«شيعتي»
چني يحسين يتمثل غربته وحيرت إعياله وچني بالعباس لمن لوح امتون الاخياله وشفت جود وبيد طفلة وگصدت العمها ابجلاله
أخذ منها الجود لاچن ضايگ من الصبر صدره يصعب عليه الفواطم تجذب على الماي حسره ما يهم بالماي گلبه يمتثل لحسين أمره
صاح الحسين على زينب نشفي دمعة اسكينه وگام يتمثل عضيده ويصد ليساره ويمينه يدري لو طاحن اچفوفه يطيح صيوان الضعينه
وصاح ياكبش الكتيبه وياچفيل الفاطميه اقتضت للمعبود حكمه كون أسلمك للمنيه تدري شيصير على زينب فگدل وينگطع بيه
موقف حسين وعضيده زلزل العالم رهيبه ومثل گلب الحره زينب صوبت گلبي المصيبه عمت عيني ولا تشوف وداع محبوب وحبيبه
وطاح إلحسين على جسمه هالله هالله اشلون طيحه وصاح خويه انكسر ظهري وللخيم وصلت الصيحه شاف الصواب المضهده وراد من سمه يريحه
فاضت العباس روحه ورد أبو السجاد مجهد ايريد يتلاحگ حريمه وعلى الخيم لايظل مبعد وصاحت بوجه العقيله خويه شو رديت مفرد
(تمت)
«هجري»
* * * چني ابزينب غريبه او حايره بأمر الحرم لاحمه اليحمي حماها اولا چفيل اولا خيم إو صدت إلشاطي إلفرات إتنادي يا راعي العلم
* * * ماني اختك وآنه زينب يالحديت ابناگتي أوگتلك ابشيمة الخوه وانته گتلي ابشيمتي ما تعز اعليچ روحي اودونچ أبذل مهجتي
* * * وانصبت صيوان خدر إختك على هام الفلك والوفه ثوب او تفصل يبن أبويه بس إلك اوما ملك بالكون ماجد مثل ما شخصك ملك
* * * چانت أيامي مزهره ابنورك الماله مثل اوبيك وابهمة عمامك چان منطور النزل والفلك طرني يخويه اورحتو من ايدي چتل
* * *
چني ابزينب تنادي ابعبره والمدمع يسيل يعباس الخدر راح او للحرم ما ظل چفيل دسمع امعاتب إعيالك واسمع الحن والعويل
* * * چني اسمع صوت مخفي ظهر من كتر الشريعه سهم البعيني ضهدني يختي واچفوفي گطيعه وانگضه حگ العليه اوتعذريني يالوديعه
* * *
چني ابزينب فجعها صوت أخوها وإنكسر ظهر زينب مثل كسرة ظهر محزوز النحر يعباس اشلون عمله عمل ويانه الدهر
* * * (تمت)
«شيعتي»
* * * هالله هالله اشلون وگفه اوگفت مفجوعه العقيله گابلت شاطي الفرات وصاحت ابونّه ثجيله يعباس الضعن هذا رَد يودعك ياچفيله
* * * ريت سيف الگص يمينك گص يبو فاضل يميني والعمود الفضخ راسك حال ماب ينك وبيني ونشف من الدمع جفني من سنا جمرة حنيني
* * *
يعباس اشلون وليه ابولية اعداك انولينه حرم والخيل ادهشتنه وحرگوا اخيمنه علينه نارفوگ النار شبت بالضماير وانسبينه
* * * يالعليك الخوه فرضت تسبح ابدم الحميه فرضت اعليه الكفاله ومضت بيها الغاضريه واگفلت عگبك خواتك واشگفت عنهن بديه
* * * يعباس اشلون حيره اتحيرت وانگطع گلبي وظل يحوم اعله الشريعه وعيني اعلى الخيم تربي طحت يصبي البصيره وبيش اوچد بعد دربي
* * *
چني بمخدرة هاشم ودعت گبر الكفلها أتلوج من سهم المصيبه اتلوج بين اگبور أهلها ومن جرح سهم الشماته دمعة العين اتهملها
* * * يا حسين انذهل عگلي من شفت جسمك رميه ولاعظم ظل بيه سالم من حوافر خيل أميه اشلون جسم اللي يلم اجروح ألف وتسع ميه
* * * يا هلي زينب تراني ودمكم اعيوني تهله وعزكم الماضي چساني وما ترديت ابمذله وما يمل الصبر گلبي ولعد گلبي الصبر مله
* * * (تمت)
«هجري»
يا علي جبريل صاح ابصوت گربيه الأبصار لافتى إلا ( علي ) لاسيف إلا ذو الفقار يا علي اوشبل الذخرته الكربلا بالكون صار
ياعلي رايتك بيها نزلت عالجن هلاك اوراية العباس بيها للوغه اندارت افلاك انچان بالميدان سيفك عجبت بيه الأملاك
ياعلي رايتك بيها حازت المله السعود لامثلها اتصير رايه اولا فتاها بالوجود راية العباس منها لا تقل اولا تزود
مثل ما رايتك نجحت ياعلي بالغزوات ابراية العباس أخبرك نجحت ابشاطي الفرات مثل ما بالكون سيفك چان يرمي الصاعقات
ياعلي رايتك بيها افتحت حصن المانعه اوراية العباس ابشرك فتح بيها المشرعه لون ما ندري ابسيفك زلزله الباري اصنعه
ياعلي هذي معاني شبلك اوسرمرهفه اوبعد أمثلك صفاته بالأخوه اوبالوفه مثل ماچنت ابوجودك تود تفدي المصطفى
ياعلي ابحضن الشهاده نام ابو فاضل شهيد ياعلي اوبحسين أخبرك من فگد نعم العضيد اتهيأ السبية اعياله اواعرض الحز الوريد
امخوصر اوناده ابصريع المشرعه دگعد الظهري عدّله * * * إلك دون الحمزه عمك وگفه يا فارس مضر اتخبرك ابوگفة حسين الوگف بيها اعله النهر مثل ما ظهرك حنيته ظهر الحسين انكسر
ابگلب ابو السجاد نارين اسعرت نار اخوته اوضيعة هله * * *
ياعلي ابمصرع الحمزه ساعدك طه الأمين اووگفة حسين اعلىه أخيه لا نصير اولا معين اتمثله اوشاهد عضيده لا يسار اولا يمين
يابني هاشم گمركم عالنهر اوبيه المواضي اممثله * * * اوصد لبو فاضل يگله فگدك الگلبي افجعه ماتصد لحسين أخيّك ياعضيده اتودعه؟ اشلون أصدلك وابسواد العين حربه امونعه
واحرگت نيران الوداع الگلب والعين ظلت هامله * * * ياعلي ابطيحة الحمزه چانت اعيونه تشوف اولا مثل عباس عينه انصابت ابسهم الحتوف ياعلي والحمزه من طاح تسند بالچفوف
إلساني يگصر من فعلهم والگلب هالصبر ما يتحمله * * *
ياعلي والجسم حمزه ليش غطاه النبي خاف لن إخته تشوفه والدمع منها إيهلي ساعد الله گلب زينب عگب اخوها ياعلي
ولها فجعوها اوغريبه ابكربله اوحارت ابيتم العايله * * * (تمت)
«هجري» ليلة العاشر تعنه الشمر لخيام الحسينصاح وين اولاد اختنه ليش عنه اميلين * * * اشما ندب ما واحد منهم يلبي دعوته ناده ابو اليمه عضيده الأسد حامل رايته گوم يا بدر الهواشم شوف شنهي رادته
هاج ابوفاضل مثل ليث اليهيج امن العرين * * * مدرع اومغضب سدر عباس وبچفه العلم وشرعبت بيه المراجل والشجاعه والشيم وگف دون الشمر ناده شنهي جيتك للخيم
اتنحه لتروع الفواطم واحنه بيها اموزمين * * * الشمر ناده يبن اختنه جيت ناصح منتغر انفوسكم لا تچتلوها ويه بن حيدر غدر زبد وأرعد گمر هاشم وأنهر ابوجه الشمر
فراگنه اوي حسين ناده حتى نمسي امذبحين * * * ورد گمر هاشم ولن زينب الحره اتلگته ناده من هذا ايتخطه ؟ آنه زينب نادته من سمعها راد ينزل بالزچيه حلفته
تظل راچب گلبي يستر بيك يا گرة العين * * * لزمت بأيد الشچيمه اوعالخيم أومَت إبأيد اضخرك عودك يا مشكر ضخر لحسين وعضيد بشيمتك هاي الفواطم يا ضمدها والعميد
وانت ادري بيك حاوي عزم أمير المؤمنين * * * ومن اشراف العرب عودك يبن ابويه عربك ولعد هذا اليوم يمصيت لبو اليمه اذخرك والحسين ابهالفواطم يامشكر وزّمك
|
