تطب للمحشر إبهودج نور والعصمه علامه يصيح جبرائيل بأمر الباري ويبلغ احكامه غـُضُّو الأبصار طبت بت محمد للقيامه
تگف بموسط المحشر بت رسول الله وحبيبه تدعي للباري ودعاها منطق الحكمه مجيبه يگلها يا بضعة محمد تشتچين ابيا مصيبه
ياإلهي بگطعت الچفين تنجز وعدتي واعدتني بالشفاعه والشفاعه رادتي بيدچ المحشر يگلها وباب خزنة رحمتي
(تمت)
«شيعتي»
من كمل خلق العوالم بالأحكام السرمديه لا نجم لا گمر يزهر لا شمس چانت مضيه والظلام إعله العوالم نشر خيمه عالميه
الباري إبخلق العوالم أحكم إو أعلم إو أبصر ومن خلق أول كلام النور من معناه جهجر وخلق من ثاني كلام الروح من معدن الجوهر
مسجد المعمور بيت إبسمه الرابع معنويه بيه قنديل إيتشعشع نوّر الذروه العليه وإبسماء الدنيه زينة نور قدسية الزچيه
زيِّنَت خلق العوالم فاطمه إبنور ألإطاعه والفلك يسبح إبنور العصمه وإبعلو إرتفاعه والكره ألأرضيه تمشي إعله الهده إبمظهر شعاعه
فاطمه إو نشأتها حكمه إبعالم الذر إبإراده إو فطمت إمن النار روح الثبت بألله إعتقاده وإبنساء الخلگ سادت وإلبست تاج السياده
ظاهر التزويج حكمه إو باطنه للبشر رحمه إو رادة الباري العباده يتم بالزهراء نعمه ومن ثمرها إهدعش كوكب يظهر إبمظهر العصمه
فاطمه بضعة محمد والمحمد ما رعوها ليل ونهار إبحزنها جابعه لمصاب أبوها لو گضت شطر العباده من بواچيها إمنعوها
(تمت)
«شيعتي»
المصطفى صفوة الباري او فاطمه منه اصطفاها وإنشأ احروف الإسمها اومن سنه العصمه اجتباها للكتب خلاها زينه چالمصابيح ابسماها
الفاء ـ فاق المجد مجده واعتله الذروة العليه الفاء ـ فاروق المعاني الجوهريه العبقريه الفاء ـ فاطم من جهنم محب فاطمة الزچيه
الطـا ـ طريق الشرف واضح صار لهل الشرف مگصد الطاـ ـ طهور إمن الشراب وصار للإسلام مورد الطـا ـ طهربيه الموالي ضامره وبالحق تشاهد
الميم ـ مهد العفه والعف بي ربت روح الكرامه الميم ـ ما تنفصم عروه او فاز من بيها التزامه الميم ـ منها اهدعش چوچب لاحت ابعرش الإمامه
الهـا ـ هلال اللي تجله وابتده من الزهره نوره الهـا ـ هوه اعله الناس رحمه او يسر العسره اموره الهاـ ـ هنا العيش ابوجوده أو للمحب بهجة سروره
اتزينت هاي الحروف ابفاطمه او زينة اسمها چالقناديل ابضمير المحب يتشعشع رسمها هذا فضل احروف اسمها وشوف فضل الملتزمها
(تمت)
«هجري»
من دحه ألأرض إو رصدها الباري بأسرار ألأحكام إو كوّن السبع السماوات إبسته إمن الأيام لاچن العالم مظلمه والملك تشچي الظلام
إو كون الباري كلام إو بالإراده إتكلمه وأنشأ إبثاني كلامه روح رفّت بالسمه إو مزج ذيچ الروح بنواره إو صارت فاطمه
ومن عقد جوهر القدره إنصاغ للزهره وجود ومن صدف سورة الكوثر درَّه ظهرت بالوجود إو فرض عالوادم ولاها الفارض الذاته السجود
بالعرش بضعة محمد تشع بنوار أربعه إبراسها تاج النبوه مثل شمس الطالعه إبجيدها طوگ ألإمامه وإبسناها ساطعه
وكل نبي جاعل الباري إمن الولد ذريّته إبعلمه وإبغامض أسراره إو بالإراده إوحكمته إختار للمختار عتره من الزهره بضعته
إبسورة الرحمن بحرين إو ساحلهن أمان إبينهن تذكر ألآيه (برزخٌ) لا يبغيان فاطمه إو حيدر البحرين إبتأويل البيان
إبآية العصمه الزچيه إتطهرت من الدنس واليحبها إبنور عصمه من معانيها إقتبس إو نزلت إبشان اليضدها آيه وإبسورة عبس
يالمحب إعرف فضيلة نفسك إبنت النبي إتمسك إبعروة الوثقه إو عروة الوثقه علي واليريد إشهود خله يقره آيات الوحي
إو لو ردت يا صاح تحرز لعد آخرتك حرز إغرز إبگلبك ألإيمان أو حب حيدر غرز إمن الخطر نور الولايه إبجبهتك خلي حرز
(تمت)
«هجري»
* * * من دحا الأرض اورصدها الباري بأسرار الاحكام اوكون السبع السماوات ابسته امن الأيام لاچن العالم مظلمه والملك تشچي الظلام
* * * اوكون الباري كلام اوبالإراده ايكلمه وانشأ ابثاني كلامه روح رفت بالسمه او مزج ذيچ الروح بأنواره او صارت فاطمه
* * * اومن عقد جوهر القدرة انصاغ للزهره وجود اومن صدف سورة الكوثر دره ظهرت بالوجود اوفرض عالوادم ولاها الفارض الذاته السجود
* * * بالعرش بضعة محمد تشع بانوار ( اربعه ) ابراسها تاج النبوه مثل شمس الطالعه ابجيدها طوگ الإمامه وابسناها ساطعه
* * * كل نبي جاعل الباري من الولد ذريته ابعلمه وابغامض اسراره او بالإراده اوحكمته اختار للمختار عتره من الزهره بضعته
* * * ابسورة الرحمن ( بحرين) او ساحلهن أمان ابينهن تذكر الآيه برزخٌ لا يبغيان اوفاطمه اوحيدر البحرين ابتأويل البيان
* * * ابآية العصمه الزچيه اتطهرت من الدنس واليحبها ابنور عصمه اومن معانيها اقتبس اونزلت ابشأن اليضدها آيه وابسورة ( عبس)
* * * يالمحب اعرف فضيلة نفسك ابنت النبي اتمسك ابعروة الوثقى او عروة الوثقى علي واليريد اشهود خله يقره آيات الوحي
* * * لو ردت يا صاح تحرز لعد آخرتك حرز إغرز ابگلبك الإيمان اوحب حيدر غرز من الخطر نور الولايه ابجبهتك خليه حرز
* * * (تمـت)
«ميمر مذيل»
|
