وغرّك الملك العقيم وكحلت جفن الخيانه وساومت بالدنيا دينك هاك أخذ معنى الديانه
وبعد ابينلك معاني البالمچارم شاع وصفه وانت لو جنبت غيضك والحسد للحق تعرفه بالحسن مَـنْ عالبريه الباري من رأفته ولطفه
وانت يافاضل الطينه لوردت تمتحن نفسك الك بهل البيت أسوه والطريق الجنه مسلك اخذ جوهرة الولايه والمحك مرآت عقلك
(تمت)
«شيعتي»
كون المعبود ذاتك سيدي من عالم الذر امصور ابمطبعة قدره رسمك اوباللوح يزهر نوره من كوكب الدري أو كوكب الدري حيدر
* * * فجرت عين المكارم ماي بيه انعجن طينك وابقلم من نور شطر الحلم مكتوب ابجبينك ما ملك من الله غيرك مثل ما ملكت يمينك
* * * ياكريم البيت ذچرك بيه قوة جاذبيه ابكل محل من يبدي فضلك شمس چنه اويشع ضيه بالطبع قسمين بيك اتصير آراء البريه
* * * ابنور معناك اليودك سيدي يبتهج گلبه والخصيم ابگوس فضلك بالچبد ينصاب حربه والحسد لو نزل مايه عمه اعيونه اوتاه دربه
* * * جاحدك مسحوگ حظه اومنگطع منك نصيبه والذي ايحبك يّحبه الباري وايحبه حبيبه هاي عِلـّه امن المراضع والفتى ايسوگه حليبه
* * * يبو محمد من الباري (تسعه ) مختصه ابوجودك العلم والحلم شانك والكرم والجود جودك سيفك اورمحك اودرعك والفراسه ورث عودك
* * * لاچن الشيطان بث الفتنه بالناس اوغواها قوة الباطل نصرها او عن طريق الحق عماها وابهذاك اليوم كلمن تفحص ابذاته تراها
* * * لاچن ابهاليوم أمة جدك اتجد بالهدايه امنوره اوجعلت ولاكم من عذب الله وقابه وابگلب كل ذات منهم منطبع حب الولايه
* * * سيدي والجهل حقك دلته ذاته الرديه گطع ابسمه دليلك اوگبل ماتدنه المنيه صحت لحسين اوجعلته امگيد ابحبل الوصيه
* * * بالنبل يرمون نعشك وانته مفصل من الزهره وابو السجاد ابوصيتك منچتف مدرع ابصبره لاچن العباس گلبه انگطع منه اوضاگ صدره
* * * حسين من شاهد عضيده ضاگت الدنيا ابعينه صاح ريض ماهو يومك هذا ياحامي الظعينه ياهو يومي أونعش أخويه بالسهام امرشحينه
* * * گرة اعيونك عضيدك من وگف دون الشريعه ايريد منها الماي يروي گلب الحسين اورضيعه اشما تهم عالشرب روحه والأمرها ما يطبعه
* * * حمل جوده اوسدر ظامي للحرم بالماي مهنم اوحال مادونه المگدر صاحب اودون المخيم لن يصيب السهم عينه والسهم مسجيه بالسم
* * * حسين ملسوع النوايب يندب اوعالنهر حايم يعباس اعداي نامت واسهرت عين الفواطم وابطن حوت ابحر من دم غبت يابدر الهواشم
* * * (تمت)
«شيعتي» يحسين يبن أمي الدهر ما أنصف اويايگطـّرلي الماي مسموم گلبي والنوايب وجرت ناره * * * هلّه هلّه اشلون حَنـّه صارت ابيوم الموادع انفجع گلب الدين وأهله اوعالم العلوي تروع جروح أهل بين الرساله فاضت اوفجّر المدمع
گطرلي الماي أول وصيه اتحافظ الإسلام واسراره * * * مضه اصواب الدهر بيـّه امودع الله ياعضيدي جمرة السم احرگتني وصارت الروح ابوريدي غمض ابيمناك عيني واسبل اعله الموت ايدي
گطر لي الماي
واليجرع ابمر الصبر تتخلد آثاره * * * خل اودعنك وشمك ياثمر گلبي اوخليلي جسمي يتگلب او عيني مسهره اوما نمت ليلي من أثر جمرة السم الشعلت النار ابدليلي
گطرلي الماي خليلي گلبي المنمرد واتسلم آثاره * * * ابحالت الإحضار چان الحسن ويخاطب عمامه ياهلي ابصدر أبو اليمه ودعت نور الإمامه وخلفت بيكم يهلنه شمعة القاسم علامه
گطرلي الماي سهم الأجل غير الأجل متصير إله چاره * * *
ياحسين اجرعت سم اعداي چم نوب ابحياتي بالصبر برّدت گلبي والحلم ادرك نجاتي مو مثل هاللسم حمسني اوصابني ابحربة مماتي
گطرلي الماي وانشد وصل گلبي على السم واسمع اخباره * * * اجرعت من مر النوايب چاس ياوالد اليمه شوف لوني انخطف منه وشوف جسمي يبس دمه هلّه هلّه اشعمل بيـّه الچاس واشگطع ابسمه
گطرلي الماي يومي فجعها اوما تِحَمل الدهر واخطاره * * * گوم حضرلي زهابي واحتسب بالله عونك ليش محنيه اضلوعك ليش تهملي عيونك ؟ لو ردت يم گبر جدي دفنتي ما يخلونك
يحسين لا تطلب ابثاري اوتطلب إدماي گطرلي الماي وما ريد من جسم إلچتلني إدموم تتچاره * * * ايعالج ابروحه وينادي وين راعي العلم وينه خل ينابيني ابونينه ويبخ گلبي ابدمع عينه زينب امودعة حيدر وارد اسلمها ابيمينه
گطرلي الماي وبالطف اريد الخدر زينب تضرب استاره * * * حالتي حالت امفارج والفراگ ايعزعليه منگطع لحسين گلبي وخايف من الغاضريه وادري ياعباس تحفظ خوتي وحگ الوصيه
گطرلي الماي والدين لمصابي انهدم وانتم العماره * * * (تمت)
«شيعتي» ودعتك الله ياعزيز الزهره يحسينيا شمعة العين من جمرة السم يلتهب يحسين دلالي * * * جمر نيران الوداع ابگلب الحسين ايتواگد وگطع اگلوب الهواشم سم البگلب أبو محمد ينهض ايوادع عمامه ويرد عالقبله ايتمدد
* * * هلّه هلّه اشلون صيحه صاح ابو محمد عضيده ايلوج من شدة اصوابه اوشفرة السم التچيده فرفرت روحه العزيزه واشبگ اعله حسين إيده
* * *
مثل گلب الحسن نار السم دوت بالفاطميه من تشوف اعله ابو محمد مجبله اسهام المنيه اوفجع گلب حسين لمَّن گال إخذ مني الوصيه
* * * گلب الحسين وعضيده يلهب ابنار الموادع اندهشو ابنايبه الأعظم من مصيبتهم وافجع أگبلت زينب تنادي يخوتي اوفجّر المدمع
* * * بالطشت چان ابو محمد وصل متگطع دليله ومن سمع صرخة اعياله او ونـّت القاسم ثجيله مد يمينه ولزم جاسم سلمه بيد العقيله
* * *
اشلون صرخه اصرخت زينب نايبة فگدك عمتني رحت يبن امي امن اديه ومثل جاسم يتمتني ودعت عندي عزيزك وآنه عد من ودعتني
* * * خلف ابگلب الهواشم فگد ابو محمد الريبه وابصحيفة امن النوايب دونو شرح المصيبه وسجل حسين الشهاده وسجلت زينب غريبه
* * * (تمت)
«شيعتي» مسموم الگلب دهري چتلنيهاك اخذ الصبر يحسين مني
جمر نيران الوداع ابگلب الحسين ايتواگد اوگطع اگلوب الهواشم سم البگلب ابومحمد ينهض ايوادع عمامه اويرد عالقبله ايتمدد
هالله هالله اشلون صيحه صاح ابومحمد عضيده ايلوج من شدة اصوابه او شفرة السم التچيده فرفرت روحه العزيزه واشبگ اعله حسين ايده
مثل گلب الحسن نارالسم دوت بالفاطميه من تشوف اعلى ابو محمد مجبله اسهام المنيه اوفجع گلب حسين لمن گال اخذ مني الوصيه
گلب الحسين اوعضيده يلهب ابنار الموادع اندهشوا ابنايبه الأعظم من مصيبتهم اوافجع اگلبت زينب تنادي يخوتي اوفجرت المدمع
بالطشت چان ابو محمد وصل متگطع دليله من سمع صرخة اعياله اوونـّت القاسم ثجيله مد يمينه اولزم جاسم سلمه بيد العقيله
اشلون صرخه اصرخت زينب نايبة فگدك عمتني رحت يبن امي امن اديه اومثل جاسم يتمتني ودعت عندي عزيزك وآنه عدمن ودعتني
خلف ابگلب الهواشم فگد ابومحمد الريبه وابصحيفه امن النوايب دونو شرح المصيبه اوسجل حسين الشهاده اوسجلت زينب غريبه
(تمت)
«شيعتي» يبو محمد ياكريم البيت يمشيد أساسهبالعرش مطبوع رسمك تاج نور الله اعلى راسه * * * كون المعبود ذاتك يالحسن من عالم الذر امصور ابمطبعة قدره رسمك او باللوح أزهر نوره من كوكب الدري اوكوكب الدري حيدر اوبالحبر كوكب الدري نور رباني اقتباسه * * * فجرت عين المچارم ماي بيه إنعجن طينك والعلم من نور شطر الحكم مكتوب بجبينك ما ملك من الله غيرك مثل ما ملكت يمينك إنطاك بالجنه السياده او بالأرض تاج الرياسه * * * يا كريم البيت ذچرك بيه قوة جاذبيه أبكل محل من يبدي فضلك شمس چنه اويشع ضيه بالطبع قسمين بيك أتصير آراء البريه كل محب ينشرح صدره اوكل عدو اتضيّگ انفاسه * * *
أبنور معناك اليودّك يالحسن يبتهج گلبه والخصيم ابگوس فضلك بالچبد ينصاب حربه والحسد من نزل مايه عمه اعيونه اوتاه دربه والجحد معناك ظالم ضامره اوبالجدم داسه * * * جاحدك محروم حظه اومنگطع منك نصيبه والذي ايحبك يحبه الباري وايحبه حبيبه هاي علـّة امن المراضع والفتى ايسوگه حليبه واليحبك دره صافي واليضدك بي دناسه * * * يبو محمد من الباري تسعه مختصه ابو جودك العلم والحلم شانك والكرم والجود زودك سيفك اورمحك اودرعك والفراسه ورث عودك ابمدرسة جدك محمد دارس افنون السياسه * * * هاي وحده أمن السياسه محتسب ظليت صاير أمحافظ اعله الدين واهله اومن سفاك الدم تحاذر بايعت للميتبايع من شفت قلة الناصر أنتو أبده ابهالأماره وانت أقوى بالفراسه * * *
|
