والحمس چبدي إو مردني إو ركز النشاب بيه إنظر إبحكمة الباري عين محبوبه إونبيه
إو بعد أبينلك مصيبه إتضيّگ إعليك الوسيعه من تشاهد نهر جاري أحني ظهرك عالشريعه وإذكر العباس عمك وإذكر إچفوفه الگطيعه
يولدي هذا الوداع إو بالشهاده النوب أخبرك أسس إو عمّر إبعلمك وإصرف إعله الدين عمرك إستشهدت بالسم تراني إو مثل أمري إيصير أمرك
(تمت)
« «شيعتي»»
* * * طحت بشراك النوايب والنوايب صوبني إصواب ما لدواه چاره ومن حياتي إنگطع ظني إسبوطعش حامل رساله بالطفوف إنذبح مني
* * * إنصبت من الشاطي حربه رمح وإصوابي ضهدني وأهجس إبراسي العمود الصاب أبو فاضل إو هدني عينت چبدي الشريعه إو سهم المحدد وردني
* * * هاك يالباقر تسلم من حريج الخيم جمره وإكتب إبدمعك وصيتي وإحيي للإسلام أمره مثل ما جدك حياه إبدم رضيعه إو فيض نحره
* * * ريت حاضر بالمعاره وتنظر إشراح إمن أهلنه چم طفل سحگته الخيل وچم شباب إلما تهنه وشوف عرّيس الهواشم جاسم إبدمه تحنه
* * *
يولدي إو ريتك تشاهد كربله إو مصرع ألأكبر من أثر طبرة ألأزدي من ظهر مهره تكور هلّه هلّه إشلون طيحه طاح بموسط العسكر
* * * عله إفراش ألألم مرمي إو للأجل شابحه إعيوني إشما يمر مچتول بيّه عله القبله إيمددوني دارو إمتوني إبسلاسل وإبظهر ناگه إشبگوني
* * * يبني كل هاي المصايب شاهدتها أو رگد حيلي إو من عگب هاي النوايب فطّرو بالسم دليلي دگرب إگرب يا عزيزي إو خل أگظّي إوياك ليلي
* * * (تمت)
«شيعتي»
إو چني بالسجاد لايج مسهر إو مينام ليله والمرض نحل إعظامه إو كربله الهدمت حيله وأهجس السم إبدليلي مثل ما يگطع دليله
إو چني بالباقر يجود إبمهجته إو يجذب الحسره إو طاح عالسجاد محني إو وضع صدره فوگ صدره والتهم علم ألإلهي وإستلم للدين أمره
إبحالة ألإحضار چان إيجود وينازع إبروحه من اليسر مصيوب گلبه إو كثرت إبچبدته إجروحه ورده من دمعة إعيونه ويتغذه بكثر نوحه
إو چني بالسجاد ناده يبني لا ينخطف لونك وإحتسب بألله وإصبر والصبر ينعم إعيونك وإحذر إسهام الشماته إو خاف مثلي إيصوبونك
عله إفراش الولم چان إبكربله جسمي رهينه يبني وسهام النوايب بالرمي ثگلت علينه إو شاهدت حتى الرضيع إبحضن جدك ذابحينه
لو ردت يبني تشاهد ما لگت روحي إو صبرها فوگ نار الخيم حملت نار عماتك يسرها إو نار من طبت الكوفه إبگلبي وإبگلبك جمرها
يا إولدي إو كل هالمصايب گلبي إو گلبك حملها والنوايب لو تـِمـِّلك وصي گلبك لا يملها إحفظ إحفظ هالوصيه وللصبر مرآة خلها
(تمت)
«شيعتي» سلطنة دين الرسول إبنهضة حسين
* * * خضت ببحور المعاني ولجج فاكرتي غصتها جوهرة روح المعاني المتثمّن دورتها درّه وإبتاج الديانه إتنور هالنهضه شفتها بآثار هالنهضه إشعرت
* * * إندار للتوحيد فكري وناظر ألإيمان شاهد منهج التوحيد نوره يزهر بدعوة محمد لاچن إبنهضة حسين الدعوه والمنهج تأيد وتأييد هالنهضه الورع
* * * إندار للإيمان فكري وخاض للإيمان منهج وشاهد إبدعوة محمد درس بيه الناس تنهج إبنور هالنهضه كواكب وإبسمه الدعوه إتباهج وتمّت النعمه الدايمه
* * * إندارت أفكاري البراسي للأمور العالميه إبعين توفيقي شفتها إمرتبه إبنهضه سميه وشمعة النهضه وجود الحمل جور الغاضريه والحمل ثگل الجامعه
* * *
شجرة النهضه غرزها حسين برياض الشهاده بالدمع ساقاها عگبه الكمّل إفروض ألإراده صُبر وإتحمل إو شارك والده إبجهده وجهاده والمرض حيله نحله
* * * (تمت)
«إهجيني»(1)
* * *
* * *
* * *
* * *
* * *
* * *
* * *
* * * (تمت)
«بحر الطويل»
|
