«شيعتي»
بيوم غزوة احد حيَّت راية المله فتاها ياعلي انت حمايه وحيدر تكفل حماها والمشرچين بقيادة طلحه ويهز ابلواها يرتجز طلحه ويفتخر
يرتجز طلحه وينادي مني گلب الكون يفزع وصاح بيه الأسد آنه ( علي ) المايفزع ويجزع هاك اخذ كاس المنايه من بطل غالب الأنزع هز بيمينه رايته
انشرت راية طلحه عگبه سبعه من عينة اصحابه ويه ما ياخذ الرايه من علي ياخذ اصوابه انشد التاريخ واسمع عنه شيگلك جوابه اعدل يجاحد وانعدل
رفرفت راية المله بأيد راعيها بعزيمه وما سلم من سيف حيدر إله من وافه الهزيمه وصاحت الإسلام دوكم بالمشرچين الغنيمه وتغنم الجيش الظفر
وفرقة العالجبل چانت للطمع عافت الملزم وظفر بالإسلام خالد وعالرسول الجيش هاجم رفضت الوادم عهدها وگالت الهادي ميسلم شردت ومنها تشاردت
وعجب الاملاك موقف حيدر وباسه وثباته بعكس جيش العاف دينه وعالنبي عز ابحياته المنهزم واللي تهازم لو ردت تعرف صفاته طالع الغزوه واكتفي
(تمت)
«شيعتي»
وأسراره ومعانيه * * * گبل تكوين العوالم كوِّنت حيدر الحكمه تاج صيغ له الباري او رصعه ابجوهر العصمه شبح بنوار الجلاله وانطبع بالعرش رسمه
واسراره ومعانيه * * * حيدر ابجو القياده نشر الإسلام رايه ومشه ابتأسيس الديانه من المبدأ للنهايه قلم للتوحيد سيفه يملي آيات الهدايه
بالسيف شيد عاصمه والرمح معمار وأسراره ومعانيه * * * لاتگول السيف ماضي السيف للفارس يعينه سيف حامي الجار آيه نازله ابسورة يمينه اشما ثبت عالسيف چفه ثبت الإسلام دينه
وأسراره ومعانيه * * * ساعة الشده شديد وسمح ساعات السماحه حيدر ومصباح علمه نوّر اعيون الفصاحه وزهت من نهج البلاغه بكل علم وردة ملاحه
واسراره ومعانيه * * *
لو طلگ بالحرب رمحه گطع گلب الجاهليه ومن يصيح الله واكبر صعد صاروخ المنيه زلزل أفلاك العوالم دكدك اوتاد الوطيه
واسراره ومعانيه * * * من بدر وحنين إنشد عن جلاله وجه حيدر امبرگع ابرگع القدره وبجلال الله يزهر صورته من الملك أهيب والمَلَك بيها تصور
وأسراره ومعانيه * * * لوردت رب الفراسه من أُحد إسمع اخباره وبالسمه جبريل ناده يهل الإسلام البشاره لافتى إلا علي ولا سيف إلا ذو الفقاره
واسراره ومعانيه * * * علت بالكعبه الأصنام وسدّت أبواب العباده وحگ من الگعبه إعله حيدر صار من يوم الولاده وراد ينطي الگعبه حگها من ترشح بالقياده
واسراره ومعانيه * * * واعتبر يوم الأحزاب وحكـِّم الوجدان وانصف من برز عمر بن ود وخله شوس الكون ترجف زاغت الأبصار ذاك اليوم والدلال يخذف
واسراره ومعانيه * * *
وانشد الرايه اعله خيبر شوف شيگلك مردها چم عجيد اللي نشرها ومثل ما ودّاها ردها والفتح لليزم رايه الرايه ما تفتح وحدها
واسراره ومعانيه * * * اتحيرت واندهش فكري وعگلي بالدهشه تصوب اشلون ببنود المهند ينچتف چتال مرحب وشيبته التقديس والتسبيح بالدم اتخضب
واسراره ومعانيه * * * چني ابحيدر رميه واهل بيته ايودعونه يجود وينازع ابروحه وعالوساده ايجلبونه اشما يفيض الجرح دمه بالچيود اينشفونه
واسراره ومعانيه * * *
چني ابحيدر وشاهد حالته وحالة وداعه ينتبه ساعه ويغط ابغيبة المحتوم ساعه اشما ثگل أمره وتدارك فتح للسبطين باعه
واسراره ومعانيه * * * (تمت)
«شيعتي»
گلي تنكر يافضيله يالتجادلني ابعَلينه يعلن ابتفضيل حيدر آمر الباري نبينه وفضل سيف الذو الفقار ابساعد السله ابيمينه
انچان للآيات فكرك يها لجاحد ميحملها للحرب تاريخ دونك والمعانيه اعتبرها كل صحيفة موت تلگه سيف حيدر مستملها
خلي التاريخ عنك واحچي بلسان السريره وخلي مرآت الأنصاف اگبالك وشوف ابصيره وفلك يوم الكون شوف الچان بالساعد يديره
لو لبس ثوب العقاب وحاكم ابعدله الملازم وساحة الميدان صارت ساحة لرباب المحاكم سمرى التحقيق حبره ادموم واقلامه الصوارم
ها يجاهل فضل حيدر صد لعند الجاهليه وانشد الأصنام من اللي بطش بيها الوطيه وشوف منهو المزج روح الدين بجسوم البريه
ثلث آيات بفراسة حيدر اتجلّت ابحكمه ثبت إلدعوة محمد ساعده وصارمه وعزمه من سماء الغضب حيدر نزل على الأصنام نقمه
لو عبس جو الحرايب من سنان النار يلهب اعتقد رب الفراسه من عزم حيدر تهرب وإبسيفك الخيل التعگر ملها بالميدان ملعب
چني ابحل المشاچل من يمين الفتح خيبر وچنى ابحيدر وشوف اشما يندبه المحب يحضر اشلون ما يحضر الزينب من خدرها ابنار وجر
هاي صيحه وبعد صيحه ساحت او فجر دمعها الخيل هاي الخيل أجتنه وين اليسدر فزعها واعتنت مصرع حسين وحنت لبن امها ضلعها
اتگوم من يم جسم تگعد يم جسم معلن نداها والأجساد إعله الوطيه اتموج گامت من بچاها ومالگت چهف اليلمها ولاحمه اليحمي حماها
وعالنهر موقف الزينب ماگلب يحمل ونينه لگت للعامود ضربه براس ابوفاضل العينه نست گطع أچفوف اخوها ونست سهم الصاب عينه
(تمت)
«شيعتي»
لو ردت ياصاح تعرف حيدر او إكسير ذاته انصاغ من جوهر الحكمه او روح للحكمه حياته طالع القرآن عنه وشوف تأويله ابصفاته
لاتجادلني يجاحد واكتفي ابهاي الفضيله الباري من راد المثال العزته او ذاته الجليله صاغ من جوهر القدرة حيدر اونفسه الجميله
الكون من كونه الباري ابقدرته وشاءت حكمته يخلق امن الطين ( آدم ) بشر ويرفِّع درجته او أنعم اعليه ابولاية حيدر او تمت نعمته
عالبشر ما ساد « آدم » لون ماينعجن طينه ابماي من عين الولايه او يثبت ابنصها يقينه اومن سجد له الملك شاهد نور ابو حسين ابجبينه
اوخاتم اسليمان آيه وسرعلي باطن الآيه مرشد الأسرار حيدر والخليل ابكل قضايه
شرع منهاج النبوه او وضح أسرار الديانه درس ( داوود ) ابزبوره او ( حيدر ) ايترجم بيانه و(موسى ) بالتوراة يشهد ( علي ) افصح من لسانه
يشهد الدين او شعاره او يشهد الباري ونبيه ابفضل من طهر الكعبه من اصنام الجاهليه حيدر الواضع اجدامه ابموضع اليد العليله
هذا تقسيم العداله والعرف معناه غالب ينجح ابحسن السلوك او يفلح ابحسن العواقب أقسم الباري ابجلاله ابحيدر ايثيب اويعاقب
|
