* * * جرع سم الدهر گلب الحسن وإتگطع دليله إو طاح بفراش المنيه إيعالج إو ما نام ليله إو ودّع إلمهدي عزيزه إو عله إفراگه إنهدم حيله
* * * يا إله الكون نسأل نعرض السمعك دعانه إنريد بين ألأمم ترفع شانّه إو ترفع لوانه إو عاليهود إيصير حاسم سيفنه إو مبرم قضانه
* * *
يا إجيوش إلما يهمها الموت ساعات المداهس إو تفرس إگلوب الحرايب بالعزم يومالمفارس هذا صبح النصر إلكم يا بني يعرب تنفس
* * * يا إله الكون ندعي إو نسأل إبدعوة محنه إبعزة القرآن عزز جيشنه وأمِّن وطنه إو أيد أرباب العلوم البيها يتحقق أملنه
* * * (تمت)
«شيعتي»
فارض المعبود حبك عالخلگ من عالم الذر طوگ وإبجيد الموالي وإبمعاني الدين يزهر يالحسن وأثمار حبك منها يتنافح العنبر
يالحسن مصباح نورك يزهر إبأفق السعاده ونوَّر العالم العلوي إبنور قدسية السياده والكره ألأرضيه سارت عالهده إبضيه إو رشاده
يالحسن صورك ربك حكمه من جوهر أحكامه ورده من شجرة محمد تزهر إبروض ألإمامه وعلم منشور العباده وترفل إبجود الكرامه
يالحسن جوهرة علمك نورت علم الفصاحه وإنغرز علم الرساله إبگلبك إو نال إرتياحه إو من ثمر گلبك سگيت العلم بمياه السماحه
يالحسن شرف الباري قدرك وقدس مزارك وإنته للخايف أمانه وملجأ الخايف إبدارك ومن سماء الرحمه تنزل رحمة الباري إبجوارك
يالحسن عيّنك ربك بالإراده السرمديه من خزاين لطفه حزنه وتگضي حاجات البريه وإحنه جيناك إبحوائج والكرم عندك سجيه
بالله صيحو إو ياي صيحو يا سميع إسمع دعانه من إبيوت أهل الرساله إنريد لا تگطع رجانه تجعل إبحبهم وسيله إلنه وإبحبهم ذرانه
(تمت)
« شيعتي»
* * * إهنا يهل جسمك نحيل إو بالنوايب وهن عظمه إگصد الدار أبو المهدي وإنزل إبروضة النعمه وإدخل إبيوت البناها الباري للإسلام رحمه
* * * عألأرض مهوى ألإسلام إو ملجأ الدين إبحماها إبطيب من أربع مراحل طيَّب الباري ثراها إو نور حاجات البريه كوكب إو تزهي إبسماها
* * * لو شفت يا صاح گلبك مرتبك من ضيق دهرك إگصد الدار ألأمان إو بالفرح ينشرح صدرك وإعتقد بألله إو رسوله يبتدل باليسر عسرك
* * * نوّر المعبود سامراء بنوار الجلاله إو زانها إبزينة محمد وإبقناديل الرساله أرض مستأصله إبدين إوبيها دين ألله إتصاله
* * *
لو شفت يا صاح گلبك ثبت بألله إعتصامه للحرم إدخل إو شاهد نور مصباح ألإمامه وإجتني إبإيد العقيده قبس من نور الكرامه
* * * أمَّن إبهالدار سيد البشر للمله أمانه إو منتهى ألآمال بيها أصبح إو غاية رجانه صيحو بألله إوياي صيحو يا سميع إسمع دعانه
* * * إبعين يتفجر حزنها صد يزاير عله الغيبه إو صيح يالمهدي إبدليل الحسن سم يسعر لهيبه إنعزيك إو تعزينه وإنتساهم بالمصيبه
* * * (تمت)
« شيعتي»
فارض المعبود حبك عالخلق من عالم الذر طوگ وابجيد الموالي وابمعاني الدين يزهر يالحسن واثمار حبك منها يتنافح العنبر
يالحسن مصباح نورك يزهر ابأفق السعاده ونور العالم العلوي ابنور قدسية السياده والكرة الأرضية سارت عالهدى ابضيه ورشاده
يالحسن صورك ربك حكمه من جوهر احكامه ورده من شجرة محمد تزهر إبروض الإمامه وعلم منشور العباده ويرفل ابجو الكرامه
يالحسن جوهرة علمك نورت علم الفصاحه وانغرزعلم الرسالة ابگلبك اونال ارتياحه ومن ثمر گلبك سگيته العلم بمياه السماحه
يالحسن شرف الباري قدرك وقدس مزارك وانت للخايف امانه وملجأ الخايف ابدارك ومن سماء الرحمه تنزل رحمة الباري ابجورك
يالحسن عينك ربك بالإراده السرمديه من خزاين لطفه خزنه وتقضي حاجات البريه واحنه جيناك ابحوايج والكرم عندك سجيه
بالله صيحو اوياي صيحوا ياسميع أسمع دعانه من بيوت أهل الرساله انريد لاتگطع رجانه تجعل ابحبهم وسيله النه وبحبهم ذرانه
(تمت)
« شيعتي»
* * * نور أبو المهدي تجله من سنه الشمس وضحاها إوزهر من مبدأ الدنيه إو ظل ينور المنتهاها نور للأفلاك زينه إو زيّن ألأرض وسماها
* * * للحسن مصباح يزهر بزغ من برج السماحه شمعة إعيون الموالي والگلب بيه إريتاحه درس من جده الجواد إعلوم تنوير الفصاحه
* * * للحسن أربع معاني إنغرست إبروضة كماله درس علمية محمد وأنشر إعلوم الرساله إتروه من عصمة الزهره إو من علي روح العداله
* * * حكّم الوجدان وإنصف وإبضوه الوجدان شاهد شوف يا عنوان بارز قبلت أرباب المعابد هذا عنوان أبو المهدي نور ألأربع مساجد
* * *
گبل تكوين العوالم رسم أبو المهدي تصور نور من نورالتجله لبن عمران إو تبادر إو طاح موسى مغشي منه والجبل وضعه تغير
* * * سر ألأسرار إبوجوده إو محفظ القرآن صدره إو ما لوه للدهر جيده إشما لعب وياه دهره يجزع من الصبر گلبي من أغوص إبحر صبره
* * * صبره مظهر للمعاجز والمعاجز وضحنه إو گلبه مركز للنوايب والنوايب گطعنه هدف لسهام المصايب والمصايب نحلنه
* * * (تمت)
« شيعتي»
* * * إمصابكم بالگلب أثـّر جمر يتواگد لهيبه سيدي إتدارك قصدنه البيه للداعي مجيبه للحرم ندخل نشاهد بي جلال ألله وحبيبه
* * * إزيارتك للي يزورك بالدهر عصمه إو مناعه وإحنه زوارك إبدارك تحفظ إجناح ألإطاعه نحرم إبإيمان لمن ندخل إبيوت الشفاعه
|
