* * * الدين گوس السگم لمن صوب إحشاه إبسهم ضعف حيله وألأطبه ما برت منه ألألم لبو اليمه عرض نفسه وبيه أبو اليمه علم
إو ضحّه كل گومه إو عمامه وإبسهم طفله إفطمه * * * إشلون حاله الوگف بيها حسين ما بين الجموع الفگد أبو فاضل عضيده إمخوصر إو محني الضلوع نوبه ينظر للمخيم يسمع أطفاله تلوع
ولا بشربة ماي مسلم يروي چبدي إمن الضمه * * * جاوبوه الگوم لاچن مو بألأفواه إبحجر صك جبهته وفاض دمه وإنصبغ شيبه حمر رفع ثوبه يمسح الدم گصد إبن سيد البشر
دونه شبانه ضحايه والعمام إمخذّمه * * *
ظل أبو اليمه رميه إعله الثره ودمه يسيل والعده گالو مكيده ومنهم الگالو چتيل بن سعد عالخيم ناده خل حرايبكم تميل
إيگوم لو شاهد أجناب إتعرضّت بمخيمه * * * آه من هجمت الخيل إو صاب العيال الفزع وإعتنت زينب لخوها لاچن إتگوم وتگع إتنادي يحسين إدهشتنه العده إو لا مانع منع
وإنشعب گلب ابو اليمه من سمع بت فاطمه * * * ينمرد گلب اليوده من أوّصف گومته إيگوم ويطيح المچنّه وما تعينه مهجته وإستند بالسيف وإعله ألأرض ثـنـّه ركبته
آنه گبلتكم إو حيلي ضعف من فيض الدمه * * *
لاچن إمصابك فجعني إو سال دمعي للمصاب كربله منكم إبدم إنمزج من عده التراب ليش ما تبتل أرضها من دمعتي الساجمه * * * (تمت)
« ميمر مذيل»
(تمت)
«هجري»
إستكشفت برج المعالي والمحاسن والشرف شفت أم القرى الكعبه وبيها كل وادي إعترف كربله يحسين باري السمه إلمعناها وصف
من شفت نفسي بأشعة العگل للحج مايله سمّحت إلها الدروب إبخبر عن خير المله الزار گبر حسين إله سبعين حجه كامله
من شفت عصيان نفسي ضيعت كل طاعتي سيرت بالفكر روحي وبتجول فكرتي حصلت باب الوسيعه بألإجابه الدعوتي
إشغلت بالتاريخ فكري وهمت بفجوج الأخبار
وخضت ببحور المعالي وغصت ببحور البحار دورت نور التجله الموسى من خلف الستار
سارعگلي إبسير فكري بالمعاني الغامضات وإگطعت سهل الفيافي والجبال الراسيات يالتنادشني إشتدور دورت ماي الحياة
إتگطعَّت من سير فكري إمتون جيد العاديات وعطلن إمتوني إبكثر ما أدگ بوب الشامخات يالتناشدني إشتدور دورت باب النجاة
سيرت روحي إبسير الفكر وإبگلبٍ سليم رادتي أعبر النار وأسكن إبجنة النعيم شفت عن الجنه يمنعني صراط المستقيم
هوت روحي إبسير فكري تصعد العرش المجيد من ثمر شجرة الطيبه وأشجرة طوبى تريد إمنعت روحي وگلت أدليچ إبدرب ما هو بعيد
سيرت روحي إبسير الفكر ببحور اليقين ودورت ذيچ السفينه التنجه بيها المذنبين شاهدت سر السفينه منرصد بإسم الحسين
إنمزج حر الضمه إبگلبي وفرفرت روحي إبرشد ويه سير الفكر للكوثر تود منه الورد عارضتها وگلت عنچ خل يروحي هالگصد
إبكربله الكوثر مسيله من دمع عين المحب لو تصور طفل الحسين إدموعه تنسچب يبس ثدي أمه ودليله إمن العطش ناره تشب
صد أبو اليمه العزيزة فاطمه وروح الحبيب يختي ودّي الطفل لمّه خل ترويه إبحليب نادته يحسين ثدي أمه نشف من اللهيب
إتگابلت زينب وخوها إعله الطفل تبدي الونين هاك إخذ يحسين طفلك دخّنت منه العين من أخذ منها الرضيع إتجلد إبصبره الحسين
إشلون روحه إشلون جيه حسين من رد للخيم أخذ طفله وياه سالم رده مذبوح إبسهم حدره إو كتره يضم الطفل خايف عالحرم
حنّت إو ونّت إو مدّت لبو السجاد اليمين وأخذته وحاچت گلبها يا گلب هذا الجنين ولن أبو السجاد يسمع صوت من گلبٍ حزين
(تمت)
« هجري» نزلت ابشأن ابو اليمه ( كهيعص )والجحد فضله جحيم اوهبهب اوبئس المهاد * * * ( الكاف ) كوّن كربلا الباري اوجعلها للحسين مدفن اومعنى ( ادخلوها بسلام آمنين ) واعده من عالم الذر بيها رب العالمين اومن وصل ليها عرفها من وگف بيها الجواد * * * تسمع ابكربلا اوما تعرف فضايل كربله شلها عند الله جلاله اوشلها جاه او منزله اختار من الأرض خيره لجل ابن عقد الوله أشرف من أربع مساجد وأجل من سبع الشداد * * * وادي الكعبه تباها چى حوه بيت الإله يا أرض هيدي استقري نزل من الله نداه منچ أشرف وادي الطف بالشرف ما من سواه ما خلقتچ إلا لجله اوصرتي مگصد للعباد * * * كربلا الباري قدرها بالحسين امعظمه اوبعد خص إلها كرامه اوهاي تالي مكرمه
الشان أبو السجاد ترفعها ملائكة السمه چالعروس اويزفوها للخلد يوم المعاد * * * (الهـ ) هدر دم الحسين التعني عنه ( البي ) يزيد الباع دينه اوشره الدنيه اوعمل بيها اشما يريد ( العين ) عن العطش تعنى اللي حمس چبد الشهيد او ما سگوه الماي گوم الخالفو درب الرشاد * * * ( الصاد ) صبر حسين منه اتعجْبت أملاك السبع اودم على امصاب ابو اليمه اعيونها تجري الدمع اتشوف كلسا بالمعاره ايطيح من جسمه ضلع
شيلوا جسم العلى امصابه رگد حيلي اوجسمي باد * * * بين ساعه اوساعه يگصد للمعاره ابن الأطياب او من يرد بين ايده شايل يالعلي والله شباب منهم العريس جاسم من وصل بي للاطناب
يبني لگضي اعليك عمري ابحزن ورداي السواد * * *
وانمرد سباح چبد حسين والگلبه اگطعه من إجاه الصوت خويه ادركني من المشرعه زينب ابجنب ابو اليمه اوشافته هل مدمعه
يختي العيال احفظيها طاح ركن الإعتماد * * * اشلون حاله الوگف بيها حسين عد راس العجيد ابإيد العنان المطهم لزم واتخوصر ابإيد وانحنه ظهره العضيده اوصاح يا نعم العضيد
ابطيحتك ياسيف عزمي نالت اعداي المراد * * * ثلث مرات أخذ راسه بحجره ويجلب الصواب وابو فاضل يصد عنه اويرد خده اعلى التراب او ناده خويه ابجاه جدك وامك اوداحي الباب
اشلون أطعن بالكفاله اوشعتذر يبن الأمجاد * * * (تمت)
« مجرشه مذيله»
(تمت)
«شيعتي»
|
