«ميمر مذيل»
(تمت)
«ميمر»
انختمت ابدين المسلمين الأديان واكمله ابمنهاج الولاية الرحمن لوردت شاهد دوك هذا القرآن
واتصفح ابمحكم التنزيل اوشوف منهو الذي بآيات ربه موصوف اوياهو الذي صديق الأكبر معروف
تايهه الوادم بالنبأ مختلفه لو ردت ياراعي اليقين اتعرفه سل هل أتى عنه تبين وصفه
ابحب حيدره گلب الموالي اتبهج اوبولايته راس الديانه اتوج احچي عدل لاتخرس اوتتلجلج
عنك يواهم خلي ذكر الآيات نستنتج ابحچي الشفاهي الغايات لوما علي بفراش ابن عمه ايبات
خلي انتحاجج بالعقل لا بكتاب لوما علي ياساعد اليدحي الباب عبره يسويها اويعبر الأصحاب
هم ينكر يوم الأحزاب المعلوم يوم النبي ناده من العمرو إيگوم من غير حيدر ما تگلط جيدوم
اوراية المله ابكل حرب حاملها او بين ايد ابن عمه النفس باذلها بالدنيا كل هذي المكارم خلها
ابحيره الخلگ من توگف ابصدر النار ما يجزي غير البيده صك حامي الجار او من يدخل الجنه محب الكرار
المترضى الباري إلسقايه انطاها او عباس من عوده علي اتولاها ابطف كربلا او للمشرعه اتعناها
اتذكر ابچبد حسين ظامي اومعطوب اوگام ايعذل نفسه ويگلها المهيوب چني اشوف اطفال ابو اليمه تلوب
يانفس من جاري العذب لا تتروين وگبل العزيزة اسكينه چى تتهنين ؟ يانفس چني اسمع اطفال حسين
اروه المزاده إو سدّر ابيا حاله شايل الماي ومنعطب دلاله كل همته من الماي يسچي اعياله
(تمت)
«ميمر»
(تمت)
«ميمر مذيل»
(تمت)
«ميمر»
من بنه ابراهيم القواعد للبيت ثبت حجر أسعد وسر التثبيت سر حيدر ولو خضت بحره اختليت
سر الخليل او حكمته وبرهانه وجدان الإسلام احتيه ابوجدانه ولو ردت تعرف علته او عنوانه
ما سامع ابنار الشعلها نمرود برد وسلم بيمن جعلها المعبود وايوب بيمن سلم من داء الدود
وخمس البسامير النزل بيها الروح اسماء الاشباح (إلّي إزهرت)(1) باللوح سير سفينة نوح وبطالع نوح
منهو النجد يونس من ابطون الحوت غير الذي ابحل المشاچل منعوت ومن نصر داود إوتفرّس جالوت
يانور يوسف چان متمسك بيه ومن نطق الشاهد الراد ينجيه ومن چان يحضر (2) بـالسجن ويسليه
نور الولايه عيسى متنور بيه الأكمه والأبرص عيسى چان يشافيه والميت بسرار الولايه ايحييه
ابنور الولايه كل رسول اتنور والنور من كوكب الدري اتبادر وكوكب الدري جوهرة سر حيدر
اول علم زم ابيمين الإسلام حيدر وأبداَ ما سجد للأصنام وبكل خطر بفراش ابن عمه اينام
* * * من چان ابو طالب ابذاك الأحصار ابوسط الشعيب يلاحظ من الأخطار اينيم علي چان ابمچان المختار
(تمت)
«ميمر»
راية الإسلام التأيد بيها وابخيبر انصاب ابرمد راعيها كلمن حملها موكفو اليرضيها
ابعين النبوه المصطفى شاهدها اوگام ايخطب بالوادم اويرشدها هالرايه تبچي اتريد المأيدها
باچر أسلـّمها الفتاها المهيوب امگرب او عند الله او رسوله محبوب وابگلبه گال الحسب نفسه مندوب
|
