وأصله من أصل الرساله اوفرعه من فرع الإمامه وانت يا والد اليمه ركن وامشيد قوامه
يا بني الزهراء بيكم تنحفظ دعوة نبينه نور وتجلت الدعوه وإحنه بالنور إهتدينه دينـّه الإسلام وإحنه إبقبلة الدين اقتدينه
نور عصمتكم تجله او نور افكار العقيده اوسرنا بدروب العقايد لعد مگصود النريده والگصد ربط الديانه بالتقاليد المفيده
ياعزيز الزهره جودك عالمله ايقدس مزارك فلك للحاجات يفتر والگطب تصميم دارك والفرج مفتاحه بيدك للتمسك باقتدارك
ياإلهي إنصرت دينك واجعلت للدين صوره (1) ظهرت ابصورة محمد وانمزج نوره اويه نوره إجبر المكسور گلبه إو يسر العسره اموره
(تمت)
« شيعتي»
يالتحج البيت نوّرحجتك ابنور الشعاير تقتبس هالنور لمن تنكتب لحسين زاير الكربلا بإيمان ثبات اگصد او وجدان طاهر
تزكية حجة البيت اوتزكية نفس الزكيه السعي ابين الصفا وبين المروه بأرض الغاضريه من الحرم للحرم هرول بين البدور المضيه
بالشرف مكه تباهت نزل وحي الله اونهاها كربلا أفضل او أشرف منچ او أوسع مداها بيها لابن الزهره مرقد طاب بالمرقد ثراها
يالتزور حسين گلبك بيه خل يثبت يقينه جوهر الصاغو وجودك بيه من فاضل الطينه يفلح الزارالحسين وخل يگر بالله عينه
واليحج البيت گصده ياخذ من الله كرامه واليزور حسين يربح بالكرامه أو بالعلامه
وتظل مخفيه العلامه اوتظهر ابيوم القيامه
ابكربلا زكي المناسك اوهرول ابشارع الجنه ولو شفت عالطور نفسك لاتخف جدمك تأنه وشوف نوراللي تجله الطاح ( موسى ) مغشي منه
إغتنم هاي الفضيله يالتزور حسين وإعلم تنجح بآخره اودنيه ومن عذاب الله تسلم واليمسه إغبار جدمه ما تمس جسمه جهنم
لوشفت ما بين نار او نور نفسك لتـّحير إقتدي ( إبـ حر الرياحي ) وموقفه الموقفك مصدر بين جنة اونار شاهد موقفه اوبالحق تبصر
مبدأ التوفيق هذا اونصرة حسين انتهائه فازبيها ابن الرياحي وما انگطع منه رجائه بذل للاسم جهده اوباح للمله دمائه
منصرع شبل الرياحي ايلوج من شدة اصوابه وگلب الحسين ايتجلد صبره ويحن على امصابه
رفع من الارض راسه اومسح عن وجهه ترابه
ما خطت سمتك أُمك ( حر ) يحر من الولاده عشت حر بالدنيا ( يا حر ) وإلك عاقبة السعاده ودّعه اوعين الرياحي غمضت اوحصل مراده
ابحجر ابو اليمه الرياحي اتوسد او أده الشهاده وابو اليمه من تگنطر على الغبره من جواده يجمع اتراب الوطيه من حدر راسه وساده
جرت بارض الطف مصيبه كل مصيبه هونتها الگوم من رادت تواطي الجثث للخيل إلكدتها اتفازعت للحر عمامه او خذت جثته اوكترتها
(تمت)
« هجري» يحسين تزهر گبتك بإنوار قدسيهاوخطو رسمها بالسمه او بالأرض بانيها * * * بالعرش گبتك تزهر والملك دونه تطوف ذاك رسم المنطبع نور وتجسم بالطفوف اوغدت تتهافت الأملاك اعله گبرك اصفوف
والرسل كل ليلة الجمعه تقصد اتزورك اوروضة ضريحك للرسل يحسين ناديها * * * رسم گبتك فوگ هام الفلك شامخ درجات اوگبتك بالأرض بيها سرمعاني الغامضات اوبيها معنى جوهريه النظر إلها حسنات
والباري كون تربتك من جوهر الحكمه او ( لقمان ) جوهر تربتك ما چان حاويها * * * رسم گبتك بالإراده الباري باللوح ارسمه اوگبتك للخلگ صارت بالأرض ذروة حمه
اولو دعه الداعي حدرها سمع هاتف كلمه
يالحدر گبة حسين تدعي اوتطلب الحاجه عند الله نجحت دعوتك إبشر يداعيها * * * رسم گبتك يبو السجاد إبعرش الله زهر ابحبر نور ابقلم قدرة ابإيد قدسيه انسطر اوگبتك بالأرض صارت فلك نوح امن الخطر
تتعله عالطوفان تسري ابسر ولايتكم من الخطر يسلم محبك لو ركب بيها * * * رسم گبتك فوگ گبة السمه اتسامه بالصعود والملك تهتدي ابنوره اوتبدي للباري السجود اوگبتك بالأرض حفظت جسم أسرار الوجود
اوجوهر الوجدان الحقيقي بينه القرآن وجدانك اوعصمتك والباري امزكيها * * * رسم گبتك زينة اللوح يسر الناظرين
اوگبتك بالأرض رحمه او شامله اعله العالمين بيها آيات الشفاعه امسجله للمذنبين
گبتك قرطاس القدس وامدونه ابنورك والآية لو نورك حبرها منهو يمحيها ؟ * * * رسم گبتك صار إكليل إعله هام الفلك اوشرف الباري مقامه اوبي تشرف كل ملك اوبالأرض باب النجاة إو منها كل مذنب سلك
فاقت على گبة السمه اوبالشرف غطتها گبتك نالت هالفضل من فضل راعيها * * * رسم گبتك من تصد ليها ملايكة السمه تنفجع والعين تجري منها لمصابك دمه اوگبتك بالأرض بيت الحزن لأُمك فاطمه
* * *
ولأُمك الزهره على گبرك من تگف تحني الظهر مثل حنية زينب اعليك يمحزوز النحر وانت عالغبره رميه اوجسمك الزاچي وذر
من تجيك أمك الزهره كرسي نور الها انصنع لاچن المصرعك زينب لفت ماخذها الفزع خلت اخيامك مسعره اوجتك اتگوم اوتگع
وامك الزهره اعلى گبرك ينغشي اعليها اوتطيح مثل ماطاحت الحره وانت عالغبرة طريح جلبت جسمك اولابيك لگت مفصل صحيح
وامك الزهره اعلى گبرك توگف ابظل او أمان لاچن ابمصرعك زينب وگفت ابصدر السنان مثل ماشفتك عليه اتثنه عود الخيزران
(تمت)
«شيعتي»
يمن بيك الدهر عيّن سهم من گوس المطامع ولو دعيت الناس عنك صكّت آذان المسامع آنه أرشدك لليجيرك والتجد بحماه مانع
لو شفت يا صاح دهرك مجبل إعليك إبرميه لا تمد للما يلزمك إيدك أو ترجه الحميه إطلب الجودات من التكرم إچفوف العطيه
سابج التوفيق بيدك يالمحب إلوي عنانه وإنكتب زاير الگبر البيه للخايف أمانه للحرم إدخل وشوف إشلون باري الكون زانه
للحرم إدخل يزاير وإنظر إبعين الحقيقه إسمك إبدفتر حسين إمسجل وحبك وثيقه والنجاة إللي تريده واسع إبوجهك طريقه
يالتصورت النشور ورجف گلبك من أهواله ولا عمل عندك يسلمك من عذاب ألله كفاله إتصل بحسين وإربط نفسك إبحبل إتصاله
إهنا يمن خلاك دهرك ممرض وعلتك خفيه لا تظل بدواك حاير دونك أرض الغاضريه باشر الطب الحسيني والمآتم صيدليه
(تمت)
« هجري» يالتود سبعين حجه اوگاصد اتزور الحسينأسعي من گبر أبو اليمه الگبر مگطوع اليمين * * * دوحة الدين الغرزها المصطفى سيد الأنام ذبل عود الدوحة وأبله اوضعفت افروع الأحكام لاچن ابدمه حياها حسين وأرفع للإسلام
أنغدر حق حسين لاچن أظهر الحق اليقين * * * أظهر الحق اوشره أرقاب الإسلام ابرگبته اووارد أبنص الخبر سبعين حجة ازيارته اوحدر گبته الاستجابة والشفاء ابتربته
ورده يوم الضمه امن ايد المرتضى كاسٍ معين * * * اويحگ نتبع أثر سيد المرسلين اوسنته اولو دعانه داعي للتفريق نرفض دعوته اوفرض واجب على المسلم يذب جهده اوهمته
ابعروة الوثقى ايتمسك يلتجي أبحبل المتين * * * أهنا يغافل طالع التاريخ وابنص الخبر تلگه فضل حسين واضح عالمله ايشع چالگمر اوحضرته امن الكعبه أشرف وابركن گبره الحجر
زيارته رحمة الباري اوشامله اعله الزائرين * * * اهنا يهل الراغب الجنة اوالك بالعصمه اشتياق الف گلوب المسلمين اوفلا تسعي ابفراق واصل احبال الموده ابعروة الوثقى الوثاق
حق فرض واجب علينه نتبع آثار الحسين * * * وأحنه ماعدنه وسيله غيرهالباب النجه هذا ريحانة محمد فاز من بيه التجه هذا ابن قدرة الباري العلي اسراره ورجه
واعليه دمعته هامله ابساعة الميعاد يتناول كتابه باليمين * * * يا إلهي لعد حمدك والثنا نبدي السؤال يا وحيد الما إلك ثاني ابعزك والجلال وفق الاسلام وأجعل الها تحسين الأعمال
ولي راعي الأمر أمره يا إله العالمين * * * (تمت)
« شيعتي»
لاتظل ياصاح حاير ل وولاك الدهر نابه اوصوبك بسهام غدره اوأثر ابگلبك اصوابه اوصوبك البسمه الباري للسمه يفتح ابوابه
* * * اهنا يهالگاصد احسين اوانته بإشراك الشدايد اوچب اگبال الضريح اوصيح إجيت ابگصد وافد امن الحرم تسمع جوابك إبشر إوطلب اشرايد
|
