما چان خايف والعده إمحيطين بيه وإمهدده اركانه نجه من جور عدوانه إو ذاري البيد چاسيها ظلت عاريه جثتك هذا الشرف عنوانه * * * هذا مو هوان إعليك يبو السجاد ما خلت ثلث تيام وإبشانك جثتك عالثره ظلت الملايك بأمر باريها عليها إبكربله صلت وإلها السبب يا ريسان بگيت إبكربله عريان لوما تنذبح عطشان چا ردت تعبد أوثان ما ينعبد باريها * * * ديوان السلاميات الحسينية ـ الجزء ألأول 46 حييت العالم إبچتلك والباري إبعثك رحمه يبو السجاد للوالاك وإعله الخاصمك نقمه يزيد أنوار عرش الله يطفي إبچتلتك عزمه لاچن خاب وإتندم راد الدين يتهدم باسمك ما دره إمطلسم ظلت رايته تهتف إبعنوانك يراعيها * * * ألأجانب حارت إبوصفك وأهل الفكر من عنده إبّحر علمك فلكهم سار مده ولا وصل حده فلكهم خاطر إبغيه وعليهم صعبت الرده ما گدرو لبو اليمه يخوضون إبحر علمه تاليها إهتفو باسمه نجينه يمن باسمك سفينة نوح منجيها * * * إبعصر جدك لون صاير وهو إيشوفك يبن حيدر بيك إشسوت العدوان بأرض الطف يالمشكر أذيته چا عليه هانت أو لا من گومه إتذمر لا منه إنسبت نسوان ولا منه غدت شبان ولا بيده إذبحو رضعان (صفيه) بچت عالحمزه إو ظل يبچي إلبواچيها * * * ديوان السلاميات الحسينية ـ الجزء ألأول 47 صفيه إمن إطلعت تنظر وليها إبخطة الميدان عليها ما جره كل خوف إلها بالفزع فرسان تألم گلب أبو إبراهيم وإعليه هالأمر ما هان حلف بالخالج الكونين لأمثل بالعده إبسبعين مثل هذي چثيره حسين شاف ولا جزع منها إو صبره يرجح إعليها * * * يحير الواصف إبوصفك يبو السجاد شيوصفك عجبت ألإنس والجن وألأملاك إبعظم صبرك تجي تطلب من العدوان شربه إمن العذب لبنك عيّو ماي يسجونه على زندك يذبحونه إبسهم مسموم يرمونه ما ضاگ العذب مذبوح رديته إمن أعاديها * * * ديوان السلاميات الحسينية ـ الجزء ألأول 48 (جوهر الوفاء) الشاعر الحسيني هو الذي ينهل من معين لا ينضب ، منهل الطف ورفد الحسين أجاد شاعرنا في هذه الخريدة حيث ضمنها كل بكر وكل درة نقية . وأسفر القناع عن جوهر عقيدة أصحاب الحسين (ع) ووفاءهم له. جردت للحرب بيض أصفاحها أنصار أبو اليمه ويحيي مصباحها * * * نادته يحسين واجب نصرتك صفت نيتنا وإجينا الدعوتك لا يهمك جيشها والعادتك إبكل كتر تسمع نخلي إصياحها * * * اليوم نشبع حومها إو كل الوحش من لحوم إعداك تنشبها الدهش إومن صكيك إسيوفنا إلها إنفرش إفراش من إگرومها وأرواحها * * * إتناخو إبوجه العجيد إبن الرسول هجمو إعله إجيوشها إو ذيچ الخيول حسين يسمع واحد الواحد يگول أرواحنا لجنانها مرواحها * * * ديوان السلاميات الحسينية ـ الجزء ألأول 49 عبعبو بجيوشها مثل ألأسود والگروم الهاجمه ردت إردود بس تشوف إسيوفها إتطير إزنود إو روس ما منها أسلمت طفاحها * * * إتنحت الجيمان عنها إمن إلكدت عالكتايب والرماح إتشرعت من رعيد إسيوفها وإتجافلت بس لميض إلها إو طبر بگراحها * * * شافت القاده ألمر ما هو سهل وإعله هالنيه إبجمعها تنچتل قررو لجيوشها كلها إتحمل عالأصحاب إبخيلها وإرماحها * * * شافت ألأصحاب إجتهم خيلها صاكه إصكوك الكدت كل حيلها نظرت أصحاب أبو اليمه السيلها إتدرعت بإيمانها وسلاحها * * * إثبتت وإعله الگاع دكت للركب إو وجهت لرماحها إلبيها الغضب إبوجوه إخيولها ولحد گرب جفلت إو ما ينحسب طياحها * * * أدو المريود حگه إبكربله دون سيدهم چبد عقد الوله سجلو تاريخ ما بين المله إو نصرو حسين الگصد لإصلاحها * * * ديوان السلاميات الحسينية ـ الجزء ألأول 50 إشتاقو إلجنه إو هوو فوگ الصعيد من بعد ما حازو العز والحميد إنصرو دين ألله وأبو اليمه الشهيد والمعالي غيرهم ما لاحها * * * (حوراء بني هاشم) رقة الموشح الحسيني تتجلى في هذه المنظومة العصماء فهي من غرر قصائد الشاعر ، تجمع بين الفخر والمصاب، والعذوبة والجزالة ، والسبك والمتانة ، فكان عند حسن الظن كما عهدناه في منظوماته السابقة. من مثل زينب إبكل مسكونها إبدارها أملاك السمه إيخدمونها * * * يلي تسمعني شگولن مو عجب نسه العالم ما تصلها بالنسب الگال أوصِّف شرف بت حيدر چذب والسماوات السبع مادونها * * * الجد محمد وألأبو حامي الحمه وإمهات إلها خديجه وفاطمه إو حسن وحسين الحوو كل غانمه إخوتها والنعمين سادة كونها * * * ديوان السلاميات الحسينية ـ الجزء ألأول 51 عدها ألأخوه إلما يصير إلهم مثيل عالأرض وأنوار عرش ألله الجليل إيأمن الخايف إبحدهم والدخيل إنفوسهم عالغانمه إيعودونها * * * الگبر جدها لو هوت زينب تزور حيدر وياها إو تحف بيها البدور يطفي ضويات غللي بالمسجد تنور الغرب خاف الزينب إينظرونها * * * عودها إو خوانها إتحف بالگبر من تطب إتزور بت سيد الطهر من بعد ما بالبچه تاخذ وطر من ترد وليانها إيبارونها * * * إيحگلي إلزينب إوسع بالمديح وأجهد إبنظمي ولا ساعه أستريح بالصبر والعلم وإلسان الفصيح شبه حيدر والخلگ يدرونها * * * حيدر أتمنه لعد زينب يشوف يوم ظلت حايره إبوادي الطفوف من عليها الخيل هجمت والصفوف إو تندب إخوتها ولا يلفونها * * * حايره ظلت إبرضعان إو حرم الفرت إمن إحترگت إعليها الخيم وگفت إتنادي يراعين الشيم ليش إختكم حايره إتخلونها * * * إتنادي صيوان المجد فوگي هوه من عگب عباس شيال اللوه ديوان السلاميات الحسينية ـ الجزء ألأول 52 إخلصت گومي وإخوتي كلها سوه وبالنبل للرضع إيفطمونها * * * يخوتي إتنادي يهالي المرجله گومو لمو اطفالكم والعايله إمن الرعب فرت إبوادي كربله رادتي من عدكم إتجمعونها * * * يخوتي لا يالنشامه يألأحرار يلذي حزتو المچارم وألأفخار أطفالكم بذيالها تلهب النار گومو ليها إو بلچت إتطفونها * * * آه من چلچل على زينب الليل إتحوم گامت عالحرم عگب لچفيل گامت إتنادي يحماي الدخيل إعيالك إمن الذل تغير لونها * * * إعتاب أوجهلك يچشاف الكرب إشعطلك عن زينب إبعيد الدرب؟ بيك تنخه وظلت إبولية غرب إو عگب اهلها ساهرات إعيونها * * * إشلون باچر لو مشت ويه العده إميسره وبضعونها الحادي حده وعلى رچب النوگ ماهي إمعوده إمدللتكم زينب إتعرفونها * * * ديوان السلاميات الحسينية ـ الجزء ألأول 53 (في شرف كربلاء) بالخيال الخصب الذي إنفرد به شاعرنا في هذه القصيدة العصماء وتبوأ أسمى منازل الرفعة والسمو ، إستطاع بكل حذق ومهارة أن يسفر القناع عن وجه مدينته المقدسة. يمشيد الدين حياك يحسين ثبتت راية فخر بالعز للمسلمين v * * * ثبتت للدين رايه دايمه إبطول الدهر إمأيده إبسر ألإمامه ونورها إيشع چالگمر والحدرها إيصير تحميه إو يحصل كل فخر هذي الرايه بيها الحمايه چي طرزتها إبدمك إو دم الميامين حياك يحسين * * * رايتك يحسن تفخر بيها صارت كربله إتنادي منهو الحاز مثلي شرف هاي المنزله عاصمه الملك الديانه إختارني رب المله عندي عرش صار مهجة المختار ديوان السلاميات الحسينية ـ الجزء ألأول 54 حسين الملك عينه الباري من التكوين حياك يحسين * * * كربله يحسين نالت غاية العز والسرور موحشه چانت إو نور حسين خلاها تنور تفتخر عالبيت گامت والمدينه إو جبل طور حزت الفخر دوم إتنادي كل يوم نلت الشرف بوجود إبن سيد الكونين حياك يحسين * * * البيت لمن سمع گامت كربله إعليه تفتخر ترتعد گامت أركانه وإنشحن غيض الصدر ناده وياي إتفاخر كربله وما تعتذر إو خصص العلام فرض إعله الإسلام گالتله حجه زيارتك والسبط سبعين حياك يحسين * * * نادته يالبيت ريض لعد حچيك عدّله تدري ياهي التحچي وياك تراني كربله موش بس إعليك فخري عالأرض كلها عله بالفخر والجود خصني المعبود إبزود أبو اليمه الشهدت إبزوده الميادين حياك يحسين * * * ديوان السلاميات الحسينية ـ الجزء ألأول 55 شاف رب العرش مافل بينهم طال الجدل كل فرد منهم إمجرد صارمه اليوم النزال حكم باري الكون وإنطه الكربله العز والجلال خصها إبكرامه اليوم القيامه لجل أبو اليمه تخضع العزها السلاطين حياك يحسين * * * كربله معدن الجود أو لعد كل خايف امان والذي إيلوذ إبحماها ينجه من جور الزمان چي حسين إندفن بيها حصلت رفعة الشان حصلت بيه عز إو فخر شرفت زمزم والحجر إبفضلك يمحزوز النحر * * * چي حسين إندفن بيها الفخر والعز نالته هسه أبين لك يشيعي لبو اليمه إشوافته ظل ثلث تيام بيها الشمس تصهر جثته إو سهم المثلث بالچبد إو دلاله منه منمرد وسفه على راعي المجد * * * چفنه الذاري وغسله صار غله دم رگبته ولعد صدره إخيول أميه بالحوافر سحگته لون حاضر جده وإيشوف إشسوت أمته السابق الفهرس التالي