* * * اتبصر ابعين العقيدة اوشوف هالعالم نظامه بيه سبع افلاك تفتر والگطب سر الإمامه اوشوف لوح البيه سر المن المبدأ للقيامه
* * * يالتزور حسين اعلم للنبي چنك تزوره اونور مصباح الزياره فرج للعسره أموره خل تگر بالله عينك والگلب يكمل سروره
* * *
اگصد الوالد اليمه وانزل ابروضة الرحمه جوهر الإحسان شانه وابصريح الآيه اسمه حسين قنديل الجلاله الزهه ابساگ العرش رسمه
* * * حسين للمخلوق وضح معنه ( داود اوزبوره ) حسين ( للتوراة ) معنه حسين ( للإنجيل ) صوره حسين ( للقرآن ) منطق صادق اوصدق نشوره
* * * حسين ( خامس ) من تجله ابسمه العصمه گمر ساطع ( للإمامه هلال ثالث )(للوحي مصباح رائع ) ( وارث اعلوم الثلاثه ) ( اوشرع للتسعه الشرايع )
* * * حسين سر ( نوح ) اودعوته امن الخطر أمن حياته حسين سر البيه ( موسى ) انتصر واتملك عصاته حسين رضوان الإله البيه كل مذنب نجاته
* * * (تمت)
« شيعتي»
نور أبو اليمه تجله من سنه الشمس وضحاها وزهر من مبدأ الدنيا وضل ينور المنتهاها نور للأفلاك زينه وزين الأرض وسماها
نور أبو اليمه تجله وبزغ من برج السماحه شمعة اعيون الموالي والگلب بيه ارتياحه درس دستور الفصاحة من علي رب الفصاحه
يزهر ابأربع معاني انغرست ابروضة كماله رضع ببهام الرسول وغذته اعلوم الرساله
دمه من عصمة الزهره ومن علي روح العداله
حكم الوجدان وانصف وانصب الوجدان شاهد شوف ياعنوان بارز قبلت أرباب المعابد هذا عنوان أبو اليمه نور الأربع مساجد
جود أبو السجاد قدره او روه البر وبحر منه من محاسن سنن جده للكرم والجود سنه زينة الدنيا ابوجوده وسيد ابروضة الجنه
گبل تكوين العوالم رسم أبو اليمه تصور نور من نور التجله لبن عمران وتبادر
وطاح مغشي موسى منه والجبل وضعه تغير
سر الأسرار ابوجوده ومحفظ القرآن صدره وما لوه للدهر جيده اشما لعب وياه دهره يجزع من الصبر گلبي من اخوض ابحر صبره
صبره مظهر للمعاجز والمعاجز وضحنه وگلبه مركز للنوايب والنوايب گطعنه هدف لسهام المصايب والمصايب نحلنه
(تمت)
« هجري»
* * * الألف آدم من تنبه واصبح امن النادمين الــ ب ببو اليمه استجار اوسأل رب العالمين الجيم جاه الدال دنه للفرج ليه بسم الحسين إجمع الأربع حروف اتصير أبجد بالجمع
* * * الهـــ هوه يونس إبـّطن الحوت بحسين إستجار الـــواو وإبراهيم برد إوسلم صارت له النار الــــز زهت وأصبحت روضه فاكهة الأثمار هـا إو واو زاء هوز تنقره يالمستمع
* * * الـــ ح حسين الباح دمه او أحيه دين المسلمين الـــ ط طبع حبه المعبود ابدليل الصالحين الــــ ي يمن عندك عقيده اتمسك ابحبل المتين ح و ط والياء حطي وإيعرفها المطلع
* * * الكــاف كون نوح فلكه واصنعه ايعين الإله الــلام للباري توجه ميم من روحه علاه النــون نال النجه اوبسم حسين أبو اليمه نجاه (كلمن) رابع كلام او نصف من أصل الجمع
* * *
السيــن سد اللي بناه اسكندر ابحد الإسلام العيــن عد خمسه اورصدها واسم الحسين الختام الــفــا فلاح ( الصاد ) صلي اعله النبي الهادي الهمام س ع إو ف او صاد اتصير سعفص بالطبع
* * * الـقـاف قرة عين كلمن ببو اليمه يعتصم الـــراء ربح كل اللي يگصده او بالزياره يغتنم الشيـن شارع للنعيم ايصير للبي يلتزم قرشت لو على الثلاثه الـ ( ت) حرفها ينوضع
* * * الثـاء ثمر دوحة الدين حسين وأطيب كل ثمر الخـاء خبر بالصحف واضح خاب اليضده اوخسر الــذال ذنب اللي يزوره بس نوه ابگلبه انغفر
الثاء خاء اوذال ثخذ صغت افطن ياورع
* * * الضاد ضحه حسين إخوته والسنن بيها إحتيت الغين غاص إبـّحر عزه او منـّه المله روت الـ ظ ظهر ضي الإسلام اوشمعة الشرك انطفت ض غ الظا ضظغ لا، لام ألف لا ترتفع
* * * هذا فضل حسين چان اوشأنه عد رب السمه او بالطفوف انذبح ظامي اوفطر دلاله الظمه آه يوم الشال طفله اوسدَّر إمن إمخيمه
ابيا شرع عالطفل شرب الماي عمداً يمتنع * * *
واليفت گلبك يمسلم يوم ندهو حرمله اوبالنحر عيّن النبله وابحضن عوده اچتله سال دمه من وريده ابچف ابن عقد الوله
صاحت اسم الله يخويه ابگلب ظامي إومنفجع * * * او زينب ابريبه اوسمعت سكنه ياخويه تصيح اطلعت من خيمتها وإتحن والچبد مدمي اوجريح مدت ايديها لخوها اوخذت عبد الله ذبيح
شبگته أُمه او در ثديها وأحنت إعليه الضلع * * * (تمت)
« شيعتي»
انهضت للإسلام نهضه مانهض ماجد مثلها بيها أسرار اومعاني ذاك من ذاك اليحلها وانمحت بيك الضلاله والهده حل ابمحلها
منهو مثلك باح دمه للديانه او فده إوجوده ورفع صيوان الديانه زودك وزودك عموده وكل محب يسكن الجنه يحبك ابساعة وروده
هاي دنيه وما خطتني بالرمي شعتب عليها زينت مشروع جهلي وبالجهاله انقدت ليها من هوت روحي ابضلاله ردت درب الينجيها
يا وجود الشرف يامن بيك يشهد كل صحافي انت سر معنه الديانة يالثبت بيك اعترافي فضلك الواضح بيانه للحسد معناك كافي
يامجير اليستجير اليگع بشراك الشدايد ينجح بحبك محبك لولفه الگبتك گاصد خطر ميشوف ابحياته وناجح ابكل الموارد
طينتي انعجنت ابحبك وابهوك اشتد غرامي لو بده ابمدحك الساني ايصير كالجوهر كلامي وعاطرة إنشاء نظمي مرشحه ابمجدك السامي
أفرح إمن أگصد ضريحك وأغتنم رحمة الباري فرحتي الغفران ذنبي وعلى امصابك دمع جاري وأصد للمصرع وأشاهد جسمك إعله الغبره عاري
تنحب وتصفج بديها وهايمه امن الخوف بالبر والظمه نار ابگلبها وبرداها النار تسعر اولن ابن مسلم حضرها واندهش حاله اوتغير
الدهر بسهام النوايب صاب گلبي وگطع ظني وما الي مشفج او والي اتيتمت من صغر سني بصدري تتكسر العبره يهالشيخ وثگل وني
نادته وتجري دمعها والگلب زايد ونينه يهالشيخ إبحق ( محمد ) انته إلنه لوعلينه لاني الكم لاعليكم گلها ياهاي الحزينه
يجد ماتنهض تحامي امخدراتك من العكسر يجد ماتحضر تشوف النار بمخيمك تسعر يجد وتشاهد ولينه حسين وبدمه إمعفر
ياجدي ماظل البناتك والي
(تمت)
«هجري» يالتزور حسين أبشرك وإفرح إبهالغانمهزار أبو السجاد گبلك بالعرش رب السمه * * * يكفي الزاير حديث المصطفه سيد الأمم زيارة إبني حسين نعمه وفاز من بيها إغتنم ألف حجه وألف عمره تنكتب له إبكل جدم واليمسه إغبار جدمه ما تمسّه الحاطمه * * * وبعد أبين لك كرامه يبتهج منها الدليل من تطب حاير ضريح حسين وإدموعك تسيل چنك إبعرش ألإله إتطوف وإتزور الجليل يا سعد حظك يزاير يالحزت هالمكرمه * * * لون يدري إللي يزور حسين من ألله إشيشوف چان گصدت للزياره شيعته تزحف إزحوف إبحايره إتأدي الفريضه وتسعه وإتلبي وتطوف وتحج بيت ألله إبضريحه إو من تطب له محرمه * * *
التاجر إويه حسين يربح والربح بألآخره من تطب للحشر زواره إبنوره إمنوره إتشوفها الناس إو تگول إشهالوجوه المبدره هاي زوار الحسين وبالولاء إموسمه * * * تنتصب ميزان ألأعمال إو عليها الحاسبين وللحساب إيقدمون أعمال كل العالمين ذاك يوم البيه يظهر شرف زوار الحسين حسين شافعها ومحاميها علي بالمحكمه * * * والممثل گمر هاشم يگف بين إيد الأمين ينشر الدفتر البيه إمسجلين الزائرين يجري التحقيق والزاير يمد إيد اليمين ياخذ كتاب التبريه بمهر حيدر خاتمه * * * يالتزور حسين ذخرك بالقيامه إزيارتك وإلك بالفردوس روضه ومن تطبها الروضتك تلگه ولدان إو حواري مستعده الخدمتك گبل متسلم تجدها إعليك هيه إمسلمه * * * إشلون نهضه النهض بيها إبن الرسول إبكربله وسْعت أبواب النجاة وصفت رحمه للمله مثل ما رافع سماه بلا عمد رب العله
|
