المنظورات الحسينية ـ 4 150


(38)
بطولة العباس عليه السلام

«مجرشه مذيله»

شـال الجود راعيه وشد عالمنيه
دون الخيم يتبختر مثل شجاعة حيدر
وابيمنـاه ماضيه وشد عالمنيه
* * *
طلعت وديعة فاطمه من الخدر مسروره چوچب سعدها
شافت حليف الغانمه للفلك يسطع نوره چوچب سعدها
سل ابوجها صارمه وهز راية المنصوره عزها وضمدها
عد عيناچ ناداها وأبسم رجاها
شوفي يزينب شوفي دونچ لضحي چفوفي
واطلگ اعجود حطيه وشد عالمنيه
* * *
لزمت اعنان امطهمه وتعلگت بالرايه ونـادت وليها
لعيالك ايمسها الظمه وهذا الفرات ومايه يحرم عليها
والطفل ذابل مبسمه وام الطفل شچايه ويابس ثديها
دخذي الماي من عيني يالتحشميني
والمشرعه وما بيها طي السجل لطويها
واخذي اعلوم مرضيه وشد عالمنيه
* * *
داس برچابه وگطعه وهاجت ابجسمه الهمه وارتجـز واغضب
عندچ علم يمودعه جسمي الدرع ميلمه يوم الملاعب
جيش اليگف عالمشرعه لخبط الماي ابدمه وهلهلت زينب
للعباس وعلومه وزهرت ارسومه
وابحيـدره يتچنه يتبختر ويتثنه
ويجدح نـار هنديه وشد عالمنيه
* * *

المنظورات الحسينية ـ 4 151


روح الفراسه ابحيدره وعباس أخذ دستوره ابيوم الفراسه
يشهد له يوم الگنطره مثـّل علي إبكل صوره ابدم الحماسه
صاح ابرفج يمخدره نامي ابرغد منطوره ابفي الحراسه
يوم الكـون واخطاره من تشب ناره
دونچ لـذب مجهودي واخبط الكون ابزودي
وبسم حسين صافيه وشد عالمنيه
* * *
يا محله صيوان الولي اليچسب أمان إعياله وتركـن إبفيه
مثل النشر راية علي ومعذب الخياله يوم المنيه
عباس لبيوت الوحي خيم إعليها إظلاله بالغاضريه
وخله اعيـون سهرانه لهل الخيانه
وليـل الحرب لوعسعس خيل وزلم تتكردس
والرايـات مطويه وشد عالمنيه
* * *
روح الفراسه والهمم بالحمل وجدان الدين صيـرت مظنها
عالمشرعه هز العلم والزلم مد شوف العين نحاها عنها
طب للشريعه واغتنم ماي وگبل طفل حسين ما شرب منها
راد المـاي لعياله وللحرس جاله
مد بالحرب عساله ثگل الحرايب زاله
من مبدئه التاليه وشد عالمنيه
* * *

(تمت)
المنظورات الحسينية ـ 4 152


(39)
ألله يا بطل العلقمي

ما تگـعد إتشوف خويه يعباس
ويـن الصواوين وين الدواوين
راحت هالمسيه
* * *
ما تگعد يمن بيك سور العز قوامه
ما تگعد يمن بيك جفن إختك منامه
ما تگعد يمن بيك خدر إختك نظامه
ما تگـعد إتشوف عن إمخدراتك
شال الخـدر شال وتغير الحال
برض الغاضريه
* * *
رف گلبي يمرتوب لمن رف علمكم
ماني إگطعت الدروب ممشايـه إبشيمكم
وچاسيني الشرف ثوب منسوج إبهممكم
وسابگت عيني تجري مثل دمكم
جـوّ گلبي غيّم وعيني إمطرت دم
فجرتها المنيه
* * *

المنظورات الحسينية ـ 4 153


يالچنتم إبنخواي ميلمكم زردكم
ويبسم مبسم إرجاي لـو جهجر سعدكم
جف من عيني الماي وإبيّضت بعدكم
وسهم البعينك صـك عيني وعماني
إي وحگ عيناك شوف إختك إوياك
مفروض العليه
* * *
ماني العشت بأستار خوّتكم وإختكم
ماني العفت للدار وإمشيت إبّختكم
ماني إلخضت بخطـار دهري إو لا عفتكم
ماني إبذلت للدين وياكم جهادي
وبعهـدي إوفيت للخوّه أديت
عالشاطي رميه
* * *
إهنا بالضعن وياك ضعن إمخدراتك
إهنا يالفجع فرگاك گلب الفاجداتك
وألله لگف بحماك وأحميلك خواتك
وألله لـگر عيناك يا صاحب الرايه
وأحميلك إعيـال وأرعالك أطفال
وألزملك ثنيه
* * *

المنظورات الحسينية ـ 4 154


إهنـا يالگلت بحماي خدرچ وإكفلتني
ما گصرت وياي خويه إو دللتني
وبظلّتي إو ممشاي عنك حيرتني
شفرة إفراگك بضعت چبدي
تضهدني الجروح شيهوّد الروح
والعله خفيه
* * *
يا بو الفضل أدريك ما تحمل إعتابي
لاچن عتبي إعليك من شـدة إمصابي
إشلون أمشي وخليك وبگلبي إصوابي
لو ينشدوني شعتذر للنـاس
ويـن إخوتچ وين وأنصار الحسين
تحمي الفاطميه
* * *

(تمت)
المنظورات الحسينية ـ 4 155


(40)
نداء زينب لأخيها العباس عليه السلام
عباس ما تگعد تحاجيني وآنـه إنعمت عيني
من سهم البعينك الماذيني وآنه إنعمت عيني
* * *
عباس ما چنت أظن يرموني بيك إفجعوني
ولاچنت أظن تتگيد إمتوني خويه ويضربوني
عباس باچر من يمشّوني للشام يردوني
وإنته رميه إمگطعه إچفوفك يالمنفجد شوفك
بالدرب منهو إللي يدليني وآنه إنعمت عيني
* * *
عباس سهم العين چتالك وإنمرد دلالك
وبضربة العامود آجالك حققت آمالك
والليل لو چلچل عله إعيالك شيصبر أطفالك
دگعد يمن گلت الخدر بحماي باري ألأطفال إوياي
عباس وحدي لا تخليني وآنه إنعمت عيني
* * *
ما أدري گلبي ينحب الفـرگاك لو من إسياط إعداك
عباس وإنته إتغسلت بدماك وإختك بگت تنعاك
عباس چنت إمخدره بحماك والخدر راح إوياك
شنهي حياتي يا گمر عدنان لو راحت الوليان
ياريت وياكم إمگطعيني وآنه إنعمت عيني
* * *

المنظورات الحسينية ـ 4 156


عباس گلب إختك تشب ناره إمن الدهر وأخطاره
عباس لختك ما بگت چاره وبالحرم محتاره
عباس هاي الخيل إجت غاره عالخدر وأستاره
والخدر لو ما چان إله حراس يتفرهد وينداس
عباس ما تگعد تحاميني وآنه إنعمت عيني
* * *
عالهضم شيصبر يتاماكم عباس بعداكم
عباس چيف البال ينساكم والگلب يسلاكم
عباس يصعب علي فرگاكم خلوني وياكم
لاچن إشبيدي والدهر خوّان سلمني للعدوان
ودهري غصب عنك إمّشيني وآنه إنعمت عيني
* * *
ماني العشت بستار خوتكم وبزود همتكم
عباس وإتزيّه إبسجيتكم وآنه عقيلتكم
غصبا علي أحمي بجيتكم وأنظر ثنيتكم
وأسجي عطاشاكم الفجعوني من دمعة إعيوني
أشجي العليل إو ونّه يشجيني وآنه إنعمت عيني
* * *
عباس هاي الخيل غارتنه وداست ثنيتنه
عباس هاي النار حرگتنه وچمّلت جمرتنه
عباس هاي إعداك يسرتنه وبسياط لوعتنه
وأتچنه بيكم من يضربوني چن ما تسمعوني
وإشلون سبيه الـدهر سابيني وآنه إنعمت عيني
* * *

(تمت)
المنظورات الحسينية ـ 4 157


(41)
خواطر الحوراء زينب عليها السلام

«فائزي مذيل»

عالمشرعه العباس صاب السهم عينه
أحّا يسهم العين وإنكسر ظهر حسين
وإحنه إنگطع بينه
* * *
گابلت شاطي العلگمي إو فجر دمعها وأحنت ضلعها
وصرخة وديعة فاطمه إبصرخة فزعها وأحنت ضلعها
يا گمر هاشم مصرعك لختك فجعها وأحنت ضلعها
چتال أخوك حسين فرهد صواوينه
والسهم والعامود گطّع إچفوف الجود
وإحنه إنگطع بينه
* * *
عباس تذكر ساعة إلبيهاه إطلعتني وإنته إكفلتني
ما حُره مثلي إتدللت يالدللتني وإنته إكفلتني
مكتوب لي سوط العـده إيطگني إعله متني وإنته إكفلتني
شوف الزمان إشلون صابت نياشينه
يالمنفجد شوفك وإنگطعت إچفوفك
وإحنه إنگطع بينه
* * *

المنظورات الحسينية ـ 4 158


عباس تذكر ناگتي من جدمتها وبيدك گدتها
فوگ الحرير إبرايتك من برگعتها وبيدك گدتها
إو عالناگه تذكـر يا عقيله إلركّبتها وبيدك گدتها
والكربله بحماك يا خويه طبينه
ما چنت أظن عالماي ينهدم سور إحماي
وإحنه إنگطع بينه
* * *
عباس فاتني ومشن بيض الليالي كل چاره مالي
وإنطوه إبطيحت رايتك عزي ودلالي كل چاره مالي
زينب أنه إو ما شـافت إلوادم إخيالي كل چاره مالي
أصفن وأحـاچي الروح وين الخدر وينه
نادتني خدرچ راح طاح الموّزم طاح
وإحنه إنگطع بينه
* * *
چني إبطريـج العلگمي جسمه إيتگلب صاح إعله زينب
عتبچ ضهدني إو لا تكثرين إلمعاتب صاح إعله زينب
سبيّچ إو نيران الخيم بالگلب تلهب صاح إعله زينب
تدرين أخوچ إشحـال ما بينچ إو بينه
وآنه أدري بيك إشصـار مخـّك غده طشّار
وإحنه إنگطع بينه
* * *

المنظورات الحسينية ـ 4 159


عتبي يبو فاضل تره والنحب والنوح من لوجة الروح
حگ المعاتب عالعدل مو عله المذبوح من لوجة الروح
وآنه ادري بيك إمگطع وعالشاطي مطروح من لوجة الروح
أعتب وريد إعتاب گلبي يسلينه
وإنته ألأجل وافاك وإتغسلت بدماك
وإحنه إنگطع بينه
* * *
چم نايبه إلما تنحمل شفت إبزماني زينب تراني
لاويت دهري إو لا تظن دهري لواني زينب تراني
سهم الشمـاته فگـّس إعيوني إو عماني زينب تراني
والشامت إبهاليوم عُمرت دواوينه
وإشلون أطب ديوان وإنتم عله التربان
وإحنه إنگطع بينه
* * *

(تمت)
المنظورات الحسينية ـ 4 160


(42)
العباس بطل المعركة

شهر سيف العزم عباس او نزل
للحرب والحزم أنشبها الوجل
* * *
اتوسط الميدان بيده العلم رف
صـرخ بالجيمان صـوت اورفها رف
حر گمر عدنان وهيه اتگول رف
حـام بيها اولعب بيها
ياهله ابموت الزلـم شبل الفحل
* * *
يرتجز عالشوس ابن فخـر المله
والجسوم اطعوس خلاها اومله
الأرض من الروس والگوض مله
المفـر منه الموت چنه
ابصارمه والحتم وارسوم الأجل
* * *
ندب بالكوفان بس عاد الصبر
اوجرع الشجعان چاسات الصبر
الگلب والجنحان ذبها اعله الصبر
الحرب فنه الشوس عنه
ميلت والنعم يوم اللي حمل
* * *

المنظورات الحسينية ـ 4 161


ليث مشبل هـاج من شيبه اوهام
ما يعرف الذل اوطخة الهام
گصد مجبل منتعش بالجدم هام
بعزم حامي خز مسامي
على الشاطي الشهم ابن خير العمل
* * *
راد من عنده الشرب معدن الجود
وذكر چبد المنعطب ناره تجود
وبالنفس گام ايخطب اوشحن الجود
ما شرب ضـامي ركب
غوجـه ابن بحر العلم مير النحل
* * *
رد على ابن الأسد جيش الكفر جار
النـوب عالموت إستعد واعليها جار
كزر بيها الزرد چن حامي الجار
لـو شهر سيف او ظهر
للجمع مايـهم حيه او لو زعل
* * *
عمل بيها الماسده بالدور سام
دون اخـوه روحه فده بالچبد سام
ابسهم صابوه العده ناجع ابسام
ابعينه طـاح اوخويه صاح
حضر عنده الهم لمن أدره انچتل
* * *

المنظورات الحسينية ـ 4 162


انحنـه اوزاد ابچاه منه الچبد ذاب
لمن شاف الواه من يمناه ذاب
ابطيحتك ناداه عاد الشاة ذاب
من غبت بيه اگطعت
نحل مني الجسم والدلال سل
* * *
اليوم اهل الفتن تغضي اجفونها
والحرم لذة الوسن بجفونها
ابيسرچي ترضه اومحن بجفونها
(وعيلتك نـادتك)(1)
عـگبك اوتنشتم من عدها الأهل
* * *

(تمت)



(1) في ج 7 لا يوجد هذا المقصور وهو من نظمنا.
المنظورات الحسينية ـ 4 163


(43)
الحوراء تستنجد بالعباس عليه السلام

«إهجيني»

صاحت وديعـة حيدر يا بو الفضل يمشكر
هاك إخذ مني الرايه وإخذ الفرات إو مايه
يا بو الفضل يمشكر
* * *
ألله من صيحتها وينك يسبع الملعب
يمعذب الخياله
وإشگالت إبنخوتها زينب تراني زينب
إو عيني تظل هماله
رد للحـرم لهفتها گلب الرضيع إتعطب
إو سهم العطش چتاله
أدريك راعـي إمروّه إو ما تصد عن الخوّه
وإبطلبتي إو منوايه دخذ الفرات إو مايه
يا بو الفضل يمشكر
* * *
وإسمع صهيل الفُرّس عالمشرعه إو لزمتها
ويد الحرايب عالي
إو جوّ المخاطر عسعس خويه إو حلت ساعتها
ضحي إبدماك الغالي
إگلوب الحـرم تتحمس إبنار الضمه إو جمرتها
وآنه إنفجع دلالي

السابق السابق الفهرس التالي التالي