إو وگف بموسط الكون إو صد عله الكون إبوراعه صاح أنه الحر الرياحي إو تگرب إبصارمي الساعه
خطب بالكوفه إو عذلها إو سلّت إبوجهه الصوارم لبس إيمانه إعله درعه إو زرّه ببنود المغانم إو صارم النصره إبيمينه إو ينثر إچفوف إو جماجم
إنحدر محدار ألزلازل عالحرايب من مزنها خبط وإتخبّط الحومه وأخذ صافيها إو رجنها إستشهد إبنصرة حسين إو حصّل المگصود منها
(تمت)
«شيعتي»
* * * بين جنه ونار چنه وإنقسم أمرين أمره وأدركه نور الهدايه وحسّن التوفيق فكره طلع من نار المسعره ودخل بالجنه المزهره
* * * هاجت إبجسم الرياحي شيمته ودم الحميه وخله مرآة ألإنصاف إگباله والفكره القويه طلّگ الدنيه إو هواهه إو عقد حورية المنيه
* * *
وگف متچتف وسيفه إبرگبته وبالحگ تشاهد مذنب ونادم تراني إي وحگ جدك محمد وإگصدت وافد تراني وإنته للوفاد مگصد
* * * بشر وإستبشر الحر وصاح يا والد اليمه عبدك التعتگ رگبته ما يعز إعليك دمه إرخصني للميدان أريد الگلب زينب أجلي همه
* * * أخذ من حسين أمر الحرب وإشتد عالملازم صكّت إبوجهه الرماح وهلهلت بيض الصوارم وصاح أنه الحر الرياحي وأصبحت لحسين خادم
* * * إشما عذل بالكوفه عيّت تمتثل أمر ألإراده لبس فوگ الدرع گلبه وزرّه ببنود الشهاده وقائد ألأرواح سيفه إو حلت للسيف القياده
* * * بإنتصار حسين للحر أظهرت للنصر آيه باح للإسلام دمه وشهد صارتله المنايه تاجر وربح التجاره عقد جوهرة الولايه
* * * (تمت)
«شيعتي»
* * * من نشأ خلق ألأرواح الباري بالذروه العليه وإصطفه لحسين صفوه إنفوس قدسيه إو زكيه إنعقد ميثاق الشهاده والسعاده العبقريه
* * * إتحزم إبسيف القياده وإبمحاسنها تغطرس إو هبّت إرياح الشهاده وإنعشت روحه إو تمايس إو صاح وين إللي تحجل خيلها إبدم المغارس
* * * نهضت أرباب الديانه إبأمر دين ألله اليهمها إو تاجرت ويّه إبو اليمه والبضاعه إعقود دمها إو ربحت الجنه إو هواها وأخذت الدنيه إو علمها
* * * إشلون صفوة مجد سامي الباري لحسين إصطفاها مثّلت شمس الديانه إو ظهر بالعالم ضحاها نصرت الدين إبذممهم چانت إو بالطف أداها
* * *
يا إسباع الكون چيف العيش والنوم إيهناكم إو زينب الكبره گلبها إمريب إبكثرة عداكم گومو ويايه إنتچنه إگبالها إو نشرو لواكم
* * * هوني يمودعة حيدر هوني لا ينخطف لونچ إرگابنه الخدرچ إنمدها يا حلات الموت دونچ وإخوتچ وأنظار إخوتچ والله تنعملچ إعيونچ
* * * والنعم گالو إو فعلو خاضو إبحور المنايه إو حافظو حد المخيم وأصبحو بالحد ضحايه إو طاح إبن ظاهر رميه إو طاحت إبكتره الرايه
* * * من فتح عينه حبيب إو شاف أبو السجاد يمه فرفرت لحسين روحه إو من إجروحه إيفيض دمه ما يهمه الموت لاچن غربة حسين إلتهمه
* * * (تمت)
«شيعتي»
زم لوه ألإيمان بيد السالمت چف الديانه وصاح يرباب العهود اليوم تسليم ألأمانه حيته ولبته گلوب إلما روت ماي الخيانه
بين ما رادت أنصار الدين تتفاده الغوالب ولن گمر هاشم تجله وحافّه بأُفقه الكواكب إشلون نهضه إشلون مشيه إشلون حنيّة گرايب
گلط جيدومة عمامه وگام بالممشه إيتبختر وصاح ضرب السيف إلنه ورث من الفتح خيبر وصد حبيب إعله الهواشم ومن إبو فاضل تعذّر
سجل التاريخ موقف للأنصار وللهواشم علوم دينيه إو فراسه وغطّت إعلوم العوالم وصار بالموقف صليل سيوف وإمسامر ضياغم
أوچبت دون أبو اليمه وإبمناياها إتباشر والرماح الهاشميه گطب وألأفلاك تفتر وبيد ألأنصار المواضي وبلسنها النار تسعر
إتگلط إلما غفت عينه وسكن نبضه إعله المذله گمر عدنان إبسماء العزم مصباحه تجله وصاح لو تجدم أنصارك لليناشدنه إشنگله
(تمت)
«شيعتي»
صاح يرباب المعالي إو راية العليه نشرها فرشت العليه ردنها إو وين الينام إبحجرها إتريد من عدكم رباها يالربيتو إبثمر دُرها
نسجو إدروع الفراسه إو بالفراسه إتوشحوها طوسهم توج الشهاده إو بالشهاده إيتوّجوها والبراجع هيبة ألله إبسر من ألله إتبرگعوها
من أشراف العرب صفوه الباري لحسين إصطفاهم إتعاضدو فزعو تناخو حيهم إو حي النخاهم هز حبيب اللوه إو هز الكون من إهتزلواهم
هاي من همة حبيب وشالت إهلال الحميه من عليه مر أبو اليمه نهض وبذيج المسيه طلع خلف حسين ناده إهلال يا روح الزچيه
بالخيم گام إيتخطه حسين وهلال إبخدمته وصلو الصيوان زينب شكر من إهلال همته إتوادعو وحسين طب إعله الخدر يتفگد إخته
گال أبواليمه يزينب راي گومي ما إيتبدل صحبتي إرجال الكريهه إمن الكريهه متّزلزل ولن يصيح إهلال خلف الخيمه نفعل وألله نفعل
دبَت بهلال الحماسه وإبحماسة عزمه فزّع وصاح يبطال الفراسه إو يا صناديد المصارع الموت دون حسين يحله وحد خدر زينب المصرع
هللو كبّرو نادو يا كريمات الهواشم إرماحنه إبصدر اليضدكم تنثني إو هاي الصوارم إمجرده إمن الغمد عيّت إلاّ تغمدها إبجماجم
فعلو الگالو وأزيّد من ضحت والكون زمجر صدگو عهد أبواليمه المنعقد من عالم الذر وإفرشو ردن الشهاده إو نامو إبحجر المقدّر
جاهدو گبل الشهاده إو جاهدو عند الشهاده إبمسلم ألأسدي توضّح هالجهد معنه العباده عدل جاهد ميت جاهد في سبيل ألله جهاده
مسلم إيجود إبمهجته إو ينتبه وإتغيب روحه وبالنزيف أتفيض نفسه من يفيض إدماه موحه شاف أبو اليمه إوحيب إتودعه إتجلب إجروحه
|
