« هجري» زاير اليگصد القاسم بالخبر زار الرضهواليمس گبره إبيمينه ما تمس جسمه أللظه * * * عن أبو محمد بيان إو بالكتب واضح ينور اليريد إيزور گبري إو متِّيسرله ألأمور يشد راحلة الزياره إو يگصد القاسم يزور إزيارتي زاير عضيدي نالها إبيها حظه * * * أول إبديلك أنسابه إو تالي أشرح بالمصاب جده سيد المرسلين الضلل إعليه السحاب إومن تبلغ بالرساله إو نزّل إعليه الكتاب أُمي لاچن إبضميره إنطبع وإبعلمه إحفظه * * * هذا أبن راعي الولايه ألثبتت إبحز الرگاب والفتح خيبر إو چفه إمن الحصن أقلع الباب إو چتل عمرو بن ود يوم الخندق إو فل ألأحزاب إو نوبتين الشمس ردها گصده ليصلي قضه * * *
المصطفه جده وأبوه حيدر إو أُمه فاطمه الباري أكرمها الشفاعه مهر عن حامي الحمه والذي بحبها تمسك بالنعيم إمنعمه إو يود باريها اليحبها وإللي يبغضها إبغضه * * * هذا إبن بيت الرساله إو مهبط أملاك الحميد بالصحف ثم الزبور أمدحهم البلعز فريد وأنزل التوراة وألأنجيل وكتاب المجيد إبشانها إو يبدي فضلها إو للبريه موعظه * * * هذا إبن من ظهر بيهم وإنعرف حق اليقين وإرتفع سور الديانه إو ثبت للإسلام دين ومن فرض رب البريه الواجب إعله العالمين من عدا التوحيد حبهم فرض عالناس إفرضه * * * هذا إبن الغريب المات وبرجله الحديد ومن عگب موسى بن جعفر سدر أمر إمن الرشيد ما أريد إمن الهواشم عدل يمشي إعله الصعيد
من شريدتهم القاسم چان من دار الدار ينتقل منطرد خايف أبد ميقرله قرار سمع بنتين إتحالف بالوصي حامي الجار
ثلث تيام إبضيافة ريس الحي إستقام گله يا عم خبر سامع مروي عن سيد ألأنام صدقه بعد الثلاثه إيصير للضيف الطعام
ناده يا عمي مرامي أستچن إبهالذره لاچن إجعلي وظيفه إو عالوجن دمعه جره گله يبني إللي تريده نفسك إنته إتخيره
إموسم إبذلة الغربه إو بگه إبذاك الحي نزيل صابر إو صايم نهاره إو بالصلاه قايم الليل إو لو توجه عله القبله يندب إو دمعه يسيل
قايم إو راكع إو ساجد ريس الحي شاهده وإنطبع حبه إبدليله إو بنته للقاسم هده إو جمع روس العرب عنده وإلهم ألأمره بده
گال أزوجه للعباده لا لحسبه والنسب زوجه بنته إو إلها طفله الباري وهب عاش سنتين وبعدها بالمرض جسمه إنتشب
يعم لو أدنت الساعه إو فارگت جسمي الروح يعم حضر لي زهابي إومأتم إنصب لي إو نوح وريس الحي ناده يبني إو دمعه من عينه يفوح
ريس الحي ناده يبني عدلي حسبك وألأنساب حته عگبك بيك يبني لا تعيرني ألأجناب إعليك خوفي رشح مني يطفح إبدال الجواب
والدي موسى إبن جعفر مات مسموم الگلب بين ما يبدي الوصيه مثل أبـو مات إبغرب إو صاح مير الحي يهلنه وإيتواره بالترب
حين حج بالطفله جدها إو للمدينه من سدر من وصل جدامه سارت وهوه يمشي إعله ألأثر حته وصلت باب دار المصطفه سيد البشر
إو بعد إبين لك الطفله حين للدار إدخلت طاحت إعليها ألأرامل وألأيتام إتلملمت آه وأُم القاسم أدنت ليها وإبفگده إعلمت
(تمت)
« شيعتي»
هنا يمن خلاّك دهرك حاير إوما إلك چاره والمرض خله إبدليلك داء يتجادح شراره آنه أدليك إبطبيب اليطفي من إحشاك ناره
وألأعمال الخير بيه ونية العامل عقيده والمشه إبدرب العقيده يصل مگصود اليريده إتوجه إبحسن العقيده للحسن وإندب عضيده
اليخدم إبيوت ألأكرام ويلتزم عروة ولاهم يغتنم راحة حياته إو آخره ودنبه إبحماهم وأنشر الباري علينه رحمته إبنشرة لواهم
إهنا يمن سباح گلبك من سهم عسرك تگطع ما إلك غير أهل بيت الرحمه بالدارين مرجع إعتصم بألله وإصبر والصبر نور إيتشعشع
هاك إخذ دار العليها كل محب ينعقد رايه دار أبو جعفر البيها إينور مصباح الهدايه إدخل إدخل يالموالي وإحرم إبثوب الولايه
للحرم إدخل إو قدم نور إيمانك هديه السيد محمد وإخذله إبأيد توفيقك تحيه وإطلب إشما راد گلبك وإستلم منه العطيه
مد يمينك يهالوافد وإخذ مگصود التريده هذا فاروق المچارم بالمچارم باسط إيده إمن الحسن والهادي جوده وجود قدسيته تزيده
(تمت)
« شيعتي»
* * * إهنا يهالمكسور گلبك لا تهم وإمشي إعله هونك صيح يا سبع الدجيل إو هاتف إيناديك عونك إبشر إبشر يهالوافد بالفرح گرت إعيونك
* * * كل سنه إبجو المصيبه يرف من الطف علمنه إونگصد الگبرك نزوره وعندك إمسجل إسمنه إو نغتنم بالغانمات إوشرف صيوانك يلمنه
* * * إو بعد أوصيك إبوصيه وإعتبر بيها يوافد إو للحرم إدخل إو چنك داخل ألأربع مساجد وإنظر إبناظر ولائك بالحرم شوف إشتشاهد
* * * صيح يا ضنوة الهادي يهالما تنظر ثنيتك إمن الدهر خايف تراني إو شارد ولاجئ أبّيتك وأدري إبدارك ملاذ الخايف إو عنوه إعتنيتك
* * * (تمت)
« شيعتي»
لو ردت تچسب الراحه إو ما يضيمك ضيم دهرك وإبمخاليب الشدايد من تگع ليضيگ صدرك إگصد السبع الدجيل يسهل المعبود أمرك
إهنا يمن عسرك شديد إو ما لك إمن العسر چاره إگصد السبع الدجيل إو گبل ما تدخل مزاره إصغي إبسمع العقيده وإسمع أصوات البشاره
لو چنت يا صاح مدنف والوِلم روحك ولاها إگصد السبع الدجيل إو إخذ من جوده شفاها وإنشد الگلبك يخبرك چم وچم علّه براها
لو چنت يا صاح خايف من الميعاد إو حسابه إو ما إلك مسلك يخلصك من المعبود إو عذابه إگصد السيد محمد زاير إو إلثم أعتابه
إهنا يمن إيمان گلبك يزهر إبشمعة وجودك إگصد السيد محمد وإنزل إبروضة سعودك أمَّلت من عالم الذر حبهم إو جدد إعهودك
يا إلهي إبجاه سيد محمد إو حرمة عضيده إتنور إگلوب ألإسلام إبنور مصباح العقيده إو للگصد سبع الدجيل إنطيه مگصود اليريده
(تمت)
« شيعتي»
إهنا يهل مالوم گلبك والولم هدّم أركانك إدخل إبرحمة الباري وإچسب الراحه إبزمانك إگصد السبع الدجيل وگبل ما تشرح بيانك
هذا علم الهادي علمه والمچارم من شقيقه للحرم أوصل يزاير وإنظر إبعين الحقيقه تلگه مگصود التريده واسع إبوجهك طريقه
ما گصد گاصد لعد سبع الدجيل وخاب ظنه إلّه ما يستر دليله وياخذ الجودات منه هاي بالدنيه إو جزاء إزيارته روضة الجنه
من المعبود الكرامه إختصت إبسيد محمد حضرته دار ألأمان وللوفد منشد ومگصد بيها برهان المعاجز بيها للشارات مشهد
هذا من بيت الرساله ونوره من بهجة نبينه هذا قداح ألإمامه وبثمر حبه إهتدينه هذا من شجرة الطيبه فرع ومخيم علينه
|
