المنظورات الحسينية ـ 3 485


جسام يتشعشع إبإيمانه قنديل ودانه
سبحان من صوره سبحانه والجمّله إو زانه
جسام يتبهلل إبرهانه بالكون عنوانه
لو كشف عن وجهـه الستار ولاح من عارضه المصباح
شمس المعالي إبنوره وضاحه للگلب مفتاحه
* * *
جسام متربي إبحجر معصوم وإعله الربه مرسوم
ويه المچارم لازم إو ملزوم ما برح عنهن دوم
هذا الحسب وأنسابـه طيبه إعلوم ما تركن إعله إللوم
جسام من در الثدي إمعرب عالغانمه إمدرب
ومن المعرب سهمك الراحه للگلب مفتاحه
* * *
جسام إله إبعز النفس حالات لهل الشرف آيات
وآية وجوده إبساعة الشدات لهل الوفه مرآة
جسام منعوت إبسليم الـذات متجرد الغايات
والذات لو طابت مراضعها للطيب مرجعها
وبعبقرية الطيب نفاحه للگلب مفتاحه
* * *
جسام برياض الكرم والجود أنمه ونشأله عود
وألأصل من الجود بالموجود بالغانمات إيجود
جسام فعلـه إمصيّت إو محمود وشما تگول إيزود
چفه السحابه إو ريعها إوجوده وتسامت إبزوده
ليلو إبصدف نيسان نضاحه للگلب مفتاحه
* * *

(تمت)



المنظورات الحسينية ـ 3 486


(32)
شجاعة القاسم بن الحسن عليهما السلام

«الصدر دارمي + حسيناوي»

جسم چسب شنيار يطفي ويشب النار
يوم اليطب للملعب
* * *
هيف إو رهيف الطـول والغانمه إبعنوانه
والمهر حدره إيجول والنصر عند إعنانه
حيدر إبراسه إتگول من يلعب إبميدانه
وعج الحرب لو ثار بيده الفك يندار
يوم اليطب الملعب
* * *
ينسف إبعزمه إجبال ويشيده إبمجهوده
سور وسعد وظلال من هيبته إعله إحدوده
وبطارف العسال للحرب ينگل زوده
وبشفرة البتـار تتگاصف ألأعمار
يوم اليطب للملعب
* * *
إو لو يدگ جدمه إو گام يومي وسفر عن باعه
إو دور النصر ينهال من طلعته إللماعه
جاسم يحي هالفال تگرب إبسيفه الساعه
تتراكم ألأخطار تتطاير ألأبصار
يوم اليطب للملعب
* * *

المنظورات الحسينية ـ 3 487


من يدرع إبإيمان گلبه ويشد عالغاره
ويصلي الـوغه إبنيران عزمه إو جمر بتاره
تتراجف الفرسان من هيبته القهاره
بالكون إله آثار ويمثل الكرار
يوم اليطب للملعب
* * *
جاسم عذاب الهون لو شد عله الخياله
ويتحدر الطاعون من ساعده إو عساله
ويخلي گلب الكون يتراجف من أهواله
وين اليحامي الجار حافظ حكم وأسرار
يوم اليطب للملعب
* * *
من الحسن مذخور جاسم النصرة عمه
ومأيد إو منصور يا حي شبـاب الهمه
ما ظهر منه إگصور لا لا ولا عز دمه
ما يصل كل ديّـار يمه ويشوف إشصار
يوم اليطب للملعب
* * *

(تمت)



المنظورات الحسينية ـ 1 488


(33)
القاسم في الميدان

«المستهل إعگيلي»
«النص : نصاري جنّاس»

جسّام إتگلط للحـومه بالكون إمصيّت من يومه
* * *
شد عالخيل شبل الحسن وحده وصـاح الموت بالجيمان وحده
ضربته وضرب الكرار وحده (من حيدر زوده ومدراره)
* * *
تشعشع وإنتشع والحزن شلها إبشاطي الموت خله الخيل شلها
وإيد الحرب بالبتار شلها (تگصر ما توصل لحدوده)
* * *
سل السيف للجيمان زرها ونار الحاميه اليدناه زرها
طشها إبصـارمه وبالرمح زرها ( صگرها وظلت مصگوره)
* * *
حياه الرمح والسيف مرحب بابن الچتل عمرو وشطـر مرحب
خله الحرب مره إيگوم مرحب (يحبي ويتچفل طاريها)
* * *
سره وياه ملك الموت يسره وگلب يمنـه الحرايب فوگ يسره
وظلت بيد ملك الموت يسره (عگـّرها وظلت مچبوبه)
* * *
ليث وهاج من الغاب فازع وراغ الكون منه إبگلب فازع
للراصخ بحد السيف فازع (زعزعها وزمها إبعساله)
* * *

المنظورات الحسينية ـ 3 489


بطرف الرمح روح الكون يرها وزود البيه عن كل زود يرها
إلصد الحملة إبن الحسن يرها (حملات الطيع جنيها)
* * *
مثل الطيع البالبير ينه ما تشگف ضرب يمناه ينه
إبرابعة الضحه لليل ينه (إظلمت والكون أصفر لونه)
* * *
بطرف السيف رحـه الحرب داره سم رمحه إبضمير الكون داره
كل جيدوم كدّر بيه داره (يدبها إبسيفه إلبي آيه)
* * *

(تمت)



المنظورات الحسينية ـ 1 490


(34)
هوسات

«تجليبه والرباط عگيلي»

ولدي قاسم
ها يبني العليك الـروح ملهوفه عين أمك إربيه العرسك إتشوفه
من دم حنتك والمصرع الحوفه
وإسهام إنثـارك صابني ومن دم إجروحك حنني
* * *
آ يبني العليك الگلب ظـل ينحاس آ يبني التفصل له الدرع والطاس
آ يبني التچنه إبعمه العباس
والثار ألأكبر شد حيله ويناشد سيفه إو يحچيله
* * *
آ يبني الشبابه الوحشتي شمعه آ يبني إللبس ثوب العرس درعه
آ يبني الرضه السبعه إو قهر سبعه
ويشيل الكـون إبعساله محلاه من شد عالخياله
* * *
آ يبني العليه الـروح ما تهجع إتوشح بالعزم وبشيمته إتدرع


المنظورات الحسينية ـ 3 491


أدّه حگوگ حجر إرباه والمرضع
ما ضاعت بالكـون إعلومه ومصيّت وتخلد يومه
* * *
آ يبني الربه بگلبي ورتع بحشاي وإتغذه إبمهجتي ومن ريع چبدي الماي
ودلالي إنفرش له والوساده إچلاي
للساع الـروح إتباريله وتتصور حمله وتشچيله
* * *

« تجليبه»

ربيتك يجاسم وإتعبت برباك شهيد إتروح مني روح ألله إوياك
إخذ صوغه لبوك الحسن من إدماك
خل يفـرح وإيحني إچفوفه وإرباي إو مجهودي إيشوفه
* * *
للدين إنتصـارك يولدي إو عمك صخيت إبروحك إو بيضت وجه أمك
إخذ دمعة إعيوني وإخذ من دمك
إو لچفوف الزهره إو حنيها إو تنصبلك مأتم خليها
* * *
ربيتك يجاسم وإتعبت بربـاك ردت عريس أشوفك وأگضي عمري إوياك
حاربني زماني إو خضبك بدماك
وإتهـدم بيتي إو صيواني وأتحنه إبدمك خلاني
* * *

المنظورات الحسينية ـ 3 492


يجاسم والـدك يوم الوضعتك بيه وصاني يرمله لولدي ربيه
لحسين إو فدائي الكربله ودّيه
والـروح الزينب يفديها وإحگوگ إرباچ إيأديها
* * *
هـوت رمله إعله جاسم تصك بيديها إعجنت حنة شبابك وين أوديها
إو زفافتك يبني إشلون أحنيها
ما تگعد سويلك چاره وإبأمرك ظلت محتاره
* * *
صفت رمله إعله جاسم تجـذب الحسره تشد طبره إو تخيط بالدمع طبره
يا عريس مثلك حوفته الغبره
وإبدم إصوابه إيحنونه وإبليلة عرسه إيذحونه
* * *
يجاسم يا ضوه إعيوني إو يروح الـروح عفت إمنصّتك وإعله الترب مطروح
عمت عيني إلتشوفك يولدي مذبوح
وإبدم إمصابك حنوني إو من زفة عرسك حرموني
* * *

(تمت)



المنظورات الحسينية ـ 1 493


(35)
النعي

«نصّاري»

بوركت يا ولدي
عفيه إبني إو أمل روحـي إو مضنها شد عالغانمه وإملك رسنها
* * *
يجاسم هذا گلب أمك يناديك إبتجليبك عليه إو رفس رجليك
إوسباحة السر إللي يغذيك إسيوف الگطعنك گطعنها
* * *
إفرشتلك چبدي وچلاي الوساده إو غطاك الگلب يبني إبوداده
إجزعت روحي إبساعات الولاده لاچنها إبشبابك أملّنها
* * *
يجاسم وإبرباك إتمرد إحشاي إو ردت تزهـر إبيتي شمعة إحشاي
يجاسم كربله إو دهري إو دنياي إعيوني إو شمعة إوجودك طفنها
* * *
ونـال الگلب بآماله إو رجه البيك يرف الشوفتك يبني إو يحييك
يجاسم شو خفه صوتك يناديك إو مخافي صوتك إهروشي لونها
* * *
أرد عنك لعد گلبي جوابه إو گله الچنت تتأمل شبابه
أخذ من كربله طعنة إمصابه وإخذ عن التوده إعلوم منها
* * *
عفيه إبني البيض وجهي برباه وإبحجر الشهـاده أغمضت عيناه
وأقلام الشرف هالسجلت معناه إبتاريخ المچارم خلدنها
* * *

المنظورات الحسينية ـ 3 494


يجاسم فضل ثـدي أمك حليبه تحوّل عالشرف منك نصيبه
حليبي إو نحّته وأثمار طيبه طيباتك يجاسم طيبنها
* * *
ولدي قاسم
يا روح روحي إو يا ثمرها يا نخوة أمك يا ذخرها
نار العرس يسعر جمرها بگلبي ولعيوني فجرها
وليلة زفافك طر فجرها وإتبرگعت يبني إبكدرها
وما هيبت يا جاسم طبـرها والمعركه خضت إبحرها
يالعانگت بيض إو سمرها يالهمتك عمك شكرها
وأمك يساعدها صبرها إو سلمت للباري أمرها
وتهيأت يبني اليسرها إتبيض وجهها إبطيب درها
وميضيع عند ألله أجرها
* * *

« تجليبه»

إسم ألله إعله الشباب إلنشر إجعوده إومن روضة محمد وردة إخدوده
إو فراسة حيدر إبمعناه موجوده إومن عمه الحسين إيهل بحر جوده
لو هز الرمح تتفصم إعجوده إومن العباس باسه إو همته إو زوده
إو آيات النصر بالسيف مرصوده
* * *

المنظورات الحسينية ـ 3 495


هوت رمله إعله جاسم والدمع منصب إو تگله العرس ظلت جمرته تلهب
إبگلب أُمك يريع الگلب يمرتب إبچم إصواب يبني گلبك إمصوب
عمت عيني التشوفك يولدي إمخضب إو بتراب الشهاده وجهك إمترب
إو عله فرگاك گلبي إنمرد وإتعطب إو عله صدرك يروح الروح تتگلب
إو تگلك گوم خدر أُمك تره إتسلب يسبع الخيل شد عالخيل بالملعب
* * *

(تمت)



المنظورات الحسينية ـ 1 496


(36)
الردات
ولدي قاسم
دگعد ينايم عالثره إشهالنومه
مو هذي حوفـة عرسك إمزينيها عالثره إشهالنومه
* * *
يبني يجاسم عالثره إشهالنومه
بدماك ليش إچفوفك إمحنيها عالثره إشهالنومه
* * *
معرس القاسم وإحترگ صيوانه
طفو إشموعه إو حوفته غلگوها وإحترگ صيوانه
* * *
عالترب نايم وإحترگ صيوانه
وچفوفـه من دم رگبته حنوها وإحترگ صيوانه

* * * في زفاف القاسم عليه السلام
(يمه ذكريني من تمر زفـة شباب من العرس محرم حنتي دم المصاب)(1)
شمعة شبابي من يطفوها
حنتي دمي والچفن ذاري التراب يمه ذكريني من تمر زفة شباب
* * *

(1) هذه المستهلات موجوده ضمن قصيدة (يمه ذكريني).
المنظورات الحسينية ـ 3 497


من ثدي النيبه راضع إبصافي الحليب وإبهالشهاده صار إلي قسمه إو نصيب
حوفتي إبدمي خل يفرشوها
حنتي دمي والچفن ذاري التراب يمه ذكريني من تمر زفة شباب
* * *
يوم المبارك أصبح إلديني شهيد وأفزع إلعمي من يظل بالطف وحيد
إو رمله بمصابي خل يواسوها
حنتي دمي والچفن ذاري التراب يمه ذكريني من تمر زفة شباب
* * *
وأهلي وصوني بالوفه يوم الطفوف من دم وريدي يصبح إخضاب الچفوف
هذي وصيتي يالتسمعوها
حنتي دمي والچفن ذاري التراب يمه ذكريني من تمر زفة شباب
* * *
دهري يتمني وإلتزم عمي إبرباي إوما أعز عنه مهجتي إو روحي إو دماي
إو رمله إبمصابي خل يفجعوها
حنتي دمي والچفن ذاري التراب يمه ذكريني من تمر زفة شباب
* * *
والوفه شانه ينعدم بيه الوجود وآنه وجداني يغتنم جنة الخلود


المنظورات الحسينية ـ 3 498


إو نيتي إبديوان جدي إكتبوها
حنتي دمي والچفن ذاري التراب يمه ذكريني من تمر زفة شباب
* * *
حنتك
(حنّتك حنّتك هـاك إخذ حنتك)
يالمجبل إعله الجنه وآنه إبدماك أتحنه
هاك إخذ حنتك
* * *

(تمت)



المنظورات الحسينية ـ 3 499


(37)
ألأبوذيات
فجيعة القاسم عليه السلام
سواد العين ويّه الدمع ينسال إو گلبي من حريج الـروح ينسال
لون صارم ألأزدي علي ينسال ولا صوب شبل سيد البريه
* * *
حنينك يا گلب إلمن تحنه عله العريس إلبدمه تحنه
ما تدري بضلع رمله تحنـه لأبنها وتجذب الونه خفيه
* * *
روحي ما بطل ونها وحنها وجاسم نحل إضلوعي وحنها
شباب إو عفر إچفوفي وحنها وتحنه إبدمعتي إو دم المنيه
* * *
يلوم إلما دره إبعلتي ولم بي يجاسم هاك إخذ گلبي ولم بي
السيوف إتطشر إبدمك ولم بي وأحني إچفوفك إبدم المنيه
* * *
جاسم حنة إچفوفـه من الدم إو چبدتي إحترگت إبناره من الدم
الدنيه للوكت عبره من الدم غير الصوّر أرواح البريه
* * *
إرچـاب الخيل من الزلم خلها وإبرمحك إخشوم إعداك خلها
يجاسم حنتك بدماك خلها إتصير إبحد شهيد الغاضريه
* * *

المنظورات الحسينية ـ 3 500


إمزجت روحي إثداي إرباك بالدار إو ردت شمعة شبابك تشع بالدار
شمرني الفلك عن ألأمل بالدار يجاسم وإنهدم بيتي عليه
* * *
يريم الصـار صدري إلك ما راح لعد بالي الدهر بعداك ما راح
يجاسم بيك تعب إرباي ما راح شلت راسي إبجهاد الغاضريه
* * *
روحي ما بطل ونها وحنها عله إمصاب الطـوه إضلوعي وحنها
إچفوفي إشلون إخضبها وحنها وإبني إتخضب إبدم المنيه
* * *
حمل گلبي ثجيل الصبر ولهام وأسحن صبر من الصبر ولهام
عله جسم التوزع طبر والهام حمل طبرته ألأزدي إو عز عليه
* * *

(تمت)



السابق السابق الفهرس