(تمت)
« شيعتي»
* * * حگ عله ألإسلام واجب حفظ قدسية المعابد إو حقد إسرائيل وصّل بالقدس تحرگ مساجد يا شباب العرب هيجو إبرايه وحده إو راي واحد
* * * إخذ تاريخ المساجد يعربي وإعرف المسجد سنة أو أربع تشهر إو إسلام چانت بيه تعبد عاكفه إو تحمد إو تثني وإعله ذيچ القبله تسجد
گومو إبعونة ألله
* * * إتعصبت هاي العصابه المارده إو شرها إيتطاير إغترت إبأمريكا وإحنه إنحاسب الأمريكا مغتر (وشمس ألإسلام العظيمه)( 1)بيها فجر السعد جهجر
* * * صفحة التاريخ تذكر عن الملّه ألأحمديه بالسيوف أخذت الجزيه إمن اليهود الخيبريه إو بعد ذيچ الملّه حيّه والصوارم ذيچ هيه
* * * عهدي إبجيش العراگ إمدرب إو حازم إو باسل إو قادة الثوره الطلايع إو كل بطل منهم مناضل والعراگ الجسم وإحنه إمن الجسم ننعد مفاصل
* * * دولة ألإسلام دوله والقواعد إلها مرصد من إبراهيم الخليل إو نشر دعوتها محمد إو نعتبر ثاني مأسس حسين والتاريخ يشهد
* * *
أسأل الباري إبيمين الرفع للإسلام رايه وإبسماء الرايه ظهرت لإنتصار الدين آيه يذهل إسرائيل من صرخة صواريخ المنايه
* * * (تمت)
« شيعتي»
* * * للبشر صوّر الباري نور والنور إيتشاهد إبعين إيمان العقيده الراسخه إبدعوة محمد وإبضوه نور الحقائق راي أُمتنه توحد
* * * دول إسلاميه وأرباب ابعلوم الراشدينه تعلن إبفتواها تصميم العرب وإمأيّدينه دين واحد قبله وحده والضمير إموحدينه
* * * والعصابات اللقيطه تظن متوسع مداها نست يوم إللي بطلنه خضها للباب إو دحاها إو نست تكبيرته المرحب صار أطرش من صداها
* * * تنسف إجبال الرواسي العرب لو رفرف لواها إو لو بنت بالحد مراصد شرف وأتكرس قواها وإبصريح ألآيه إسرائيل مغلوله يداها
* * *
هاي جرثومة عداء إبگلب إسرائيل حلت إو عادت إلإسلام من يوم العليه الجزيه حلت إو ذلت إبنص الرساله إو راية المله تعلت
* * * چني إبصوت العروبه إيهلهل إبساحة جهدها إتريد ماضيها تعيده إو ترغم إخشوم التضدها منهو يتسيطر عليها إو راية ألإسلام عدها
* * * (تمت)
|
