لسان حال أم البنين عليها السلام
(تمت)
(تمت)
(7)
* * * (تمت)
الفصل الخامس
ويشتمل على القصائد التالية:
« شيعتي»
* * * من بنه ألأرض إو سماها الباري بأحكام إقتداره إو جعل دين الهادي عگبه ببو السجاد إنتصاره إو مسلم أبأفق الشهاده گمر تتشعشع أنواره
* * * چالگمر من عالم الذر مسلم إيشع بالكرامه إو مضه إبقائمة الشهاده إو للوفه حامل وسامه إوبيض التاريخ جهده من المبدأ للقيامه
* * * هاك إخذ عنوان مسلم من لبس درع الشهاده قائد إبنهضة حسين إو شد نياشين القياده إو گصد للكوفه إو نزلها إو ثبّت إبألله إعتقاده
* * * لو طلگ بالحرب رمحه فجّر إدموع الضماير إو لوعطش بالكون سيفه يروه من دم الحناجر حيدر إو مسلم الثاني إو غيرهم ما بطل صاير
* * *
مسلم إبحملات حيدر حمل وإتفرس الكوفه إو شال درنگها إبفراسة هاشم إو دمر إصفوفه ما يعرف الخوف گلبه بس لبو السجاد خوفه
* * * لا تگول إنصرع مسلم من إسيوف الجاهليه مسلم إبهاي الشهاده إمعاهد الباري إو نبيّه بلَّغ أحكام الرساله إو حفظ لحسين الوصيه
* * * (تمت)
« شيعتي»
همت والمسلم هيامي من عليه جارت الكوفه وإنكشف عني الستار وعين إيماني تشوفه حر عله الميدان حوّم غاص بموسط صفوفه
شبچت إرماح العوالي زور وبحدها المگدر والسيوف إيوج سناها ومن سنها النار تسعر وچني إبمسلم نحرها إبگلب بي إيمان حيدر
إتمثلت مسلم ولامة حربه وأفعاله الحميده فوگ لامة حرب مسلم شاهدت لامه جديده الطاس توفيقه ودرعه البخت والدرگه العقيده
يا هله إبضنوة عقيل وهمّته إو ساعده إو باسه درس دستور الفراسه من علي رب الفراسه وجمرة الحمزه إبوجوده فوّرت دم الحماسه
هاك إخذ تاريخ مسلم يهالرايد تستمّله شد وسام النصر لاچن گبع الكوفه إبمذلّه إبكثر ما طلبت النجده صابت إبن إزياد خلّه
لا تگول الكوفه نحرت مسلم وشبچت يمينه هذا مرسوم السعاده چان مكتوب إبجبينه مسلم إچفوف الشهاده غمضت عالموت عينه
إبناظر إلبي شفت مسلم للحرب داير مداره شفته متگيد إبحلمه إميسر إبقصر ألإماره وطلب شربة ماي مسلم يطفي من الگلب ناره
إيكون مثل حسين مسلم ظامي گلبه ويذبحونه ولعد عالي الگصر لمن صعد والسياف دونه إيفكر بأمر الحسين وفجرت دمعة إعيونه
ما تشيع نعش مسلم يالعلي وألله إشهضيمه إو ظلت المسلم وديعه عند أبو اليمه يتيمه من دره إبچتل إبن عمه وإنرمه بسهم الظليمه
سلم الطفله بديها وصاح والونه خفيه يختي هاي أول يتيمه من يتامه الغاضريه وهاي بنت أول شهيد إو وصي بيها الفاطميه
* * * (تمت)
« شيعتي»
چني أتصور الكوفه إو أنظر إبناظر يقيني إبسمعي صكصكة الهنادي والبريج إيخطف عيني إو چني إبسلم وأسمعه يرتجز سيفه إبيميني
چني بموسط الكوفه وأنظر الخيل إتغاير والشرار إمن المواضي للسمه نار إيتطاير وچني إبحملات مسلم مثلت حملات حيدر
چني بالميد إتمايد والرواسي إتميد منها وگصل بالحومه إتزارگ رُگط والنار إبلسنها إو چني إبمسلم وشوفه ثابت إو ما يزل عنها
فجّرت عين المايه من يدگ بالگاع جدمه إو شدة الشاعد سحابه إو مطرت إعله الكوفه نقمه والرعد تكبير مسلم والبرگ من نار عزمه
چني إبدرنگ الكوفه بين المجندل إو شارد وأسمع إبن إزياد يهتف لا شفت لا خبر وارد يطوي رايات الحرايب يفل عزم الكوفه واحد
نجده يابن إزياد نجده كبّر إصياح الملازم هذا مو بگال كوفه هذا صل من ظهر هاشم الحمزه والعباس چنه إو من محمد بي علايم
هذا حال الكوفه خله إو إخذ من مسلم مراجل يبطش الفارس إبفارس يردم الراجل إبراجل الحزم شنهي الزلم شنهي إبگبلته إو شنهي القبايل
إي وحگ مسلم إو شدة ساعده إو نفسه الزكيه ما فنت مسلم الكوفه إو هدمت أركانه القويه لا چن الهدّم أركانه إصواب من گوس المنيه
|
