* * *
عرش سلطنة ابو اليمه ابعالم الذر انصنع
ايجبر نور ابقلم قدره رسمه باللوح انطبع
وذاك رسم الچان مطبوع ابعاصمته انوضع
إوهيه العراق وبلاط حسين وادي نينوه
* * *
مثل ما رب البريه إبلا عمد رافع سماه
ابحكمته وهندسة قدره العرش ابو اليمه بناه
وللسمه جاعل چواچب زينته اومنها ضواه
وابـّلاط حسين يزهي اويشع نور الله ضوه
* * *
إمصوَّر ابتصوير قدره عرش الحسين انبنه
ولاح إكليل الجلاله اعله البلاط وزينه
اوچان كل مورد محمد يشهد ابها السلطنه
وتشهد الآيه ابمحمد ما نطق عن الهوه
* * *
لون ما يجعل الباري ابنور ابو اليمه هداك
چان ما تحمل منابر مأتمه اظهور الأملاك
المنظورات الحسينية ـ 3
94
لو ركن منبر تضعضع يگف دوران الافلاك
اوتنطوي السبعه على سبعه العالي عالناصي دوه
* * *
حسين نور البان عالطور وبي موسى استنار
واعتناه او چان گصده يرد لهله بقبس نار
سمع هاتف صاح هذا النور من خلف الستار
إخلع انعالك تراك ابوادي المقدس طوه
* * *
الباري شگ من نوره انواره الخمسه الساطعه
ولعد هالأنوار ذات حسين صارت جامعه
واضحت اسرار الأماره والأمور امودعه
ابصدر الحسين وضميره ابعلم رباني روه
* * *
وله ازمام الأمر بيده وبالسمه عرشه اعتله
ومهد الكون بأموره وبالأحكام العادله
وشرع قانون المساوات ابما بين المله
صير اضعاف الرعيه والقوي ابمنهج سوه
* * *
العلل صابت جيش الحسين ابتأجيل الكفاح
والطبيب الحرب لمن عرضت اعليه الارواح
وصف الها امسامر الغيد وهي إعجود الرماح
ومضه ابراچيتة عللها شفرة الصارم دوه
* * *
المنظورات الحسينية ـ 3
95
وصاح ريس الصحه بالجيش تره اوصاف الطبيب
هذا تسكين العللكم م ودوه المنه تطيب
دونكم كاس الشهاده امن الگلب يطفي اللهيب
وجنة الفردوس بيها يطيب تغيير الهوه
* * *
استحسنوا هاي المعاني وشاهدوا بيها الصواب
ناموا بحجر الشهاده ومدوا بحدها الرگاب
غدت عالموت اتسابگ واسلمت شيب وشاب
عگب ما طلعوا من اخشوم بني ميه الغوه
* * *
گضوا دون حسين گومه بين البدمه نجيع
وبين من طايحه اچفوفه اوبين مصيوب اوصريع
ما بگه لحسين ناصر غير عبد الله الرضيع
ظل يلوج حسين
فاجد اصحابه
وابضمير احشاه
ماضي اصوابه
والعطش بچلاه
ناره لهابه
انطبگت ابگلبه النارين ودلاله انچوه
* * *
حسين لايج بالمعاره وايتفگد صحبته
سمع صوت امن المخيم عرف زينب نادته
رد ولاچن بگت روحه تحوم ما بين اخوته
هاك اخذ يحسين
طفلك اشحاله
من ضماه ايلوج
يبس دلاله
المنظورات الحسينية ـ 3
96
نادته والعين
منها هماله
واخذ طفله حسين بيده اوبيه للعسكر نوه
* * *
اتوسط الگوم وينادي الچتل عادات الرجال
لاچن ابيا شرع جاري الماي يحرم عالعيال
ما تگللولي اشذنبها وشذنب هاي الاطفال