ديوان السلاميات الحسينية ـ الجزء ألأول 21 أسست دينك إو ساد إعلى ألأديان وصار للعالم حمه وسور إو أمان يا شهم وبسيف إبن عمك إنصان حيدر ونعمين من عقد الوله * * * إلما مثيله صار بالعالم شهم بالشجاعه والمجد حصل إسم مثل أبو الحسنين طاعون الزلم ما يفر كرار يا حي إو هله * * * إبسيفه جاهد دون دينك يالرسول ثبت إفروع الديانه وألأصول خله جيش الشرچ بالصارم يگول واحد ألله ولا ظهير إيعادله * * * وحد ألإسلام سيفه الباليمين إو نصبه الباري أمير المؤمنين بالنص إتنصب غصب والمسلمين للبغض ظهروه إبوادي كربله * * * أدركت بحسين غايتها العده إلتدعي أنصارك وهي متمرده لون تدري إشجره إعليه منها إو سده دمعتك لحسين ظلت سايله * * * بين أنصارك فعلها وألأمكار إباب حامي الجار من شبو النار وصل وادي كربله منها الشرار إمخيم حسين إحرگه إعله العايله * * * ديوان السلاميات الحسينية ـ الجزء ألأول 22 أنصار عند حسين لو گلنه أنصار إبفعلها السوته إتحير ألأفكار أرخصت لجله الحلايل وألأعمار إتخلد إلهم ضچر ما بين المله * * * إتخلد إلهم مجد جيل بعد جيل يهتف إبعزهم ولا إلهم مثيل إو گفو دون حسين إبن حامي الدخيل إگلوبهم للموت مو متبدله * * * عگب ما كلهم تهاوو عالترب إتگطعت هاشم سراديل الحرب شمرو جنحينها فوگ الگلب والگب غطت إبدمها كل هله * * * ضيگو عالعسكر إدروب السلم إو گامت الخيل إتعثر بالزلم لچن بأمر ألله تهاوو چالنجم عالثره إو ظلت جثثها إمّثله ـــــــــــــــــــــــــــــــــــــــ (في مسير الضعن الهاشمي) رقة الموشح وعذوبة الشعر ودقة الوصف والتشبيه الذي جسده الشاعر يعطيك لمحة عن هيبة المسير والوقار الذي يكسو الضعن الهاشمي ـ فقدمها لك كؤوسا مترعة فخذها بلا مقابل لكي تجري ثمالة حب آل البيت في شرايينك وتطربك نشوتها . من أرض طيبه إگصدت بضعونها إشبول هاشم كربله إيريدونها * * * ديوان السلاميات الحسينية ـ الجزء ألأول 23 إطلعت هاشم من أرض طيبه الفجر راچبين إمن الرهك حلوه الشگر وإعله راس حسين رف طير النصر فخر هاشم چبد سيد كونها * * * گالط إعله الخيل إبن سيد الرسل والهواشم لعد أمره تمتثل يخوتي ناداهم إو حضرو الكل إحدو خل زينب تگر إعيونها * * * إتعزلت صفين عدنان إو حدت والسيوف إمن ألأغماد إتجردت إو زينب إبوجه النشامه حشمت للمواضي گامو إيرجّونها * * * إسترّت ونادت يهالي المرجله إوياكم الممشه يطيبين إيحله صدت إلعباس إبن عقد الوله إلرايته ناشر إو واجف دونها * * * نادته خويه يمن بيك الگلب يگوه يبنالليث چشاف الكرب لا تفارجني خطر چن الدرب منه روحي خايفه مضمونها * * * يختي ناداها إو هز بيده اللوه ماشخص يدناچ ما غير الهوه ألإنس والجن من تحاربني سوه إبسيفي أجابلها وأخيب إظنونها * * * إتگله يا عباس أنه أدري بك شهم ضخر أبويه الليث طاعون الزلم ديوان السلاميات الحسينية ـ الجزء ألأول 24 إشما تكاثر جيشها بيه ما تهم الحرب دارس مثل أبوك إفنونها * * * ناده يا زينب إجيتي إبشيمتي كون أأدي إوياچ يختي خوّتي لا يهم گلبچ إو سيفي إبيمنتي وألأبطال إبشفرته طاعونها * * * أمّنت زينب بخوها إمن الوجل من تصد إتشوف إبنم خير العمل سيفه يجدح نار وبرمحه ألأجل والهواشم طلبته إيلبونها * * * ناده إخوته الليث عباس العرين صيرو عن يسره الضعن وإعله اليمين وهو إيباري بت أمير المؤمنين تنزل إبعز إو من إيرچبونها * * * حتى وصلت كربله إبعز ودلال ولا تظن إنشاف من عدها الخيال عدها ألأخوه الما تچل إمن النزال للرواسي هاشم إيزيلونها * * * صار ما صار وشوصفلك إشصار إتلاگه حزب الباري وأحزاب ألأشرار أرض من دم أو شمه ثامن إغبار أظلمت الدنيا إو تغير لونها * * * من بعد ما كل ألأصحاب إنفنو للحرب عباس وحسين أردمو ديوان السلاميات الحسينية ـ الجزء ألأول 25 شمرو عن السواعد وأثبتو إو كل كتيبه التجبل إيشيلونها * * * شار أبو اليمه إعله عباس الحنين أخذ يسره الحرب وآنه إعله اليمين نعم من إشبول أمير المؤمنين إشما تذل نار الوغه إيوجونها * * * إگلبو جنحينها فوگ الگلب والگلب برماحهم گلبو گلب وسدو فرسانها فوگ الترب وإبندبهم زينب إيسرونها * * * الباري إعله حسين نزلت رادته عرف مضمون ألإراده إبچتلته ضحى أهل بيته وأخوته وصحبته وأفدى نفسه إلما وراها إو دونها ـــــــــــــــــــــــــــــــــــــــــــــــــــ (هيبت المسير) تناول شاعرنا كيفية مسير الضعن الهاشمي ومجيئه كربلاء ووصفه وصفا دقيقا توشيه القوة والمتانة والسبك والخيال. شد إمن المدينه إبن الزچيه إو كل نيته إنطوت للغاضريه ناده إعله أهل بيته وأخبرهم النيه * * * عرفت إبنية المولى هاشم إو خضعت إلأمره ديوان السلاميات الحسينية ـ الجزء ألأول 26 نادته يحسين عونك والتريده إلك يجره والهنادس تظل خلفك وإللي جدامك الگمره حوربت هاشم وإنتخت إلبل ومحاملها إحضرت والعيله كلها إتركبت بس بگت زينب الكبره تركب ما رضت حتى تكلف عباس الوفي إو جدّم المحمل إو ربكبها إبحميته وأخبرهم النيه * * * طلعت إتودع إبو اليمه حسين كل أهل المدينه تصرخ إو تبچي وتنادي وين نيتك يا ولينه ماشي إنت إو عگب عينك يا هو الوصيته بينه محمد يگله يالشهم يا خويه يا كنز العلم السفر عاده للزلم ما هو للعيله يعينه يمحمد يگله عندي غايه ضامي أنچتل وإعيالي سبايه والباري مشيته وأخبرهم النيه * * * حده الحادي والنشامه حفت إبضعن الفواطم علي ألأكبر وأبو فاضل والضخر من عوده جاسم كلمن إتوزم إبمحمل نعم من أهل المچارم ديوان السلاميات الحسينية ـ الجزء ألأول 27 والرمله جسام الشهم والليله ألأكبر والنعم إو عباس بأخته ملتزم طول الدرب بدر الهواشم وإعله الخيل گالط شبل عدنان والوياه نشامه إحيود فرسان سلطان إو رعيته وأخبرهم النيه * * * إحدو خل زينب يگلهم لا تريّب يالنشامه إتعزلت صفين إخوته إو حوربت لبت كلامه أمنت زينب الحره شافته إمجرد حسامه عباس ناشر رايته وأولاد غالب حفته طايعه إلأمره إو نخوته إو متنومس إبفزعة عمامه ناداها يزينب يبت عودي بالله العزم لفديلچ وجودي إو معروفه سجيته وأخبرهم النيه * * * حتى وصلت لعد وادي كربله إبعز إو جلاله إو طولها يالمحب والله لا تظن بين إخياله إمدللة حيدر گلبها خوف ما مر إعله باله بأخوتها راعين العزم إمحصن خدرها إو لا تهم علم إو شجاعه والحلم عنوانهم منهج عداله ديوان السلاميات الحسينية ـ الجزء ألأول 28 على هام المجد دگو خدرها والحسين إبن والدها وضخرها جمع كل خاصيته وأخبرهم النيه * * * نظر چبد الطهر وادي كربله كله روايه الخيل عد الخيل تصهل جيشها متحد رايه إتريد أبو السجاد يخضع جايين إعله هالغايه وما تدري إبن فارس مضر متربي إبحجر الفخر وبجيشها كلما كثر بيه مايهم بيده المنايه وبيوم الوغه إيجسم عليها شافو ما لوه جيده الدنيها ألأبه من قابليته واخبرهم النيه * * * خاطب أصحابه وأخوته إهنا يطيبين النسل ما تريد الگوم غيري إتريدني أخضع وأذل إو هاي ما يقبلها ديني إيكون بالعز أنچتل وإنتم إبحل من بيعتي يلي گصدتو النصرتي خلوني وحدي إبغربتي أمضي على حكم العدل گالوله يبو اليمه لفينه إو دونك نگضي إهنا يبو إسكينه إنچتلو عد ثنيته وأخبرهم النيه ـــــــــــــــــــــــــــــــــــــــ ديوان السلاميات الحسينية ـ الجزء ألأول 29 (دخول كربلاء) وصف شاعرنا نزول ضعن الحسين وادي كربلاء يحفه الجلال والعز وكأنه جالس على ربوة يرقب عن كثب كل حركاتهم وأنت تلمس من بين سطور هذه المنظومة روح الشاعر الحسينية ، فنور الولاء يشع من حروفها ليضيء القلوب الدامسة ويبعث فيها النشاط والحياة. إشبول هاشم حين للطف إوصلت إتحالفت عالعز گبل ما حولت * * * إليوث هاشم حولت گبل ألأصحاب إو شيدت للفاطميات ألأطناب نوّخت للبل إو ربات الحجال كل فرد منها إبخدرها إتحصنت * * * إباب خيمة زينب العباس صاح يبت حيدر دونچ إنضحي ألأرواح أنه أخوچ إو شبل حي إعله الفلاح والشجاعه إبطرف سيفي إتكورت * * * صدت إو نادت يعباس إو نعم يبن أبويه أدريك طاعون الزلم ديوان السلاميات الحسينية ـ الجزء ألأول 30 يمن بيك الگلب يگوه والعزم هالروايه الكل علينه إتجمعت * * * عرف زينب لن بعد هي إمريبه صاح إبن عودچ إبچفه إمذهبه الحرب بطن إو ظهر سيفي إمجلبه لا تهمچ لو فضاها إتسددت * * * لو فضاها إتسدد إبخيل إو زلم إبسيفي أطشرها العزم بألله العزم ما يهمونچ إو گلبچ لا يهم أرواحها السيفي يزينب سلمت * * * وإعتنه لحسين بين له ألأمر يبن عودي ضاگ من عندي الصدر الگوم جسرت والمجسرها الصبر إتريدك إتبايع إو للحگ أنكرت * * * ركب غوجه حسين راعي الغانمه وآمر العباس يرگه إمطهمه يوم صالو چالرعيد البالسمه فرّگو جيمانها وإتشتت * * * لزم يمنه الگوم أبو اليمه الشهيد إو صارت اليسره إعله عباس العجيد صالو إو لسيوفهم تسمع رعيد چالزلازل عألأرواح إتنازلت * * * ديوان السلاميات الحسينية ـ الجزء ألأول 31 دمرو جيمانها إو ضاگ الفضه إو وجرو بسيوفهم نار اللظه الثبت ماظل عدل والفر ما حظه بالسلامه وألأرواح إتطايرت * * * ردو إلعباس وحسين إيحدون صافين وبالنصر يتحادثون إطلعت زينب گارّه منها العيون إستر گلبها وإبوجههم حشمت * * * إستر گلب زينب إو شالت راسها بالضياغم والنعم نوماسها إعيونها نامت إبذر فرّاسها لا تظن حره مثلها إتدللت * * * * ما عليكم لوم يهل المرجله يلي واحدكم الكون إيزلزله ذچر خلدتو حسن بين المله والمراجل حدها ليكم وإنتهت * * * آه وا ويلاه بيها الفلك دار صفت مركز للنوايب وألأكدار حيف ألف يا حيف بت حامي الجار عگب عزها باليتامه إتكفلت * * * لون عدلين إو نواظركم تشوف حين من هجمت على زينب إصفوف أفصلت ما بينهم وسفه الحتوف إو عينها النايمه چانت ساهرت ـــــــــــــــــــــــــــــــــــــــ ديوان السلاميات الحسينية ـ الجزء ألأول 32 (سفير الحسين«ع») أول هاشمي أرداه أهل الكوفة غدرا وعدوانا ورمو به من أعلى قصر ألإمارة ألأموي بعد قتله . فكشف الشاعر عن باطن غدرهم وعدوانهم، ومن ثم تناول الحوار الذي جرى بين مسلم بن عقيل وطوعة ألأسدية. مسلم من لفه الكوفه حيت بيه أهاليها صفت له إو بايعت كلها إو خضعت له إعله تاليها * * * إيدين السالمت يده على المية ألف ترها إو بيهم صلى ذاك اليوم وأحكام النبي أظهرها ما هانت على الشيطان ويه الفجر غيرها هذيچ الوادم إرتدت والدرب العدل جحدت لعد حزب الظلم تبعت إو كل البايعت مسلم عليه جرت جرابيها * * * صلاة العصر صلاها وحده إبمسجد الكوفه غدرت بيه أهاليها وبيهم ضاع معروفه تم حاير إو متحير مفرد والكل إتشوفه غريب أمسه سفير حسين ولا منهم حصل له إمعين اليدلّيه الطريج إمنين ديوان السلاميات الحسينية ـ الجزء ألأول 33 مثل هذا فلا شفنه العرب بالضيف تجريها * * * ظل يمشي ولا چنّه لوين إيروح ما يندل الدروب إتلزمت كلها وألأصعب ليلها چلچل وگف يرتاح لاچنه لا خايف ولا مختل كفو لمگابل العسكر كلما راد يتكاثر لاچن إبأمره إتحير عليه ضاگت ملازمها إو مفرد بين أعاديها * * * عليه من ضاگت الوسعه غده يصفج وسف بيده چي أفرد نصير حسين إو عمامه عنه إبعيده مشه الطوعه إو وگف بالباب وگالت شنهو التريده أمريبه من وگفتك هاي گاللها أريد الماي أبرد بيه نار إحشاي وماي الجابته طوعه الناره ما يطفيها * * * مسلم من شرب ما راح ظل واجف لچن محتار طلعت شافته طوعه موچب بس يدير أفكار گالتله إلهلك سدّر شنهي وگفتك عالدار عرف مضمونها الهيبه ديوان السلاميات الحسينية ـ الجزء ألأول 34 گاللها هلي إبطيبه غدر بيه حزب شيبه العتبه والوليد إديون إلها موش ناسيها * * * أميه الحرّكت كوفان وإنطبگت عليه الكل إلها إديون عد هاشم ومني إتريد تستفصل أخيب إظنونها إبسيفي وأطيع إگرومهال بالذل إشما تثگل جحافلها إبحد السيف أزلزلها المثلي ما يهم إلها لون مثل الرواسي إتصير إبضرب السيف أفنيها * * * إخبرني إنچانك مسلم إو لاتخفي علي أمرك الكوفه كل أهاليها تدورك رايده غدرك أخبرها إو گالتله عمر طوعه فده إلعمرك دوك الدار وأهل الدار إبخدمتك يبن أخو الكرار يمسلم لا تظل محتار إعيوني أوسع إمن الدار إلك لمن تطب ليها * * * طب الدارها لاچن إبگلبه تلتهب نيران من فعل الجروه وياه أنذال العرب كوفان ما ضاگ الشرب والزاد لاچن يعبد الرحمان ديوان السلاميات الحسينية ـ الجزء ألأول 35 وإبن طوعه لفه للدار لگاها تشع منها أنوار نشدهه إو خبرته بالصار مسلم ضيفك الليله إو سواني العرب مشيها * * * نام إو چذب مو نايم إو لا شافن إعيونه النوم يريد إعليه صبحها إيصير للطاغي يودي إعلوم أصبح وأخبر إبن إزياد إبخبر مسلم هذاك اليوم عليه فزعت جحافلها إو على الدار إهجمت كلها طوعه نادته شلها يمسلم هاي إجتي الخيل گوم إلها يراعييها * * * مسلم جرد البتار إو گاللها يطوعه اليوم أخلي النايحه إبكل دار وبالصمصام أحصل إعلوم إبوجهه هلهلت طوعه وعلى الفرسان مثل الحوم گام إيحوم عالعسكر لمن هاج المشكر إبحملته يشبه الحيدر سيفه مثل ملچ الموت جندل كل مساميها * * * عليه إتجمعت كلها وبالتار گابلها لف تالي كتايبها إو كردسها إعله أولها ديوان السلاميات الحسينية ـ الجزء ألأول 36 منه ماجت الكوفه إبعزمه الشهم زلزلها شافو ما يگدروله إبعرض الدرب حفروله سجيفة غدر سووله بيها طاح المچنه إو عليه حالت طواغيها * * * لعند العيب ما بيهم شرف حتى يعيبونه لبن ذات العلم مچتوف إبحبل مسلم يودونه وهو إمچتف شديد الباس من الگصر يرمونه فعل السوته كوفان أبد ما صار بالعربان إبحبل سحبوه على التربان ما حالو عليه بالسيف والتاريخ يويها * * * (حياك يا حسين) كذب الموت فالحسين مخلد كلما أخلق الزمان تجدد هذا الحق بعينه ، والصواب بكنهه. فالحسين أشاد صرح الدين على ساعديه وغذاه بدمه الزاكي وكساه بحلته، فاسمع ـ أخي المحب ـ الشاعر ما يقول في مقطوعته الرائعة هذه والتي تعتبر من عيون قصائده. ديوان السلاميات الحسينية ـ الجزء ألأول 37 يحسين حياك ثبتت يمناك للدين رايه وللحشر تلهج إبمعناك يحسين حياك * * * للسمه العالي ترفرف غدت ذروة رايتك وما غزه بالكون ماجد غزوه تشبه غزوتك شهدت أبطال ألأعادي يبو اليمه إبوگفتك يبن الميامين إو علة التكوين للدين رايه ثبتت وإنشكر مسعاك يحسين حياك * * * يبو اليمه حينشفتالدينما بين المله يستغيث إو ينخه ألإسلام ولا ناصر إله گمت وبوجهه تچنيت إبوادي كربله خل تگر عيناك منهو إللي يدناك ظل سالم وروحي العزيزه خلها تفداك يحسين حياك * * * شافت أحزاب الضلاله النصرة الدين إنهضت ولا لويت الجيد عالذل ولا إله چف سالمت أسست بالغاضريه محكمه وبيها إحكمت إبسيفك يفتاك سهمت لعداك السابق الفهرس التالي