(تمت)
« هجري»
عرش سلطنة ابو اليمه ابعالم الذر انصنع ايجبر نور ابقلم قدره رسمه باللوح انطبع وذاك رسم الچان مطبوع ابعاصمته انوضع إوهيه العراق وبلاط حسين وادي نينوه * * * مثل ما رب البريه إبلا عمد رافع سماه ابحكمته وهندسة قدره العرش ابو اليمه بناه وللسمه جاعل چواچب زينته اومنها ضواه وابـّلاط حسين يزهي اويشع نور الله ضوه * * * إمصوَّر ابتصوير قدره عرش الحسين انبنه ولاح إكليل الجلاله اعله البلاط وزينه اوچان كل مورد محمد يشهد ابها السلطنه وتشهد الآيه ابمحمد ما نطق عن الهوه * * * لون ما يجعل الباري ابنور ابو اليمه هداك چان ما تحمل منابر مأتمه اظهور الأملاك
لو ركن منبر تضعضع يگف دوران الافلاك اوتنطوي السبعه على سبعه العالي عالناصي دوه * * * حسين نور البان عالطور وبي موسى استنار واعتناه او چان گصده يرد لهله بقبس نار سمع هاتف صاح هذا النور من خلف الستار إخلع انعالك تراك ابوادي المقدس طوه * * * الباري شگ من نوره انواره الخمسه الساطعه ولعد هالأنوار ذات حسين صارت جامعه واضحت اسرار الأماره والأمور امودعه ابصدر الحسين وضميره ابعلم رباني روه * * * وله ازمام الأمر بيده وبالسمه عرشه اعتله ومهد الكون بأموره وبالأحكام العادله وشرع قانون المساوات ابما بين المله صير اضعاف الرعيه والقوي ابمنهج سوه * * * العلل صابت جيش الحسين ابتأجيل الكفاح والطبيب الحرب لمن عرضت اعليه الارواح وصف الها امسامر الغيد وهي إعجود الرماح ومضه ابراچيتة عللها شفرة الصارم دوه * * *
وصاح ريس الصحه بالجيش تره اوصاف الطبيب هذا تسكين العللكم م ودوه المنه تطيب دونكم كاس الشهاده امن الگلب يطفي اللهيب وجنة الفردوس بيها يطيب تغيير الهوه * * * استحسنوا هاي المعاني وشاهدوا بيها الصواب ناموا بحجر الشهاده ومدوا بحدها الرگاب غدت عالموت اتسابگ واسلمت شيب وشاب عگب ما طلعوا من اخشوم بني ميه الغوه * * * گضوا دون حسين گومه بين البدمه نجيع وبين من طايحه اچفوفه اوبين مصيوب اوصريع ما بگه لحسين ناصر غير عبد الله الرضيع
* * * حسين لايج بالمعاره وايتفگد صحبته سمع صوت امن المخيم عرف زينب نادته رد ولاچن بگت روحه تحوم ما بين اخوته
* * * اتوسط الگوم وينادي الچتل عادات الرجال لاچن ابيا شرع جاري الماي يحرم عالعيال ما تگللولي اشذنبها وشذنب هاي الاطفال
* * * جاوبوه الگوم لاچن من بالأفواه بسهم والطفل من هجس ناره ابوجه ابوه صد وابتسم نوب يرفس نوب يسبل ايده والمدمع سجم
* * * يدري ما تحصل مروه ولا حميّه ولا رحم گصده يسجيه الشهاده والطفل بيها انفطم
منذبح رد بالرضيع وصاحت ابوجهه الحرم
* * * (تمت)
«هجري»
* * *
* * *
* * *
* * *
* * *
* * *
* * *
* * *
* * *
* * * (تمت)
« هجري»
اتصورت مأتمك يحسين شفت بيه النجاح مثل عامود الفريضه وهو حي اعله الفلاح اليتعب ابمأتمك هاليوم غداً بي يستراح
شحن گلبي غيظ طغيان عداك الباغيه بشرتنه الآيه بيهم أهلكوا بالطاغيه لاچن ارد انشد المنهم هوه ابنار الحاميه
حللت شان اليحبك بالاشعه امن الفكر شاهدت موقف نجاحه رابح ابيوم الحشر يبرز الحر بالقيامه حدر اكليل النصر
اتعشّگ ابآية الرحمه عگلي دورها ابغرام حلت الحبكم شفتها اولليعاديكم حرام خزنة الباري قفلها الباري بسرار الاحكام
استكشفت برج المچارم والفضل والغانمات شاهدتها ابحسن ذاتك يمن ذچرك حسنات حللت اكسير حبكم شفته يمحي السيئات
نوركم نور دليلي او كشفت عن عيني الحجاب شاهدت الكم وبيكم منطوي سر الكتاب معنه سورة ( عمه ) يكفي للطعن فضلك جواب
وشفتك ابمرآت عقلي يبو السجاد اطلعت من صدف سورة ( الرحمن ) او مرجان انشئت من بحر عصمة الكبره وبحر ايمان اخرجت
نور معناكم هداني للكتاب اوطالعت عن ثمر شجرة الطيبه اوعن معانيها ابحثت بالأرض ثابت اصلها او فرع من عدها شفت
ابحثت عن القلم واللوح ابغابات الأفكار شاهدتهن حكم قدره ابو بيهن ايدور المدار اوشفت خمس اشباح باللوح تهلهل بالانوار
من دنه الهادي اوتدله لعد معبوده اوسار انطاه تفاحة القدره الباري من خلف الستار والدك يحسين شارك جدك ابذيچ الاثمار
افرح او دمعي ايتفايض من أطبَّن حضرتك فرحتي الغفران ذنبي والدموع الغربتك چني برض الطف يمظلوم وشاهد وگفتك
ياحسين آجرك الله العظم المصاب الدهاك چني ابحنية اضلوعك سيدي أو أسمع نداك صحت خويه انكسر ظهري من سگط حامل لواك
والسهم من عينه جريته
چني واگف بالمعاره انظر اودمعي ايهلي او شفت بين إيدك شباب أشبه الوادم بالنبي وانت مفجوع اوتنادي يا وليدي ياعلي
أهس ابدلالي جمرة حزن يحسين أوْجرت مثل جمرة فگد جسام البحشاك اسعرت يا شباب الصار ماتم عرسه وشموعه انطفت
وانمرد يحسين گلبي من شفت بيدك رضيع يرفس ابرجليه اوايده اوجسمه من دمه نجيع املولح ابحضنك رگبته أوبالسهم نحره گطيع
عگب چتل اخوتك چني بيك وانظر حالتك الحجر صكني ابجبهتي مثل ما صك جبهتك والمثلث مرد چبدي من توسط چدتك
(تمت)
« هجري»
ابسما الرابع بيت بيه الملك طراً عاكفين اتهلل اتكبر اتسبح للإله او ساجدين فضل هالتهليل والتكبير للزار الحسين
اليعتني لحسين زاير عالگبر روحه تحوم تنشغ الجنه اوهواها اوتود توصل گبل يوم ومن تلاگي روح زاير كربلا باري النجوم
ابمسجد المعمور مصباح ذكر عنه الوحي نوره من كوكب الدري اوكوكب الدري علي وكربلا ابنور الأمير ازهرت وابنور النبي
هذا طيب الفاح من شجرة البالطف مثمره اشلون شجره اشلون روضه ابنور قدره مزهره
|
